ÉXODO 20:19 - Dios Rimashca Shimicunami

¹⁹ Chaimi Moisestaca: –Quiquinlla Dioshuan rimashpa ñucanchijman huillai, ñucanchijca uyashunllami. Dios ñucanchijhuan rimajpica huañushunllatajmari– nircacuna.

ÉXODO 20:19 Iomraidhean Croise

GÉNESIS 3:10

Chaimi paica: –Huertapi can puricujta uyashpami, lluchulla cashcamanta manchashpa miticurcani– nirca.

GÉNESIS 32:30

Chaimi Jacobca chai pambataca: “Taita Diosta ñahui ñahui ricushpapish, manarajmari huañunichu” nishpa Penielta shutichirca.

ÉXODO 33:20

Ashtahuanpish ñuca ñahuitatajca, manataj ricui tucunguichu. Ñuca ñahuita ricushpaca, pi mana causai tucungachu– nircapishmi.

Hechos 7:38

Chai Moisesllatajmi shitashca pambapi ñucanchij ñaupa yayacuna tandanacushcapurapipish carca. Paihuanmi Sinaí urcupi ángel rimarca. Chai rimashcataca ñucanchij ñaupa yayacunamanmi Moisesca huillarca. Paillatajmi causaita cuj shimicunatapish Taita Dios cushcata chasquishpa ñucanchijmanpish cujpi charinchij.

Gálatas 3:19

Shinashpaca ¿Mandashcaca imapajtaj alli? Mandashcaca mana cazujcuna cashcata ricuchichunllami, Dios cusha nishca huahua shamungacama q'uipata mirachishca carca. Chaitaca gentecunamanta rimaj Moisespaj maquipimi, angelcunata cuchirca.

DEUTERONOMIO 18:16

Horeb urcupi cancuna tandanacushca cashpa Mandaj Dios cancunapaj Taita Diostaca: Ñucanchijta Mandaj Dios rimashcataca mana ashtahuan uyashun ninchijchu, ama huañungapaj cai nina lunyacujtapish mana ashtahuan ricushun ninchijchu nircanguichijmi.

DEUTERONOMIO 5:5

Chai nina rupacujta manchashpa, cancuna chai urcuman mana huichiyajpimi, ñucaca cancunaman Mandaj Dios imalla nishcata huillangapaj Mandaj Dioshuan, cancunahuan chaupipi carcani. Chaipimi paica:

Hebreos 12:19

Paicunaca trompetapi tocashcata, Dios rimashcatapish mana uyai tucushpami: “Ama ashtahuan rimapaichu” nishpa rogarircacuna.