15 Ama shuhuangui.
Maijanpish genteta shuhuashpa c'atushca cajpi, paipaj maquillapitaj charicushcata japishpapish paitaca huañuchichun.
Mana alli pezanapi pezashpa shuhuajtaca, Mandaj Diosca manataj ricunachinchu. Alli pezashpa c'atujmantaca cushicunmi.
Ama shuhuanguichijchu, ama llullanguichijchu, caishuj chaishuj ama umanacunguichijchu.
Shujtajcunata ama llaquichinguichijchu, ama shuhuanguichijchu. Cambaj huasipi trabajajman pagana cashcataca cayami cusha ama ninguichijchu.
Samaria pueblopi causajcunamantaca Mandaj Diosca cashnami nin: “Paicunaca imatapish allita ruranataca manataj yachancunachu. Ashtahuanpish shujtajcunata macashpa quichushcacunallatami, paicunapaj mandana huasicunapipish jundachincuna” ninmi.
Millaita rurashpa pajtachingapajmi, jatun mandajca imatapish cuchun mañan. Juezpish camarita japishpallami allichij tucun. Mandajpish pai munashcatami rimarin. Chaimantaca chaitatajmi rurancuna.
Huañuchina, huainayana, apanacushpa causana, shuhuana, llullashpa huillana, Diosta p'iñashpa c'amina, cai tucui millai yuyaicunaca shungumantami llujshin.
Chaimi chai mosoca: –¿Chaicunaca maijanllatagari?– nijpi, Jesusca: –Ama huañuchingui, ama huainayangui, ama shuhuangui, ama llullashpa huillangui.
Jesusca: “Dios Quillcachishcapica: “Ñuca huasica, ñucata mañana huasimi canga” ninmi. Ashtahuanpish cancunaca shuhuacunapaj jutcutamari rurashcanguichij” nircami.
Judasca huajchacunata llaquishcamantaca, mana chashna nircachu. Ashtahuanpish shuhua cashcamanta, pai apacun cullqui muchilapi caishujcuna churashcata shuhuaj cashcamantami chashnaca nirca.
Mandashcapica: “Ama huainayangui, ama huañuchingui, ama shuhuangui, ama llullashpa huillangui, shujtajcunapajta ama munangui” ninmi. Ima shujtaj mandashca tiyajpipish: “Quiquin c'uyarij shinallataj shujtajcunatapish c'uyangui” nishcallapimi pajtan.
shuhuacuna, quiquinpajlla charinata munajcuna, machajcuna, llaqui tucushca canman nijcuna, umashpa shuhuajcunapish Dios mandanapica imata mana japingacunachu.
Maijan shuhua cashca cashpapish, ama ashtahuan shuhuachun. Chaipaj randica, trabajachun. Ima illajlla cajcunaman chaupinata charinapaj, quiquin maquihuan imatapish allita rurachun.
Israelcunapurallamantataj maijan runa paipajta rurachun, mana cashpaca shujtajcunaman c'atungapaj maijan runata shuhuashcata japishpaca, chai runataca huañuchinami canguichij. Chashnami cancunapuramanta, millaita anchuchinguichij.
Ama shuhuangui.
Maijanpish paipaj huauquita umashpa imapipish ama llaquichichun. Ña cancunaman nishca, huillashca shinallataj chashna rurajcunataca Mandaj Jesusmi paicunatapish llaquichinga.
