ÉXODO 21:14 - Dios Rimashca Shimicunami

¹⁴ Maijanca shujtajta p'iñashpa huañuchina yuyaihuantaj cashpa huañuchijpica, ñuca altar c'uchupi miticujpipish paitapish huañuchichun ñuca altar c'uchumanta anchuchichun.

ÉXODO 21:14 Iomraidhean Croise

2 SAMUEL 3:27

Hebronman Abner tigrajpica, Joabca paillahuan parlasha nishpami puebloman yaicuna pungu c'uchuman pusharca. Chaipimi paipaj huauqui Asaelta huañuchishcamantaca paitapish pechopi lanzahuan satijpi huañurca.

2 REYES 11:15

Ashtahuanpish Joiada curaca, patsaj soldadocunata mandajcunataca: –Mandaj Diospaj huasimanta chai huarmita canllaman llujshichichij. Maijanpish paita mitsajtaca espadahuan huañuchichij. Mandaj Diospaj huasipica, ama huañuchichijchu– nircami.

SALMOS 19:13

Cambajta rurajtaca jatun tucunamanta huaquichihuailla. Jatun tucuna yuyai ñucata cazuchichunca ama saquihuanguichu. Chashna rurajpica ima mapa illajmi casha. Yallitaj millaipish manataj tucushachu.

ÉXODO 21:15

Maijanpish paipaj yayata cashpa, paipaj mamata cashpa huañuchijca paipish huañungami.

PROVERBIOS 28:17

Huañuchij runaca huañuna punllacama miticushpallami purin. Chai runataca huañunamanta pi mana jarcaipajmi.

NÚMEROS 35:16

Fierromanta rurashca imacunahuan huañuchijca, huañuchina yuyaihuantaj huañuchijmi canga. Paipish huañunatajmi can.

DEUTERONOMIO 1:43

Ñuca chashna huillajpipish cancunaca mana uyarcanguichijchu. Ashtahuanpish Mandaj Dios mandashcata mana cazushpami, jatun tucushpa chai urcumanca huichiyarcanguichij.

DEUTERONOMIO 18:22

Chai huillajca Mandaj Dios huillachijpimi huillani nishpa huillashca pai nishca shina mana pajtajpi, pai nishca shina mana tucujpica manapish Mandaj Dios huillachishcami canga. Chaica paipaj yuyaillamanta huillashcami canga. Paitaca ama manchanguichu.

DEUTERONOMIO 27:24

Maijanpish cungaillapi pita huañuchijca llaqui tucushca cachun nijpica, tucuicuna: Chashnataj cashca cachun ninguichij.

Hebreos 10:26

Mana llulla shimita yachashpa chasquishca jahua quiquin munaimanta juchallijpica, chai juchallijcunamanta pi shujtaj huañujca ña mana tiyanchu.

2 Pedro 2:10

Aicha munaillata rurashpa cushicujcunata, millananata rurajcunata, Dios mandacuntapish yanganchijcunatami llaquichinga. Paicunaca jatun tucushcacuna, c'ariyajcuna cashpami jahua pacha jatun mandajcunatapish mana manchashpa millaita rimancuna.