ÉXODO 20:3 - Dios Rimashca Shimicunami

³ Ñucapaj randi shujtaj dioscunata ama charinguichij.

ÉXODO 20:3 Iomraidhean Croise

1 REYES 11:4

Salomón ña yuyaj cajpimi paipaj huarmicunaca shujtaj dioscunata catij tucushpa chai dioscunata adorachun yuyaita curca. Paica paipaj yaya David shina tucui shunguhuan Mandaj Diosman mana curishca cashcamantami chashna tucurca.

SALMOS 29:2

Mandaj Diospaj shutitaca alabanataj cashcamanta alabaichij. Mandaj Diosca ima jucha illajpi cashcamanta adoraichij.

SALMOS 73:25

Jahua pachapica, pi shujtajta mana charinichu, quiquinllatamari charini. Cai pachapipish, quiquinmanta ch'ican ima shujtajtaca mana charisha ninichu.

SALMOS 81:10

Ñucami Mandaj Dios, cambaj Taita Dios cani. Ñucami Egiptomanta llujshichimurcani. Cambaj shimita pascailla mana nijtami carasha.

SALMOS 81:9

Cancunapaj chaupipica shujtaj dioscunaca amataj tiyachun. Shujtajcunapaj dioscunataca amataj cunguringuichijchu.

ÉXODO 15:11

Mandaj Dioslla, dioscunapaj chaupipica ¿pitaj can shinaca tiyangari? ¿Can shina jucha illaj, tucuita rurai tucujca pitaj tiyangari? Canca pi mana rurai tucushca jatun mancharinacunata rurajmi cangui. Milagrocunata rurajmi cangui.

ÉXODO 20:23

Cancunaca ñucapaj randi adorangapaj curimanta, cullquimanta dioscunataca ama ruranguichij.

ÉXODO 22:19

Animalhuan maijanpish chayarijtaca huañuchinatajmi can.

ÉXODO 23:24

Paicunapaj dioscunapaj ñaupajpica ama cumuringuichijchu, ama paipajta ruranguichijchu. Paicuna rurashca shinapish ama ruranguichijchu. Ashtahuanpish chai dioscunataca tucuita chingachinguichij. Rumimanta imamanpish rijchajcunata rurashcacunatapish tucuita ñutunguichij.

ÉXODO 32:8

Ñuca mandashca ñanmantaca utcami anchurishcacuna. Shuj curi bizita rurashpamari chaita adorashpa paiman sacrifiocunata cushpa: Israelcuna cancunataca cai dioscunamari Egiptomantaca llujshichimurca nicuncuna– nircami.

ÉXODO 34:14

Shujtaj dioscunapaj ñaupajpica ama cunguringuichijchu. Mandaj Diosca paipajlla cachun munaj shutimi. Paipajlla cachun munaj Taita Diosmi.

ISAÍAS 26:4

Tucui causaipi Mandaj Diosllapi shunguta churaichij. Mandaj Jatun Diosca huiñai huiñaitami jatun pirca shina jarcanga.

ISAÍAS 42:8

Ñucaca, Mandaj Diosmi cani. Ñuca shutica chaimi. Ñuca jatun canataca, pi shujtajman mana cushachu. Ñucata alabanapaj randi, rurashcalla dioscunata alabachun mana saquishachu.

ISAÍAS 43:10

Mandaj Diosca cashnami nin: “Ñucaca ñaupamantapacha ñucallatajmi cani. Pi shujtaj dios mana ñucapaj ñaupa tiyarcachu, q'uipatapish pi shujtaj dios mana tiyangachu. Ñucaca cancunataca chaita yachachun, ñucapi shunguta churashpa causachunmi agllarcani. Chaimanta cancunami ñucamanta uyashcata, ricushcata huillajcuna, ñucapajta rurajcuna canguichij.

ISAÍAS 44:8

Ama manchaichijchu, ama chujchuichijchu. Imalla tucuna cashcataca ¿manachu cancunamanca ñaupamantapacha ña huillarcani? Chaitaca cancunallataj allimi yachanguichij. ¡Shujtaj Diosca mana tiyanchu, ñucallami cani! ¡Shujtaj jatun rumica mana tiyanchu, pita mana ricushcanichu!

ISAÍAS 46:9

Ñaupa huatacunamanta ñuca imallata rurashcata yuyarichij. Ñucallami Dios cani, shujtaj Diosca mana tiyanchu. Ima shujtajca ñuca shinaca mana tiyanchu.

JEREMÍAS 25:6

Shujtaj dioscunataca ama catichijchu. Chai dioscunataca ama cungurichijchu, ama paicunata servichijchu. Ama cancunapaj maquillahuantaj rurashca chai dioscunata cungurishpa, ñucata p'iñachichijchu. Mana p'iñachijpica ñucapish cancunataca mana ima llaquita rurashachu nishpami, huillachij carca.

JEREMÍAS 35:15

Ñucata servij ñuca ima nishcata huillajcunataca, ñaupamantapacha cunancama huashan huashan cachashpa huillachicunillami. Chai tucui huillajcunahuanmi: Tucuicuna cancunapaj millai causaita saquishpa, ñucaman cutirichij. Mana allita ruranata saquichij. Ña ama chai shujtajcunapaj dioscunapajman rishpa cungurichijchu, ama chaicunata servichijchu. Tucui chaicunata saquishpaca cancunapaj yayacunamanpish, cancunamanpish ñuca cushca cai llajtapi causanguichijmi nishpa huillachircani. Shina cajpipish, cancunaca manataj uyanguichijchu, manataj cazunguichijchu.

JEREMÍAS 7:9

Chaimantami shuhuashpa, huañuchishpa, huainayashpa, llullangapaj ñuca shutita rimashpa, Baalmanpish inciensota cushpa rupachinguichij. Cancuna mana rijsishca, shujtajcunapaj dioscunatapishmi catinguichij.

DANIEL 3:18

Pai mana quishpichijpipish jatun mandajlla, caitaca ñami yachana cangui. Ñucanchijca cambaj dioscunapajtaca mana rurashunchu. Curimanta rurashpa can shayachishca imamanpish rijchajtapish mana adorashunchu– nircami.

OSEAS 13:4

Ashtahuanpish ñucaca: “Egiptomanta llujshichimui pachamanta Mandaj cancunapaj Taita Diosmi cani. Manapish dioscunataca caimi dios ama” ninguichij. Shujtajtaca caimi quishpichij ama ninguichij. Ashtahuanpish ñucallata: “Quishpichijmi cangui” ninguichij.

Mateo 4:10

Shina nijpi Jesusca: –Anchui, Satanás. Quillcachishcapica: “Mandaj cambaj Jatun Diosllata adorangui, paipajllata rurangui” ninmi– nijpimi,

1 Corintios 8:4

Rurashcalla dioscunaman rupachinapaj cushca micuicunamantaca caitami yachanchij. Rurashcalla diosca cai pachapica, ima mana canchu. Shujlla Diosmi tiyan.

1 Corintios 8:6

Shina cajpipish ñucanchijpajca, shujlla Taita Diosmi tiyan. Pai Yayamantami tucui imapish shamun, ñucanchijpish paipajmi tiyanchij. Mandaj Jesucristopish shujllami. Paihuanmi tucui ima tiyajtapish rurarca, paimantami ñucanchijpish tiyanchij.

Efesios 5:5

Maijanpish apanacushpa causaj, mapapi caj, mitsa cajpish, rurashcalla diosta catijllatajmi. Paicunaca Cristopish, Diospish mandanapica, ima japinata mana charishcataca yachanguichijmi.

DEUTERONOMIO 5:7

Ñuca ñaupajpi ama shujtaj dioscunata charingui.

DEUTERONOMIO 6:14

Cancunapaj llajta muyundijpi cajcunapaj dioscunataca ama catinguichijchu.

DEUTERONOMIO 6:5

Mandaj Dios cambaj Taita Diostaca tucui shunguhuan, tucui almahuan, tucui fuerzahuan c'uyangui.

Filipenses 3:19

Paicunaca causai tucuripica, chingaringacunami. Paicunapaj diosca huijsami. Paicunaca pingarinapaj randica jatun tucuncunami. Paicunaca cai allpapaj cajllatami yuyancuna.

Colosenses 2:18

Mana jatun tucushca shinalla, angelcunata adorajcuna shina tucushpa cancuna japina cashcata ñataj pi umashpa quichunman. (Paicunaca manapish ricushpami muscuipi shina ricunchij nishpa) quiquin yuyaillamanta surcushpa jatun tucuncuna.

Apocalipsis 19:10

Chaimi ñucaca chai angelta adorangapaj cumurircani. Ashtahuanpish paica ñucataca: “¡Riqui, ama chashna ruraichu! Ñucapish can shinallataj, cambaj huauquicuna shinallataj Diospajta rurajllami cani. ¡Diosta adorai!” nircami. (Jesús ima shina cashcata huillanaca profetacunaman espíritu huillachishca pajtashcami).

Apocalipsis 22:9

Chaipimi paica: “¡Riqui, ama chashna ruraichu! Ñucapish can shina, cambaj huauqui profetacuna shina, cai libropi quillcashcata tucui cazujcuna shinallataj Diospajta rurajllami cani. ¡Diosta adorai!” nircami.

JUECES 6:10

Amorreocunapaj llajtapi cancuna causacushpaca, paicunapaj dioscunataca ama manchanguichijchu. Ñucami cancunata Mandaj Dios cani nircanimi. Ashtahuanpish cancunaca ñuca rimashcataca manamari uyashcanguichijchu” ninmi nircami.