ÉXODO 20:18 - Dios Rimashca Shimicunami

¹⁸ Tucui israelcunami culun nicujtapish, achij nicujtapish, bocinapi tocashcatapish, chai urcu cushnicujtapish imalla tucujta alli ricuracurcacuna. Chaita ricushpa manchaihuan cashpami israelcunaca carullamanta chaparacurcacuna.

ÉXODO 20:18 Iomraidhean Croise

GÉNESIS 15:17

Ña tutayashpa ashtahuan amsayajpica, Abramca shuj hornomanta cushni llujshicujta, aichacunata chaupishpa ishqui ladoman churashca chaupitaca, nina sindi pasarijtami ricurca.

GÉNESIS 3:10

Chaimi paica: –Huertapi can puricujta uyashpami, lluchulla cashcamanta manchashpa miticurcani– nirca.

SALMOS 81:7

Jatun llaquipi cashpami caparircangui. Chaita uyashpami quishpichircani. C'ulun nicuj chaupi pacallamantami cutichircani. Cancuna alli crij cashcata mana chashna cashcataca Meriba yacu c'uchupimi ricurcani. Selah

JEREMÍAS 23:23

Ñucataca c'uchullapi cashpalla ricuj Dios ¿cashcatachu yuyanguichij? Ñucaca carupi cashpapish, tucuita ricuj Diosmari cani” ninmi Mandaj Diosca.

DEUTERONOMIO 18:16

Horeb urcupi cancuna tandanacushca cashpa Mandaj Dios cancunapaj Taita Diostaca: Ñucanchijta Mandaj Dios rimashcataca mana ashtahuan uyashun ninchijchu, ama huañungapaj cai nina lunyacujtapish mana ashtahuan ricushun ninchijchu nircanguichijmi.

DEUTERONOMIO 4:36

Taita Diosca cancunata yachachingapajmi jahua pachamanta pai rimashcata uyachirca. Cai pachapica paipaj jatun ninatami ricuchirca. Nina chaupimanta rimashcatami uyarcanguichij.

DEUTERONOMIO 5:23

Cancunaca amsalla chaupimanta pai rimashcata uyashpa, chai urcupish nina lunyashpa rupacujta ricushpami aillucunata mandajcunapish, cunaj yuyajcunapish ñucapajman shamushpaca

DEUTERONOMIO 5:25

Chai jatun nina lunyacujca ñucanchijta tucuchingallatajmari. Mandaj Dios ñucanchij Taita Dios rimashcata uyashpa caticushpallaca huañushunmari. ¿Maitataj caipica huañushunyari?

DEUTERONOMIO 5:27

Chaimanta Mandaj Dios ñucanchij Taita Diospajman c'uchuyashpa tucui pai imalla nishcata uyamugri. Chai q'uipaca Mandaj Dios ñucanchij Taita Dios tucui imallata canman nishcata ñucanchijman huillanguillami. Ñucanchijca uyashunllami, cazushunllami.

DEUTERONOMIO 5:5

Chai nina rupacujta manchashpa, cancuna chai urcuman mana huichiyajpimi, ñucaca cancunaman Mandaj Dios imalla nishcata huillangapaj Mandaj Dioshuan, cancunahuan chaupipi carcani. Chaipimi paica: