ÉXODO 21:13 - Dios Rimashca Shimicunami

¹³ Maijanpish mana huañuchina yuyaihuan cajpish, Dios paipaj maquipi churajpi huañuchingachari. Pai maipi miticugrinataca ñucami ricuchisha.

ÉXODO 21:13 Iomraidhean Croise

2 SAMUEL 16:10

Jatun mandajca: –Sarviapaj churicuna, cancunaca mana chashna rurai tucunguichijchu. Mandaj Diosllataj Davidtaca llaqui tucushca canman nigri nijpi, llaqui tucushca canman nicungallatajmari. Chashna cajpica ¿pitaj paitaca imapajtaj chashna nicungui ni tucungari?– nircami.

ISAÍAS 10:7

Shina cajpipish, paica ñuca chashna rurachijllapi chashna ruracushcataca mana entendingachu. Paipaj shungupipish chashna cashcataca manataj yuyangachu. Ashtahuanpish paipaj yuyaipica, caishuj llajtatapish, chaishuj llajtatapish huashan huashan sapimanta aisashpa llaquichinallatami yuyanga.

MIQUEAS 7:2

Cai pachata llaquijmari illarca. Cai pachapi causaj runacunamantaca allita rurajca, shujllapish manamari tiyanchu. Tucuicunami huañuchijcuna tucushca. Paicunapurallataj urmachinacungapajmi linchitapish rurancuna.

NÚMEROS 35:6

Levitacunaman cushca sujta pueblocunaca mana huañuchina yuyaihuan cashpapish, huañuchishpa miticunapajmi canga. Chai jahuapish paicunamanca chuscu chunga ishqui pueblocunata cunguichij.

DEUTERONOMIO 19:14

Mandaj Dios cancunapaj Taita Dios cancunapaj cachun cushca llajtapi causacushpaca, cancunapaj c'uchullapi causajcunapaj allpata maillata cashcata ricuchij cachun cancunapaj ñaupa yayacuna churashca rumicunataca ama shujman churanguichijchu.

JOSUÉ 20:1

Mandaj Diosca Josuetaca cashnami mandarca:

1 SAMUEL 24:10

Riqui, cunan cai jutcupi Mandaj Dios canta ñuca maquipi churashcataca cambaj ñahuihuantajmi ricungui. Cantaca huañuchichun nircacunami. Ashtahuanpish ñucaca canta perdonashpami: Ñuca amotaca ñuca maquihuanca mana imata rurashachu. Paica Mandaj Dios churashca jatun mandajmi nircani.

1 SAMUEL 24:18

Mandaj Dios cambaj maquipi ñucata churajpipish, ñucata mana huañuchishpami, ñucahuan alli cashcata ricuchishcangui.

1 SAMUEL 24:4

Chaipimi Davidhuan caj runacunaca: –Riqui, canta p'iñajtaca cambaj maquipimi churashca. Paitaca can munashca shina imatapish ruranguilla nishpa Mandaj Dios nishca punllami pajtashca– nijpimi, Davidca jatarishpa upajlla rishpaca, Saulpaj jahua churana mirgata p'itirca.