ÉXODO 20:7 - Dios Rimashca Shimicunami

⁷ Mandaj cambaj Diospaj shutipica manapish rimanapica ama rimangui. Ñuca shutita manapish rimanapi rimajtaca llaquichishatajmi.

ÉXODO 20:7 Iomraidhean Croise

GÉNESIS 27:20

Chaimi Isaacca paipaj churitaca: –Ñuca huahualla ¿ima shinataj ñapish japimunguiyari?– nijpi Jacobca: –Canta Mandaj Taita Diosmari tupachun ñuca ñaupajman pushamun– nirca.

1 REYES 2:9

Ashtahuanpish paita llaquichinataca amataj saquingui. Canca yachaj runa cashcamanta paita imata rurana cashcataca yachanguimi. Pai puzujlla uma tucungacama causajpipish yahuaryachishpataj Seolman uriyachun saquingui” nircami.

2 REYES 5:20

Chaimi Diospaj runapajta ruraj Giezi runaca paipaj shungupi cashna yuyarirca: “Ñuca amoca, Siria llajtamanta Naamán runa paiman cungapaj apamushcataca mana japishpamari cachan. Mandaj Diosca causajmi. Ñucaca Naamanta cati japijta rishpa pai cusha nicushcacunata imallatapish mañamugrisha” nishpami,

SALMOS 139:20

Paicunaca c'amishpami quiquintaca rimancuna. Quiquinta p'iñajcunaca yangallami quiquinpaj shutipi rimancuna.

PROVERBIOS 30:9

Yalli charijyashpaca canta cungarishpa: “¿Mandaj Diosca pipishchari?” nipajmi cani. Yalli huajcha cashpapish shuhuashpa, can ñuca Diosta c'amichipajmi cani.

JEREMÍAS 34:16

Shina cashpapish cutin yuyarishpamari, paicuna imatapish ruragrichun cacharishpa cachashca c'aricunatapish, huarmicunatapish cutinllataj japinguichij. Chaimantaca cutinllataj servichishpamari, huatashcata shina charicunguichij. Chashna rurashpaca, ñuca ñaupajpi ari nishcata p'aquishpa, ñucatami yangata rurarcanguichij” ninmi.

JEREMÍAS 4:2

Chaimantaca mana nij tucushpalla, alli yuyaihuantaj, tucui shunguhuantaj: Mandaj Diosca causacunmi nichigari. Chaipica shujtaj llajtacunapi causajcunapish, ñucamantamari allicunata chasquingacuna. Ñucahuanmari cushicungacuna” ninmi.

EZEQUIEL 39:7

Chashna rurashcata ricushpami, israelcunaca ñucataca, ima jucha illaj cashcata rijsingacuna. Chaimanta ña mana cutinca, jucha illaj ñuca shutitaca yangata rurachun saquishachu. Chashna rurajpimi, shujtaj llajtacunapi causajcunaca ñucataca, israelcunapaj jucha illaj Mandaj Dios cashcataca yachangacuna.

LEVÍTICO 19:12

Cancunapaj Taita Diospaj shutita yanganchishpa, manapish pajtachingapaj pajtachishatajmi nishpa ñuca shutipi ama ninguichij. Ñucami Mandaj Dios cani.

MALAQUÍAS 3:5

Tucuita Mandaj Diostajmi cashna nini: Ñucami cancuna imalla rurashcacunata ricuj shamusha. Chai punllapimi yumbucunatapish, huainayajcunatapish, llullashpa huillajcunatapish, trabajajcunaman cullquita mana tucui pagajcunatapish, viudacunata, yaya mama illajcunata p'iñajcunatapish, caru llajta runacunata llaquichijcunatapish, ñucata mana manchajcunatapish llaquichisha.

2 Corintios 1:23

Cancunata llaquishpa Corintoman manaraj shamushcataca, ñuca shunguta rijsij Diosllataj yachanmi. Yangamanta cashna niricushpaca, ñucami imapish tucusha.

DEUTERONOMIO 10:20

Mandaj Dios cancunapaj Taita Diosta manchaichij. Paipajllata ruraichij, paillata catichij, imapish chashnataj cashcata nicushpaca paipaj shutipi nichij.

DEUTERONOMIO 5:11

Mandaj cambaj Taita Diospaj shutipica manapish rimanapica ama rimangui. Paipaj shutita manapish rimanapi rimajtaca llaquichingatajmi.

DEUTERONOMIO 6:13

Mandaj Dios cambaj Taita Diosllata manchangui, paipajllata rurangui. Imatapish paipaj shutillapi pajtachishami ningui.

Santiago 5:12

Ñuca huauquicunalla, cai tucuipaj q'uipaca jahua pacha nishpa, cai pacha nishpa, ima shujtajta nishpapish ama rimarichijchu. Chaipaj randica ama llaquichishca cangapaj, cancuna “ari nishcaca” ari cachun “mana nishcaca” mana cachun.

JOSUÉ 2:12

Ñuca cancunapaj allita rurashca shinallataj, cancunapish ñuca yayapaj paipaj huasipi tucui cajcunapaj allita rurangapaj Mandaj Diospaj ñaupajpi ari nishcata ricuchishpa shuj ricuchinata rurachunmi cunanca rogani.

JOSUÉ 2:17

Chaimi chai runacunaca: –Ñucanchijca ima juchachina illaj saquiringapajca, canhuan ari nishcataca pajtachishuntajmi.

JOSUÉ 9:20

Paicunataca mana huañuchinachu canchij. Mana huañuchishunchu nishca jahua huañuchijpica, Mandaj Diosca ñucanchijhuanmi p'iñaringa– nircacuna.