ÉXODO 20:2 - Dios Rimashca Shimicunami

² “Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ÉXODO 20:2 Iomraidhean Croise

1 REYES 18:39

Tucuicuna chaita ricushpaca pambaman tupajta cumurishpami: “¡Mandaj Diosmi Diostaj, Mandaj Diosmi Diostaj!” nircacuna.

2 REYES 17:12

Israelcunaca rurashcalla dioscunapajtami rurarcacuna. Mandaj Diosca paicunataca cancunaca chaicunataca amataj ruranguichij nishcami carca.

2 REYES 17:7

Israelcunaca Egiptota jatun mandaj faraonpaj maquipi cajpi llujshichimuj Mandaj paicunapaj Diosta p'iñachishpa shujtaj dioscunata manchashcamantami chashna tucurca.

2 CRÓNICAS 28:5

Chaimantami paita Mandaj Diosca, Siria llajtata jatun mandajpaj maquipi churarca. Siriocuna mishashpaca, Judá llajtapi causajcunataca achcacunatami Damasco puebloman prezu aparcacuna. Mandaj Diosllataj Israel llajtata jatun mandajpaj maquipipish churajpimi, israelcunapish Judá llajtapi causajcunahuan macanacushpaca achcacunata huañuchishpa misharcacuna.

SALMOS 50:7

Paica cashnami ninga: “Ñuca agllashcacuna uyaichij. Cancunamanmi rimagrini. Israelcuna, uyaichij. Cancuna mana allita rurashcatami huillagrini. Ñucaca Taita Diosmi cani, cancunapaj Diosmi cani.

SALMOS 81:10

Ñucami Mandaj Dios, cambaj Taita Dios cani. Ñucami Egiptomanta llujshichimurcani. Cambaj shimita pascailla mana nijtami carasha.

SALMOS 81:11

Ashtahuanpish ñucapajlla cajcunaca ñucataca mana uyarcacunachu. Israelcunaca ñucataca mana munarcacunachu.

SALMOS 81:7

Jatun llaquipi cashpami caparircangui. Chaita uyashpami quishpichircani. C'ulun nicuj chaupi pacallamantami cutichircani. Cancuna alli crij cashcata mana chashna cashcataca Meriba yacu c'uchupimi ricurcani. Selah

ÉXODO 13:14

Caya mincha cambaj huahua: ¿Imapajtaj cashnaca ruranguichij? nijpica: Egipto llajtapi huatashca shina llaquinayajta causacujpimari Mandaj Diosca ñucanchijtaca tucuita rurai tucuj paipaj maquihuan llujshichimurca.

ÉXODO 13:3

Chaimi Moisesca israelcunataca: “Egiptopi huatashca shina ruracujta Mandaj Dios tucuita rurai tucuj maquihuan cai punllapi llujshichishcataca yuyaricunallami canguichij. Chai punllapica levadurayuj tandataca ama micunguichijchu.

ÉXODO 15:13

Quiquin quishpichishca cai gentecunataca cambaj llaquij cashcapimi pusharcangui. Tucuita rurai tucujhuanmi pushangui. Jucha illaj cambaj huasimanmi pushangui.

ÉXODO 15:16

Paicunapaj jahuapica chujchuipish, manchaipish urmachun. Tucuita rurai tucuj cambaj rigrata ricushpaca, rumi shina upa cashca cachun. Mandaj Dioslla can agllashcacuna pasangacama chashna cachun. Can quishpichishca cai gentecuna pasangacama chashna cachun.

ÉXODO 15:26

Chaipica cashnami nirca: “Cancunaca Mandaj Dios ima nishcata alli uyashpa, paipaj ñaupajpi ima pandata mana rurashpa, pai mandashcacunata alli uyashpa, chaitataj pajtachichun nishcacunata pajtachijpica, egipciocunaman cachashca ungüicunataca shujllatapish cancunapaj jahuaman mana apamushachu. Ñucaca Mandaj Diosmi cani. Cancunata alliyachijmi cani” nircami.

ÉXODO 20:1

Taita Diosca tucui cai shimicunatami rimarca:

ÉXODO 29:46

Chaimi ñucataca Mandaj paicunapaj Dios cashcata yachangacuna. Paicunapaj chaupipi causangapaj Egiptomanta paicunata llujshichimuj cashcatapishmi yachangacuna. Ñucami Mandaj paicunapaj Dios cani.

ÉXODO 6:6

Chaimanta israelcunataca cashna ni: Ñucaca MANDAJ DIOSMI cani. Egiptocuna yallitaj sinchita trabajachicunmantaca ñucami llujshichisha. Huatashcata shina paicuna cancunata rurachicunmantaca paicuna ima shina cancunata llaquichishca shinallatajmi ñuca rigrata chutashpa paicunatapish llaquichishpa cancunataca cacharichisha.

ISAÍAS 43:3

Mandaj Dios ñucami cambaj Taita Dios cani. Israelcunapaj jucha illaj Diosmi canta Quishpichij cani. Canta llujshichingapajca Egiptocunatami curcani. Cambaj randica Etiopiacunata, Sebacunatami curcani.

JEREMÍAS 16:14

Shina cashpapish, Mandaj Diosllatajmi cashnapish nin: “Cancunaca imapajpish: Israelcunata Egipto llajtamanta llujshichimuj, causaj Mandaj Diospish ricucunmi ninguichijmi. Shuj punllaca ña mana chashna ninguichijchu.

JEREMÍAS 2:6

Paicunaca ña mana ñucata mashcanata yuyarircacunachu. Ñucanchijta Egipto llajtamanta llujshichishpa, shitashca, chaquishca pambacunata pushamuj, ñanllapish mana tiyaj, pi mana purishca, pi mana causashca huañunalla llajtata pushamuj Mandaj Diosca ¿maipitagari? ninataca mana yuyarircacunachu.

JEREMÍAS 31:1

Mandaj Diosca cashnami nin: “Chai punllacunapica tucui Israel aillucunapaj Diosmi casha. Paicunaca ñucapajlla runacunami canga.

JEREMÍAS 31:33

Mandaj Diosca cashnapishmi nin: “Shamuj punllacunapica israelcunahuan ari ninacushpaca, cashnami rurasha: Ñuca mandashcataca paicunapaj yuyaipi churashami, paicunapaj shungupi quillcashami. Chashna rurashpaca ñucaca paicunapaj Diosmari casha, paicunapish ñucapajllamari canga.

JEREMÍAS 34:13

“Israelcunata Mandaj Diosca cashnami nin: Ñucaca cancunapaj ñaupa yayacunataca, Egipto llajtapi causajcunata servishpa, llaquinayajta causacujpimi llujshichimurcani. Paicunahuanca chaimanta llujshichimui punllami cashna nishpa ari ninacurcanchij:

EZEQUIEL 20:19

Ñucami cancunata Mandaj Taita Dios cani, cancunaca caicunataraj ruraichij: Ñuca quillcachishcapi nishca shina purichij, ñuca imallata rurai nishcata pajtachichij.

EZEQUIEL 20:5

cashna ningui: Mandaj Jatun Diosca cashnami nin: Jacobopaj huahua huahua israelcunata agllai punllallatajmi, paicunamanca ñuca maquita alzashpa ari nircani. Paicuna Egipto llajtapi cajpiraj paicunaman rijsichirishpami, ñuca maquita alzashpa: Ñucaca cancunata Mandaj Taita Diosmi cani nircani.

EZEQUIEL 20:7

Shinallataj cashnapishmi nircani: Tucuicunallataj quiquin ñahuicunamanta millaita ruranata anchuchichij. Egipto llajtapi tiyaj dioscunahuan ama mapayaichijchu. Ñucami cancunata Mandaj Taita Dios cani nircanimi.

OSEAS 12:10

Profetacunata huillachishpami imalla tucuna cashcataca achcata huillarcani. Profetacunataca yuyachij parlocunahuanmi huillachircani.

OSEAS 13:4

Ashtahuanpish ñucaca: “Egiptomanta llujshichimui pachamanta Mandaj cancunapaj Taita Diosmi cani. Manapish dioscunataca caimi dios ama” ninguichij. Shujtajtaca caimi quishpichij ama ninguichij. Ashtahuanpish ñucallata: “Quishpichijmi cangui” ninguichij.

LEVÍTICO 11:45

Ñucaca Mandaj Diosmi cani. Cancunapaj Dios cangapaj, Egiptomanta cancunata llujshichimujmi cani. Ñuca ima jucha illaj caj shinallataj cancunapish ima jucha illajllami cana canguichij” nircami.

LEVÍTICO 19:36

Chashna rurangapajca pezanatapish, medinatapish allita charinguichij. Ñucami Egiptomanta cancunata llujshichij Mandaj Dios cancunapaj Taita Dios cani.

LEVÍTICO 23:43

Cancunata Egiptomanta llujshichimucushpa, carpa huasicunapi causachun ñuca churashcata cancunapaj huahua huahuacuna yachachunmi chashna rurana canguichij. Ñucami Mandaj Dios cancunapaj Taita Dios cani ni” nircami.

LEVÍTICO 25:38

Ñucaca Mandaj Dios cancunapaj Taita Diosmi cani. Canaanta cancunaman cungapajmi, cancunataca Egiptomanta llujshichimurcani. Cancunapaj Dios cangapajmi chashna llujshichimurcani.

LEVÍTICO 25:42

Paicunaca ñucapajta rurajcunami. Paicunataca ñucami Egiptomanta llujshichimurcani. Chaimanta paicunaca huatashca shina shujtajcunapajta rurangapajca mana c'aturi tucuncunachu.

LEVÍTICO 25:55

Israelcunaca ñucapajta rurajcunami, ñucapajta rurajcunatajmi. Paicunataca ñucami Egiptomanta llujshichimurcani. Ñucami Mandaj Dios cancunapaj Taita Dios cani.

LEVÍTICO 26:1

“Cancunaca dios nishcacunatapish, tacashpa rurashca dios nishcacunatapish ama ruranguichijchu. Rumi diostapish mana shayachinachu canguichij. Cancunapaj llajtapica pintashca rumicunata ñataj churanguichijman. Chaicunapaj ñaupajpi ñataj cunguringuichijman. Ñucami Mandaj Dios cancunapaj Taita Dios cani.

LEVÍTICO 26:13

Ñucaca Mandaj Diosmi cani, cancunapaj Diosmi cani. Egiptopi ama huatashca shina ruraj cachunmi llujshichimurcani. Yugopi huatashca angucunataca ñucami p'itircani. C'ari c'ari purichunmi churarcani.

AMÓS 2:10

Ashtahuanpish cancunataca ñucamari Egipto llajtamanta llujshichircani. Ñucamari shitashca pambataca, chuscu chunga huatacunata pusharcani. Amorreocuna causacun llajtata japichunmi, chashna pusharcani.

Romanos 10:12

Judiocunapish, griegocunapish chai shinallatajmi. Paillataj tucuicunapaj Mandaj Jesús cashpami, tucui paita mañajcunaman cungapajca achcata charin.

Romanos 3:29

¿Diosca judiocunapajlla Dioschu? ¿Manachu mana judiocunapajpish Dios? Ari, mana judiocunapajpish Diostajmari.

DEUTERONOMIO 13:10

Egiptopi huatashca shina ruracujta llujshichimuj cancunata Mandaj Dios cancunapaj Taita Diosmanta caruyachisha nishcamantaca, chai runataca huañungacama rumicunahuan shitanguichij.

DEUTERONOMIO 15:15

Cancunaca Egiptopi, shujtajpajta rurashpa causajcuna cashcatami yuyarina canguichij. Mandaj Dios cancunapaj Taita Diosmi cancunataca chaimanta llujshichirca. Chaimantami cunan cancunataca cashna mandani.

DEUTERONOMIO 20:1

Cancunata p'iñajcunahuan jatun macanacuipi macanacungapaj llujshishpaca, paicunapaj caballocunata, carrocunata, paicunaca cancunata yalli achcacuna cajta ricushpapish ama manchanguichijchu. Cancunata Egiptomanta llujshichimuj Mandaj Dios cancunapaj Taita Diosca cancunahuanmi.

DEUTERONOMIO 5:15

Egiptopi cashpa cancunapish huatashca shina ruraj cashcata yuyaringuichij. Mandaj Dios cancunapaj Taita Diosca paipaj tucuita rurai tucuj maquihuan, paipaj rigrata chutashpami chaimanta llujshichimurca. Chaimantami Mandaj Dios cancunapaj Taita Diosca samana punllata huaquichichun mandarca.

DEUTERONOMIO 5:6

Ñucaca Mandaj Dios cancunapaj Taita Diosmi cani. Ñucami cancunataca Egiptopi huatashca shina llaquinayajta causacujpi llujshichimurcani.

DEUTERONOMIO 7:8

Ashtahuanpish Mandaj Diosca cancunata c'uyashcamanta, cancunapaj ñaupa yayacunahuan ari nishcata pajtachisha nishpallami Egiptota jatun mandaj Faraonpajta huatashca shina ruracujmantaca paipaj tucuita rurai tucuj maquihuan llujshichimurca.

JUECES 2:1

Mandaj Diospaj angelca, Gilgal pueblomanta Boquim puebloman huichi rishpami israelcunataca: “Ñucami cancunataca Egiptomanta llujshichishpa, cancunapaj ñaupa yayacunaman ñuca cushami nishca llajtaman pushamurcani. Chai punllallatajmi paicunamanca: Ñuca cancunahuan ari ninacushcataca, manataj p'aquishachu.

JUECES 6:10

Amorreocunapaj llajtapi cancuna causacushpaca, paicunapaj dioscunataca ama manchanguichijchu. Ñucami cancunata Mandaj Dios cani nircanimi. Ashtahuanpish cancunaca ñuca rimashcataca manamari uyashcanguichijchu” ninmi nircami.