ÉXODO 21:6 - Dios Rimashca Shimicunami

⁶ paipaj amoca juezcunapaj ñaupajman pushashpa pungupi cashpa, postepi cashpa paipaj rinrinta churashpa alishñahuan jutcuchun. Chashnaca paipaj tucui causaipimi paipaj amopajta ruraj canga.

ÉXODO 21:6 Iomraidhean Croise

1 REYES 12:7

Shina nijpi paicunaca: –Can paicuna mañashcata uyashpa, paicunapaj allita rurashpa, sumaj shimicunahuan cutichijpica paicunapaj tucui causaipimi cambajta rurashpa causangacuna– nircacunami.

SALMOS 82:1

Taita Diosca dioscuna tandanacushca chaupimantami jatarin. Dioscunapaj chaupipimi paicuna imallata rurashcata ricushpa cashna nin:

ÉXODO 12:12

Chai tutaca Egipto llajtatami puricusha. Chai llajtapi causajcunapaj punta huacharishcacunataca gentecunapajtapish, animalcunapajtapish punta huacharishca c'ari huahuacunataca tucuitami huañuchisha. Chashnami egipciocunapaj dioscunaca yangalla cashcata, ñucaca Mandaj Diostaj cashcata ricuchisha.

ÉXODO 21:22

Maijancuna p'iñanacushpa macanacucushpa, shuj chichu huarmitaraj macangachari. Chai huarmi mana huañushpapish shullujpica, chai huarmipaj cusa mashnata juchachishcata juezcuna ricushpa mashnata cuchun nijpica chaitataj cuchun.

ÉXODO 21:5

Ashtahuanpish amopajta rurajca: Ñuca amotapish, ñuca huarmitapish, ñuca huahuacunatapish c'uyashcamanta mana llujshisha ninichu nijpica,

ÉXODO 21:7

Maijanpish paipaj ushushita shujtajpajta ruraj cachun c'atungachari. Paica c'aricuna shinaca mana llujshi tucungachu.

ÉXODO 22:28

Juezcunataca ama p'iñashpa rimanguichij. Cancunapaj llajtata mandajtaca ama imapish tucushca canman ninguichij.

ISAÍAS 1:26

Canpica callaripi shinallataj cashcata ruraj juezcunatami churagrini. Cunaj yuyajcunatapish ñaupaman caj shinallatatajmi churagrini. Chashna rurajpica, cantaca cutinllatajmi: Cashcata ruraj llajtami ningacuna. Chaitataj pajtachij llajtami ningacunami.

LEVÍTICO 25:23

Allpaca ñucapaj cashcamanta, nunca mana tigrachinapajca mana c'atui tucunguichijchu. Cancunaca chai allpapica shujtaj llajtamanta purij runa shinalla, shujtaj llajtamanta shamushcalla shinami canguichij.

LEVÍTICO 25:40

Paica can huiñachishca shina, caru llajtamanta shamushca shinami canhuan causanga. Paica imamantapish cacharirina punllacamami cambajta rurashpa causanga.

SOFONÍAS 3:3

Jerusalenpi causajcunata mandajcunapish, paicunapaj chaupipica huacaricuj leoncuna shinami. Juezcunapish tuta purij atujcuna shinami cayandijpajca, shuj tullullatapish mana saquincunachu.

DEUTERONOMIO 1:16

Cancunapaj juezcunataca cashnami mandarcani: Cancunapaj huauquicuna shamujpica paicuna huillashcata alli uyashpa, paicunataca ima shina cashcatataj ricuchinguichij. Paicunataca cancunapura cajpipish, shujtaj llajtamanta shamushcacuna cajpipish chai shinallataj ruranguichij.

DEUTERONOMIO 15:16

Quiquinhuan alli cashcamanta, quiquintapish quiquinpaj huasi ucupuratapish c'uyashcamanta mana risha ninichu ningachari.

DEUTERONOMIO 15:17

Chaipica, cambajta rurajtaca cambaj huasi pungu caspipi quimichishpami, shuj puntajlla fierrohuan paipaj rinrinta jutcuna cangui. Chashna rurajpica huañungacamami paica cambajta rurajllataj saquiringa. Cambajta ruraj huarmitapish chashnallatajmi rurana cangui.

DEUTERONOMIO 16:18

Mandaj Dios cancunapaj Taita Dios, pueblocunata cada ailluman ña cujpica, chai pueblocunapica juezcunata shujtaj mandajcunata churanguichij. Paicuna cashcatataj ricuchishpa mandachuncuna.

1 SAMUEL 1:22

Ashtahuanpish Anaca mana huichiyarcachu, paipaj cusataca: –Ñucaca cai huahuata raquingacama mana huichiyashachu. Huahuata raquishca q'uipami paitaca Mandaj Diosman cungapaj apashpa huichiyasha. Paica paipaj tucui causaipajmi chaipi saquiringa– nirca.

1 SAMUEL 27:12

Aquisca, David tucui chaicunata nishcata crishpami: “Davidca israelcunapica jatunta millashca p'iñashcamari tucucun. Chashna cashpaca, tucui paipaj causaipimari ñucapajta rurashpa causanga” yuyarca.

1 SAMUEL 28:2

Chaipimi Davidca Aquistaca: –Allimi, cambajta ruraj ñuca ima shina ruraj cashcataca cunanmi ricungui– nijpi Aquisca, Davidtaca: –Chashna cajpica cantaca ñuca tucui causaipimi ñucata cuidaj cachun churasha– nirca.