ÉXODO 21:12 - Dios Rimashca Shimicunami

¹² Maijanpish shujtajta macashpa huañuchijca, paipish huañungami.

ÉXODO 21:12 Iomraidhean Croise

GÉNESIS 9:5

Chashna cashcamanta maijanpish shujtajta huañuchijtaca, llaquichingapaj catishatajmi. Shinallataj maijan animalpish maijan runata huañuchijtaca llaquichingapaj catishatajmi. Runata huañuchijtaca pi cachunpish llaquichingapaj catishatajmi.

GÉNESIS 9:6

Maijanpish shuj runapaj yahuarta jichajtaca, paitapish shujtaj runami yahuarta jichanga. Runataca Taita Dios paiman rijchajta rurashcamanta pi mana yahuarta jichanallachu.

2 SAMUEL 12:13

Shina nijpimi Davidca Natantaca: –Mandaj Diosta p'iñachishpamari juchallishcani– nijpi Natanpish Davidtaca: –Mandaj Diosca cambaj juchataca, ñami anchuchin mana huañunguichu.

ÉXODO 20:13

Ama huañuchingui.

ÉXODO 21:11

Cai quimsa mandashcacunamanta maijantapish mana pajtachijpica, chai huarmica imata mana pagashpa llujshichunlla.

LEVÍTICO 24:17

Maijanpish huañuchijtaca, paitapish huañuchichun.

Mateo 26:52

Jesusca: –Cambaj espadata huaquichinapi huaquichi. Espadahuan macanacujcunataca, espadallahuantaj huañuchishcami canga.

DEUTERONOMIO 27:24

Maijanpish cungaillapi pita huañuchijca llaqui tucushca cachun nijpica, tucuicuna: Chashnataj cashca cachun ninguichij.