ÉXODO 21:26 - Dios Rimashca Shimicunami

²⁶ Maijanpish paipajta ruraj c'arita cashpa, huarmita cashpapish ñahuita surcujca chai ñahuimantaca llujshishpa richun saquichunlla.

ÉXODO 21:26 Iomraidhean Croise

NEHEMÍAS 5:5

Ñucanchijpish paicunapish quiquin aichapurallatajmi canchij. Ñucanchij huahuacunapish paicunapaj huahuacuna shinallatajmi. Chashna cashpapish ñucanchijca ñucanchij huahuacunataca ñucanchijpurallamantajmi c'atuna tucurcanchij. Ñucanchij ushushicunamanta maijancunaca ñamari huatashca shina paicunapajta rurajcuna tucurca. Ñucanchij allpacunapish, uva chagracunapish ña shujtajcunapaj cashcamantaca, ñucanchij ushushicunataca imahuan mana surcui tucunchijchu” nircacunami.

SALMOS 10:14

Mana allita rurajtaca, canllataj ricunguimi. Paitapish cambaj maquihuan chai shinallataj llaquichingapajmi ricuracungui. Mana mitsari tucujcunaca cantami mashcan. Yaya mama illajcunamantaca Canmi shayaringui.

SALMOS 10:18

Yaya mama illajlla huahuacunatapish, llaquita apacujcunatapish cashcata rurashpami mitsangui. Allpamanta rurashca runacuna, ama ashtahuan llaquichishpa catichunmi chashna rurangui.

SALMOS 9:12

Diosca huañuchishcamanta paitapish llaquichinataca mana cungarircachu. Llaquihuan cajcuna caparishpa mañashcatapish, mana cungarircachu.

ÉXODO 21:20

Maijanpish paipajta ruraj c'arita cashpa, huarmita cashpa caspihuan macacujpi paipaj maquipi huañujpica paitaca llaquichishca cachun.

ÉXODO 21:24

Ñahuita llujshichijtaca paitapish ñahuita llujshichichun. Quiruta llujshichijtaca paitapish quiruta llujshichichun. Maquita p'aquijtaca paitapish maquita p'aquichun. Chaquita p'aquijtaca paitapish chaquita p'aquichun.

ÉXODO 21:25

Rupachijtaca paitapish rupachichun. Chugrichijtaca paitapish chugrichichun. Huajtajtaca paitapish huajtachun.

ÉXODO 21:27

Maijanpish paipajta ruraj c'aripaj, paipajta ruraj huarmipaj quiruta llujshichishpaca, chai quirumantaca llujshishpa richun saquichunlla.

Efesios 6:9

Amocuna cancunapish paicunataca imata ama manchachishpa paicunapaj allita ruraichij. Paicunata mandajpish cancunata mandajpish jahua pachapi cashcata yachashcamanta chashna ruraichij. Paica pita ñahuita ricushpalla allimi mana ninchu.

DEUTERONOMIO 16:19

Juezcuna cachun churashcacunaca cashcata ruranataca ama saquinguichijchu. Ama ñahuita ricushpalla imatapish ninguichijchu. Camaritapish ama japinguichijchu. Camarita japinaca yachaisapacunapaj ñahuitapish huichcanllami. Cashcata ruraj mandajcunapish cashcata ricushpa allichinataca saquinllacunami.

Colosenses 4:1

Amocuna, cancunapish jahua pachapi, shuj Amota charishcata yachashcamanta, cancunapajta rurajcunapajca imapipish cashcata allita ruraichij.