ÉXODO 20:16 - Dios Rimashca Shimicunami

¹⁶ Ama pitapish p'iñashpa manapish cashcata llullashpa llaquipi churangui.

ÉXODO 20:16 Iomraidhean Croise

SALMOS 15:3

paipaj c'alluhuan pita mana yanga llaquichij, pitapish millaita mana ruraj, paipaj c'uchullapi causajcunatapish llaquichishpa mana rimajllami chaipica causagringa.

ÉXODO 23:1

Manapish cashcata llullashpa huillanapaj ama ari ningui. Millaita rurajhuan llulla testigo tucungapaj ama shuj yuyailla tucungui.

PROVERBIOS 10:18

Shungupi p'iñacuj runaca, mishqui shimi tucushca llulla runami. Pita yanga juchachishpa uraman, janajman parlarijca rumi shungu runami.

PROVERBIOS 11:13

Parlarishpa purijca, mana parlana cashcatapish tucui parlanllami. Ashtahuanpish shunguta churaipaj runaca, ima cajpipish quiquin shungupimi chingachin.

PROVERBIOS 19:5

Pitapish yangamanta juchachishpa huillagrijtaca, llaquichishcatajmi canga. Llullacunataca manataj saquincunachu.

PROVERBIOS 25:18

Pitapish yanga juchachishpa mandajcunaman huillagrij runaca, martillohuan huajtaj shina, cuchillohuan satij shina, puntajlla caspihuan shitaj shinami llaquichin.

LEVÍTICO 19:11

Ama shuhuanguichijchu, ama llullanguichijchu, caishuj chaishuj ama umanacunguichijchu.

LEVÍTICO 19:16

Cambaj llajtapica ama huashalla parlashpa purij cangui. Pita ama huañuchisha nishpa puringui. Ñucami Mandaj Dios cani.

LEVÍTICO 19:18

Cambaj llajtapi causajcunata canpish ama tigra llaquichinguichu, ama chai yuyailla puringuichu. Ashtahuanpish can quiquinta shinallataj shujtajcunatapish c'uyangui. Ñucami Mandaj Dios cani.

Mateo 19:18

Chaimi chai mosoca: –¿Chaicunaca maijanllatagari?– nijpi, Jesusca: –Ama huañuchingui, ama huainayangui, ama shuhuangui, ama llullashpa huillangui.

Lucas 3:14

Shinallataj maijan soldadocuna shamushpaca: –Ñucanchijca ¿imatataj rurana canchij?– nijpi, Juanca: –Pitapish manchachishpa ama quichuichijchu. Ama yanga juchachichijchu. Cancuna trabajashcamanta japishcallahuan cushi caichij– nircami.

Hechos 6:13

Llullashpa huillanguichij nishcacunatapish chaiman pushamujpi paicunaca: –Cai runaca Taita Diospajlla huasitapish, Moisés mandashcatapish c'aminataca mana saquinchu.

Efesios 4:31

Cancunamantaca shujtajcunahuan p'iñalla canata, p'iñarij canata, jahualla p'iñarinata, caparirinata, c'amij canata, millai shungu canatapish tucui anchuchichij.

DEUTERONOMIO 5:20

Ama pitapish manapish chashna cashcata llullashpa huillashpa llaquipi churangui.

1 Timoteo 1:10

huainayajcunapajmi, c'aripura millaita rurajcunapajmi, gentecunata shuhuajcunapajmi, llullashpa llaquichijcunapajmi, alli yachanata jarcajcunapajpishmi cushca cashca.

2 Timoteo 3:3

rumi shungucuna, p'iñarishpapish manataj cungarijcuna, yangamanta juchachijcuna, mana jarcari tucujcuna, p'iña millaicuna, allita p'iñajcuna,

Santiago 4:11

Huauquicuna, caishuj chaishuj ama huashalla rimaichijchu. Maijanpish huauquita huashalla rimaj, paipaj huauquita juchachijca, Mandashcatami huashalla riman, Mandashcatami juchachin. Mandashcata can juchachij cashpaca, Mandashcata mana ruraj, paita juchachijmi cangui.