ÉXODO 20:5 - Dios Rimashca Shimicunami

⁵ Chaicunataca ama cunguringuichijchu, amataj adoranguichijchu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna ñucata p'iñashpa millaita rurajpica paicunapaj quimsa huahua huahuacama, mana cashpacarin chuscu huahua huahuacunacama jatunta llaquichijmi cani.

ÉXODO 20:5 Iomraidhean Croise

2 SAMUEL 21:1

David mandacui punllacunapica quimsa huata jundatami yaricai tiyarca. Davidca Mandaj Diostami tapurca. Mandaj Diosca Davidmanca: “Saulpish, paipaj huasi ucupuracunapish gabaonitacunata huañuchishpa yahuarta jichashcamantami chashna llaquica tiyan” nircami.

2 SAMUEL 21:6

Paipaj huahua huahuacunamanta canchis runacunatami ñucanchijman cuchun ninchij. Paicunataca Mandaj Dios agllashpa churashca Saulpaj Gabaa pueblopimi, Mandaj Diospaj ñaupajpi sipishun ninchij– nijpimi, jatun mandajca paicunata cancunaman cushallami nirca.

1 REYES 19:10

Shina nijpi Eliasca: “Tucuita Mandaj Taita Dios nishcata pajtachina yuyailla huañuricuj cashcamantami caipi tiyacupani. Israelcunaca pajtachingapaj ari nishcata mana cazushpamari, cambaj altarcunatapish tucui urmachircacuna. Profetacunatapish espadahuanmi huañuchircacuna. Ñucallamari saquirishcani. Cunancarin ñucatapish huañuchingapajmi mashcacuncuna” nircami.

1 REYES 21:29

“¿Ñuca ñaupajpi Acab llaquirishpa cutirishca cajtaca ricunguichu? Chashna ñuca ñaupajpi cutirishcamanta pai causacujpirajca mana llaquichishachu. Paipaj churi mandacui punllapimi paipaj huasi familiataca llaquichisha” nircami.

2 REYES 17:35

Jacobpaj huahua huahuacunahuan Mandaj Dios ari ninacushpaca cashnami mandarca: “Shujtaj dioscunataca ama manchanguichij, ama adoranguichij, paicunapajtaca ama ruranguichij, chai dioscunamanpish ama sacrificiota cunguichij.

2 REYES 17:41

Chashnami chai gentecunaca Mandaj Diosta manchanchij nishpapish, paicunapaj rurashcalla dioscunapajta rurarcacuna. Paicunapaj churicunapish, paicunapaj nietocunapish paicunapaj yayacuna ruraj cashca shinallatajmi cunan punllacunacama ruracuncuna.

2 REYES 23:26

Josías chashna rurajpipish, Judá llajtata jatun mandaj Manasés yallitaj millaita rurashpa Mandaj Diosta yallitaj p'iñachishcamantaca, pai nina sindirij shina yallitaj jatunta p'iñarishcamantaca judacunahuanca mana alli tucusha nircachu.

2 REYES 5:18

Mandaj Diosca cambajta ruraj ñucataca caillata perdonachun: Jatun mandaj ñuca amo Rimón diospaj huasiman yaicushpa paita adorangapaj rijpimi paihuan rina tucunlla. Chaipi yaicushpami pai Rimón diosta adorangapajca ñuca rigra jahuapi taunaringa. Chaimari Rimón diospaj huasipi ñucapish cungurina tucunga. Chashna rurashcata Mandaj Diosca paipajta ruraj ñucata perdonashca cachun– nircami.

2 REYES 5:27

Chaimanta cunanca Naamanpaj lepra ungüica cambaj aichamanmi pasanga. Cambaj huahua huahuacunapishmi, tucui causaipi chai ungüihuan causangacuna– nircami. Shina nijpi Giezica tucui paipaj aicha rasu shina yurajlla lepra ungüillami Eliseopaj ñaupajmanta llujshirca.

2 CRÓNICAS 25:14

Amasiasca chai Seir llajtapi causaj edomitacunahuan macanacushpa mishashpaca, chai runacunapaj dioscunatami apamurca. Chaicunataca paipaj dioscunaca cachun charishpami cungurirca. Shinallataj inciensotapish cushpami rupachij carca.

2 CRÓNICAS 7:19

Ashtahuanpish ñuca chaitataj pajtachichun nishpa cancunaman cushca mandashcacunatapish mana cazushpa ñucamanta anchurishpa shujtajcunapaj dioscunapajta rurangapaj rishpa paicunata adorajpica,

JOB 21:19

Paicunapaj huahuacunapajca, Taita Diosmi llaquicunata huaquichishpa charicun. Yuyaita japichunmi, paicuna japina cashcataca cunga.

JOB 5:4

Paipaj huahuacunaca mana ashtahuan sumajta causai tucungacunachu. Puebloman yaicuna pungullapimi huañuchingacuna. Paicunata quishpichijca, pi mana tiyangachu.

SALMOS 109:14

Paicunapaj yayacuna millaita rurashcaca Mandaj Diospaj yuyaimantaca amataj anchushca cachun. Paipaj mamapaj juchatapish, amataj p'ichashca cachun.

SALMOS 78:58

Lomacunapi altarcunata rurashpami p'iñachircacuna. Labrashpa rurashca dioscunahuanmi yallitaj p'iñachircacuna.

SALMOS 79:8

Ñucanchij ñaupa yayacuna millaita rurashcamanta ñucanchij llaquichinataca ama yuyarihuaichu. Quiquin llaquij cashcahuan ñucanchijta tupanaman utca shamupayari. Ñucanchijca yallitaj llaquihuanmari canchij.

SALMOS 81:15

Mandaj Diosta p'iñajcunaca israelcuna mandashcami causanman carca. Israelcunapaj causaica huiñaitami alli canman carca.

ÉXODO 23:24

Paicunapaj dioscunapaj ñaupajpica ama cumuringuichijchu, ama paipajta ruranguichijchu. Paicuna rurashca shinapish ama ruranguichijchu. Ashtahuanpish chai dioscunataca tucuita chingachinguichij. Rumimanta imamanpish rijchajcunata rurashcacunatapish tucuita ñutunguichij.

ÉXODO 34:14

Shujtaj dioscunapaj ñaupajpica ama cunguringuichijchu. Mandaj Diosca paipajlla cachun munaj shutimi. Paipajlla cachun munaj Taita Diosmi.

PROVERBIOS 8:36

Ashtahuanpish ñucata p'iñajca, quiquin causaitami llaquipi churan. Ñucata p'iñajcunaca huañuitami munancuna.

ISAÍAS 44:15

Chai yura caspicunataca rupachinmi. Chai caspicunamanta ashataca rupachishpa cununapajmi apan. Huaquincunataca hornopi rupachishpami, tandata cusan. Maijancunahuanca diosta ruranchij nishpami adoran. Rurashcalla diosta rurashpami chai ñaupajpi cungurin.

ISAÍAS 44:19

Imata ruracushcata mana entendinchu. Ima cashcata mana yachanchu. Ima cashcata mana entendishpami: “Ashacunataca rupachircanimari, chai jahuapica tandata, aichata cusashpami micurcani mana nirin. Puchushca ashahuanca millanana diostami rurashcani. Jatun yuramanta caspi ñaupajllapimari cunguricuni” nishpapish mana yuyarinchu.

JEREMÍAS 2:9

Mandaj Diosca cashnapishmi nin: Chaimantami cancunataca p'iñarishpa llaquichigrini. Cancunapaj huahuacunapaj huahuacunatapish caita yuyachishpa llaquichishallatajmi.

JEREMÍAS 32:18

Canca cai tucui huaranga huaranga runacunatami c'uyashpa perdonashcangui. Shina cashpapish yayacuna juchata rurashcamantaca q'uipa huahuacunata llaquichijmi cangui. Tucuita rurai tucuj, tucuita Mandaj Jatun Dios shutimi cangui.

EZEQUIEL 18:19

Cancunaca: ¿Imamantashi yayapaj juchamantaca churica llaquita mana apan? ninguichijchari. Paipaj churica imatapish allita, imatapish cashcallatami rurarca. Ñuca quillcachishcacunatapish tucuita cazushpamari, alli pajtachirca. Chashna rurashcamantaca causangatajmari.

EZEQUIEL 18:2

“Israel llajtapica cashnami yuyachij shimicunataca ninguichij: Yayacuna jayaj uvata micucujpimi, churicunapaj quirucunaca mana alli cai tucun nishcata uyashpaca, ¿imatataj yuyanguichij?

EZEQUIEL 20:7

Shinallataj cashnapishmi nircani: Tucuicunallataj quiquin ñahuicunamanta millaita ruranata anchuchichij. Egipto llajtapi tiyaj dioscunahuan ama mapayaichijchu. Ñucami cancunata Mandaj Taita Dios cani nircanimi.

EZEQUIEL 39:25

Shina cajpipish, Mandaj Jatun Diosca cashnami nin: Jacobopaj huahua huahua israelcunataca prezu causacushcamantaca, llaquishpa tigrachimushami. Ñuca jucha illaj shutitaca, manataj yangata rurashca cachun saquishachu.

EZEQUIEL 8:3

Chai runaman rijchajca maquita chutashpami, ñucataca uma ajchamanta japirca. Chaimantami Dios cushca muscuipica, Diospaj Espirituca jahuata alzashpa ñucataca Jerusalenman pusharca. Chaiman pushashpaca janaj ladoman caj ucu punguman yaicunllapimi shayachirca. Chaipica Mandaj Dios mana ricunachishca rurashcalla diosmi tiyacushca carca.

DANIEL 1:2

Jatun Diosmi Judá llajtata jatun mandaj Joacimtapish, Diospaj huasipi Diospajta ruranapaj caj imalla charinacunatapish, Nabucodonosorpaj maquipi churarca. Chaicunataca Nabucodonosorca, Sinar llajtaman apamushpami, achca valijcunata huaquichina paipaj diospaj huasipi churarca.

DANIEL 3:18

Pai mana quishpichijpipish jatun mandajlla, caitaca ñami yachana cangui. Ñucanchijca cambaj dioscunapajtaca mana rurashunchu. Curimanta rurashpa can shayachishca imamanpish rijchajtapish mana adorashunchu– nircami.

LEVÍTICO 20:5

ñucaca chai runahuan paipaj familiahuanpish p'iñarishpami israelcunapuramanta anchuchisha. Chai runa shinallataj Moloc nishca Diosta catishpa huainayajcunandijmi israelcunapuramanta anchuchisha.

LEVÍTICO 26:1

“Cancunaca dios nishcacunatapish, tacashpa rurashca dios nishcacunatapish ama ruranguichijchu. Rumi diostapish mana shayachinachu canguichij. Cancunapaj llajtapica pintashca rumicunata ñataj churanguichijman. Chaicunapaj ñaupajpi ñataj cunguringuichijman. Ñucami Mandaj Dios cancunapaj Taita Dios cani.

LEVÍTICO 26:29

Chaipica cancunapaj churicunapaj, cancunapaj ushushicunapaj aichallatatajmi micunguichij.

NAHUM 1:2

Mandaj Diosca, jatunta p'iñarishpa llaquichij Diosmari. Mandaj Diosca jatunta llaquichijmi, jatunta p'iñarijmi. Millaita rurajcunatapish jatunta llaquichijmi. Paita p'iñajcunapajmi, p'iñarishpa llaquichinataca huaquichin.

NÚMEROS 14:18

Yayacunapaj juchamantaca churicunatami quimsa huahua huahuacunacama, chuscu huahua huahuacunacama llaquichini. Juchayujtaca mana juchayujta shinaca manataj saquinichu. Chashna cashpapish Mandaj Dios ñucaca mana utca p'iñarij, yallitaj jatunta c'uyaj cashcamantaca millaita rurashcatapish, c'ariyashcatapish perdonajmi cani nircanguimi.

NÚMEROS 14:33

Cancunapaj huahuacunaca cai shitashca pambapimi chuscu chunga huatacunata michishpa puringacuna. Cancuna c'ariyashcamantami paicuna llaquita apangacuna. Cancunapaj cuerpocuna cai shitashca pambapi chingaringacamami chashna puringacuna.

NÚMEROS 25:11

–Aarón curapaj nieto Eleazarpaj churi Fineesmi israelcunahuan ñuca yallitaj p'iñarishcataca anchuchin. Fineesca paicunapurapi millaita rurajtaca p'iñashpa ñuca shinallataj huañuricujmi. Paimantami ñucaca israelcuna millaita rurashcamanta huañurishpa llaquichishpa tucuchinataca pararini.

Mateo 4:9

cashna nirca: –Ñucata cungurishpa adorajpica, tucui caicunatami cusha– nirca.

Juan 15:18

Cai pachapaj cajcuna cancunata p'iñajpica, ñucata p'iñacushcata yuyanguichij.

Juan 7:7

Cancunataca cai pachapaj cajcunaca mana p'iñanchu. Ashtahuanpish ñucataca, paicuna rurashcacuna mana allichu nishpa huillajpimi p'iñancuna.

Juan 9:2

Paipaj yachacujcunaca: –Yachachij, cai runa chashna huacharichunca ¿paillatajchu, mana cashpaca paipaj yaya mamachu juchallishca canga?– nircacunami.

Romanos 1:30

Huashalla parlajcuna, yangamanta juchachijcuna, Taita Diosta p'iñajcuna, yanganchishpa c'amijcuna, jatun tucushcacuna, yanga jatun tucujcuna, millaita ruranata yuyarinacujcuna, yaya mamatapish mana cazujcunami.

Romanos 8:7

Aicha munashcata ruranaca, Diosta p'iñachinami. Chashnacunaca Dios Mandashcataca mana cazuncunachu, manataj cazui tucuncunapishchu.

1 Corintios 10:22

¿Mandaj Jesús p'iñarishpa llaquichingacamatajchu chashna rurashun? ¿Ñucanchijca paita yalli poderyujchari canchij?

DEUTERONOMIO 32:21

Paicunaca manapish dios cajta mañashpami ñucataca yallitaj p'iñachircacuna. Paicunapaj rurashcalla dioscunata cungurishpami ñucataca p'iñachircacuna. Ñucapish paicunataca manapish ñucapaj cajcunahuanmi llaquichisha. Ch'ahuan runacunahuanmi llaquichisha.

DEUTERONOMIO 32:41

Achij nicuj ñuca espadata ña filosapata rurashpaca, llaquichijta ñuca maquihuan japishpami ñucata p'iñajcunataca paicuna ima shina rurashca shinallataj rurasha. Paicuna ima shina rurashca shinallatajmi ñucata p'iñajcunamanca cusha.

DEUTERONOMIO 4:24

Mandaj Dios cancunapaj Taita Diosca rupachishpa tucuchij ninami. Paipajlla cachun munaj Taita Diosmi.

DEUTERONOMIO 5:10

Ñucata c'uyashpa, ñuca mandashcacunata huaquichijcunataca, huaranga huaranga huahua huahuacunacama llaquijmi cani.

DEUTERONOMIO 5:9

Chaicunataca ama cunguringuichu, paicunapajca ama imata ruranguichu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna millaita rurashpa ñucata p'iñachijpica quimsa huahua huahuacama mana cashpacarin chuscu huahua huahuacamami llaquichini.

DEUTERONOMIO 6:15

Mandaj Dios cancunapaj chaupipi caj Taita Diosca paipajlla cachun munaj Taita Diosmi. Ñataj paica nina sindirij shina cancunahuan p'iñarishpa cancunata cai pachamanta chingachinman.

DEUTERONOMIO 7:10

Ashtahuanpish paita p'iñajtaca paimantajmi pai japina cashcataca paipaj aichallapitaj mana uniyashpa cunga.

Santiago 4:4

¡Cai pachahuan huainayajcuna! ¿Manachu cai pachahuan apanacunaca, Diosta p'iñachij cashcataca yachanguichij? Maijanpish cai pachapaj amigo tucushpaca, Diosta p'iñajmi tucun.

JOSUÉ 23:16

Cancunahuan Mandaj Dioshuan ari ninacushcata p'aquishpa, rurashcalla dioscunata adoranaman, paicunapaj ñaupajpi cungurinaman rijpica, nina sindirij shina p'iñarishpa Mandaj Dios jatunta llaquichijpimi, cancunaca pai cushca sumaj llajtamantaca utca chingaringuichij” nircami.

JOSUÉ 23:7

Cancuna, causacun cai llajtapi causaj saquirishca mana israelcunahuan ama tandanacungapajmi chashna cana canguichij. Paicunapaj dioscunatapish ama adoranguichijchu. Chai dioscunapaj shutipipish ama imata ninguichijchu, chai dioscunapajtaca ama ruranguichijchu, paicunapaj ñaupajpipish, ama cunguringuichijchu.

JOSUÉ 24:19

Chaimi Josueca: –Mandaj Diospajtaca cancunaca mana rurai tucunguichijchu. Paica jucha illaj Diosmi. Paipajlla causachun munajmi. Cancuna paita mana cazujpica, chai juchacunamantaca manataj saquingachu.

JUECES 2:19

Mandaj Dios churashca juez huañujpica, millaita ruranaman tigrarcallacunami. Manapish dios cajcunata catishpa, chaicunapajta rurashpa paicunapaj ñaupajpi cungurishpami, paicunapaj yayacunatapish yalli millaita rurarcacuna. Chai dioscunapajta ruranamanta, chai mana alli ñanmantaca manataj anchusha nircacunachu.