ÉXODO 21:2 - Dios Rimashca Shimicunami

² Cancunapajta ruraj cachun hebreocunapurallatataj randijpica, sujta huatacunallata cancunapajta rurachun. Canchis huatapica imata mana cushpa llujshichunlla.

ÉXODO 21:2 Iomraidhean Croise

GÉNESIS 27:28

Taita Diosca jahua pachamanta garhuata cachachun. Allpaca alli granocunata p'ucuchun. Trigotapish, llullu vinotapish yallitaj achcata cuchun.

GÉNESIS 27:36

Chaimi Esauca: –Chashna cana cajpimari paitaca Jacobta shutichishcanguichij. Paica ñucataca caihuanca ishqui cutinmari ña uman. Sarunca punta churi cashcatami quichurca. Cunancarin ñucata alli cashca cachun ninatamari quichushca nishpami: Yayito ñucata alli cashca cachun ninapajca manachu charinguiraj– nirca.

2 REYES 4:1

Profeta canata yachacujcunapaj shuj huarmimi: –Cambajta ruraj ñuca cusaca ñami huañurca. Cambajta ruraj paica Mandaj Diosta manchajmi carca. Chaitaca canllataj yachanguimi. Ashtahuanpish cullquita ñucanchijman mañachij runamari paipajta ruraj cachun ñuca ishqui churicunata apasha nicun– nishpami Eliseota caparirca.

NEHEMÍAS 5:8

cashna nircani: “Israelcunataca, shujtaj llajta mana israelcunaman c'atushca cajpipish, ñucanchijca ima shinapish tucushpamari randishpa llujshichircanchij. Cunanca ashtahuanpish israelcunapurallamantataj randishpa llujshichichunmari israelcunapurallamantaj c'atushcanguichij” nijpimi, paicunaca imata mana nishpa upalla saquirircacuna.

ÉXODO 12:44

Maijancunata paipajta ruraj cachun cullquihuan randishca cashca cashpapish, circuncisionta rurashca cashpallami micunga.

ÉXODO 21:3

Pailla yaicushca cashpaca, pailla llujshichun. Huarmindij yaicushca cashpaca, huarmindij llujshichun.

ÉXODO 21:7

Maijanpish paipaj ushushita shujtajpajta ruraj cachun c'atungachari. Paica c'aricuna shinaca mana llujshi tucungachu.

ÉXODO 22:3

Ña punllayashcapi japishpa huañuchishca cajpica, huañuchijpaj jahuami canga. Ashtahuanpish shuhuacushpa japi tucujpica, shuhuashcamanta tucuita pagachichun. Paganapaj mana charijpica paillatataj c'atushpa pagachun.

LEVÍTICO 25:54

C'aturishcamanta imamantapish cacharirina huatacunacama maijan huatapi mana cullquita tigrachi tucushcamanta mana llujshi tucushpaca, imamantapish cacharirina huatapica paipish paipaj huahuacunapish llujshichunlla.

Mateo 18:25

Chai debishcata mana pagai tucujpimi chai debimanta japingapajca paindij, paipaj huarmindij, huahuacunandij, ima charishcacunandij c'atugrichij nishpami chai amoca mandarca.

1 Corintios 6:20

Achca valijhuan randishcacunami canguichij. Chashna cashcamanta cancunapaj cuerpopi, cancunapaj espiritupi Diosta sumajyachichij, chaicunaca Diospajmari.

DEUTERONOMIO 15:1

Imata mañachishca cashpapish canchis huatacama mana tigrachi tucujpica saquinguichijlla.

DEUTERONOMIO 15:18

Cambajta rurajca sujta huatatami shuj trabajaj runa japina cashcataca chaupillata japishpa cambajta rurashpa causarca. Chaimanta paita cacharishpa cachana tucujpica ama llaquiringuichijchu. Ashtahuanpish paita cacharishpa cachashcamantaca canta Mandaj Diosca can tucui ima ruranapimi allicunata cunga.

DEUTERONOMIO 31:10

Moisesca cashna nishpami mandarca: “Cada canchis huatapi ramacunahuan rurashca chugllacunata rurashca fiesta punllacunapi divicunata perdonana huata chayamujpi,