ÉXODO 20:23 - Dios Rimashca Shimicunami

²³ Cancunaca ñucapaj randi adorangapaj curimanta, cullquimanta dioscunataca ama ruranguichij.

ÉXODO 20:23 Iomraidhean Croise

2 REYES 17:33

Chashnami chai shujtaj llajtacunamanta cachashca runacunaca, Mandaj Diosta manchanchij nishpapish, paicunapaj llajtapi cashpa ima shina ruraj cashca shinallataj paicunapaj dioscunallatataj adorashpa causarcacuna.

2 REYES 17:41

Chashnami chai gentecunaca Mandaj Diosta manchanchij nishpapish, paicunapaj rurashcalla dioscunapajta rurarcacuna. Paicunapaj churicunapish, paicunapaj nietocunapish paicunapaj yayacuna ruraj cashca shinallatajmi cunan punllacunacama ruracuncuna.

ÉXODO 32:31

Shina nishpa Mandaj Diospaj ñaupajman Moisés tigrashpaca: –Cai israelcunaca curi dioscunata rurashpamari jatunta juchallishca.

ÉXODO 34:17

Imatapish yacuyachishpa dioscunata ñataj ruranguichijman.

EZEQUIEL 20:39

Israelcunalla, cancunataca Mandaj Jatun Diostajmi cashna nini: Cancuna ñucata manataj cazusha nishpaca, cancunapaj quiquin dioscunallatataj adorashpa catichijlla. Ashtahuanpish ñuca jucha illaj shutitaca imata cuna cashcahuanpish, cancunapaj rurashcalla dioscunahuanpish ña ama yangata ruraichijchu.

EZEQUIEL 43:8

Paicunaca paicunapaj huasi pungu umbralcunatapish, ñuca huasi pungu umbral c'uchullapi, pilarcunatapish ñuca huasi pilar c'uchullapimi churarcacuna. Shuj patallatami ñucahuan, paicunahuan chaupipica shayachircacuna. Chashna huasichishpa ñuca c'uchullapi millananata rurashpa ñuca shutita yangata rurashcamantami, achcata p'iñarishpa paicunataca chingachircani.

DANIEL 5:23

Ashtahuanpish jahua pacha Jatun Diosta c'ariyashpa jatun tucushpami, paipaj huasimanta apamushca vasocunata cambaj ñaupajman apaj cachashpa, canpish can churashca mandajcunapish, cambaj huarmicunapish, cambaj caishuj huarmicunapish chaipi vinota ubyashcanguichij. Chashna rurashca jahuapish cullquimanta, curimanta, broncemanta, fierromanta, caspimanta, rumimanta rurashca mana ricuj, mana uyaj, mana imata yachaj dioscunatamari alabangui. Ashtahuanpish cambaj causaita paipaj maquipi charicuj, pai munashpalla can imatapish rurachun saquij Taita Diostaca manamari shuj cutinllapish alabanguichu.

DANIEL 5:4

Vinota ubyashpaca, curimanta, cullquimanta, broncemanta, fierromanta, caspimanta, rumimanta rurashca dioscunatami adoracurcacuna.

LEVÍTICO 19:4

Cancunaca rurashcalla dioscunata ñataj cutin yuyaricunguichijman. Cancunapaj dios cachun nishpapish ñataj imatapish yacuyachishpa dioscunata ruranguichijman. Ñucami Mandaj Dios cancunapaj Taita Dios cani.

SOFONÍAS 1:5

Huasi jahuaman huichiyashpa luzerocunata cungurijcunatapish, Mandaj Diospish, Milcom diospish ricucunmi nishpa llullashpa cungurijcunatapishmi chingachisha ninmi.

DEUTERONOMIO 27:15

Maijanpish caspita diostajllata rurajcunapish, imata yacuyachishpa diostajllata rurajcunapish, imatapish ruranata yachajcuna maquihuan rurashca Diostajllacunata pacashpa charijcunaca Mandaj Dios millananatami rurangacuna. Chaicunaca llaqui tucushca cachun nijpica tucuicuna: Chashnataj cashca cachun ninguichij.

DEUTERONOMIO 29:17

Paicunaca caspimanta, rumimanta, cullquimanta, curimanta rurashca dioscunata adorashpa, millananacunata ruraj cashcatapish ricurcanguichijmi.

Apocalipsis 22:15

Ashtahuanpish allcucunaca, brujocunaca, huainayajcunaca, huañuchijcunaca, rurashcalla dioscunata adorajcunaca, llullaj canata c'uyashpa llullajcunaca, tucuicunami canllapi saquiringacuna.

JUECES 17:3

1.100 siclo cullquita tigrachijpimi chai mamaca: –Ñuca huahualla, cai cullquitaca cambajllataj shuj caspi diosta rurachishpa, chai cullquita yacuyachishpa chai jahuata llihuingapajmi Mandaj Diospajlla ch'icanchircani. Cunanca cai cullquitaca canllamantajmi tigrachini– nirca.