ÉXODO 20:25 - Dios Rimashca Shimicunami

²⁵ Ñucapaj altarta rumicunahuan rurashpaca, labrashca rumicunahuanca ama ruranguichijchu. Fierrocunahuan tacashpaca yangatami ruranguichij.

ÉXODO 20:25 Iomraidhean Croise

1 REYES 6:7

Diospaj huasita ruracushpaca, rumicunataca labrashpa allichishca pircacushpa ña churanallatami apamurcacuna. Chaimantami huasita ruracunpica martillocunahuan, hachacunahuan, fierromanta rurashca ima shujtajcunahuan tacashcacunaca mana uyarirca.

ÉXODO 20:24

Cancunaca ñucapaj allpa altarta rurashpa ñucaman cushpa tucui rupachinatapish, ñucahuan alli cangapaj cunatapish cancunapaj ovejacunata, cancunapaj vacacunata chai altar jahuapi cunguichij. Maipimi ñuca shutita yuyaringuichij nishpa mandani chaipitaj ñuca shutita yuyaricujpica ñucaca cancunapajman shamushpami alli cashca cachun nisha.

ÉXODO 24:4

Chaipimi Moisesca, Mandaj Dios nishca shimicunata tucuita quillcarca. Cayandij tutamanta utca jatarishpaca, chai urcu chaquipimi shuj altarta shayachirca. Israelcunapaj chunga ishqui aillucuna cashca shinallatajmi chunga ishqui rumicunata cada aillupaj shuj rumita shayachirca.

EZEQUIEL 40:42

Shinallataj Diosman cushpa tucui rupachina animalta huañuchingapajpish, Diosman animalta cushpa huañuchingapajpishmi, cuchillocunata churana chuscu mezacuna tiyarca. Chai mezacunaca, rumita labrashpa rurashcami carca. Largomanpish, anchomanpish canchis chunga iscun centimetrotami charirca. Altomanca, pichca chunga ishqui chaupi centimetrotami charirca.

JOSUÉ 8:31

Taita Diospajta ruraj Moisés israelcunata mandashpa ima shinalla quillcashca shinallatajmi, mana labrashca rumicunahuan altarta rurarcacuna. Chai altar jahuapimi Diosman cushpa tucui rupachinatapish curca. Dioshuan alli cangapajpishmi, animalcunata cushpa huañuchishpa rupachirca.