ÉXODO 20:14 - Dios Rimashca Shimicunami

¹⁴ Ama huainayangui.

ÉXODO 20:14 Iomraidhean Croise

GÉNESIS 39:9

Cai huasipica ñucata yalli tucuita ricujca, pi mana tiyanchu. Ñuca amoca tucui paipaj ima charishcacunatapish tucuitami ñuca maquipi churarca. Canllatami mana ñuca maquipi churarca. Chashna cashcamanta ñucaca maitataj jatun millaita rurashpa, Taita Diosta p'iñachishpa juchallishari– nircami.

2 SAMUEL 11:27

Llaquilla cana punllacuna ña tucurijpica, Davidca chai huarmita paipaj huasiman pushamuchun cachajpimi paipaj huasiman pushamurcacuna. Chai huarmica Davidpaj huarmimi tucurca. Paica Davidpajtaca, shuj c'ari huahuatami huacharca. David chashna rurashcaca, Mandaj Diospajca manataj pai munashcachu carca.

LEVÍTICO 18:20

Shujtajcunapaj huarmihuan ama chayarinacunguichu. Paihuan chayarinacushcamanta ama mapayanguichu.

LEVÍTICO 20:10

Maijanpish shujtajpaj huarmihuan huainayajpica, c'aritapish huarmitapish mana llaquishpalla huañuchichun.

MALAQUÍAS 2:15

¿Manachu cancuna chairaj cashpa cazarashca huarmihuanca, pai Diosllataj shujlla aichata, shujlla yuyaita rurarca? ¿Imapajshi chashna rurashca canga yuyanguichijchari? Cancunapaj huahua huahuacunapish, paipajlla cachunmari chashna rurarca. Chashna cashcamantaca ama cancunapaj yuyaita mapayachichijchu, ama cancunapaj quiquin huarmita shitaichijchu.

MALAQUÍAS 3:5

Tucuita Mandaj Diostajmi cashna nini: Ñucami cancuna imalla rurashcacunata ricuj shamusha. Chai punllapimi yumbucunatapish, huainayajcunatapish, llullashpa huillajcunatapish, trabajajcunaman cullquita mana tucui pagajcunatapish, viudacunata, yaya mama illajcunata p'iñajcunatapish, caru llajta runacunata llaquichijcunatapish, ñucata mana manchajcunatapish llaquichisha.

NÚMEROS 5:12

Israelcunataca cashna nishpa mandai: Maijanpaj huarmipish paipaj cusapi mana shunguta churashpa, paipaj cusata umacungachari.

Mateo 19:18

Chaimi chai mosoca: –¿Chaicunaca maijanllatagari?– nijpi, Jesusca: –Ama huañuchingui, ama huainayangui, ama shuhuangui, ama llullashpa huillangui.

Romanos 13:9

Mandashcapica: “Ama huainayangui, ama huañuchingui, ama shuhuangui, ama llullashpa huillangui, shujtajcunapajta ama munangui” ninmi. Ima shujtaj mandashca tiyajpipish: “Quiquin c'uyarij shinallataj shujtajcunatapish c'uyangui” nishcallapimi pajtan.

DEUTERONOMIO 5:18

Ama huainayangui.

Hebreos 13:4

Cazaranaca tucuicuna alli nishca cachun. Paicuna chayarinacunapish chuya cachun. Ashtahuanpish apanacushpa causajcunata, huainayajcunataca Diosmi paicuna ima shina cashcataca ricuchinga.

Santiago 2:11

Dios mandashcallatajmi: “Ama huainayangui” nirca. Shinallataj: “Ama huañuchingui” nircapishmi. Caita nishca shinaca, mana huainayashpapish huañuchishpaca, Mandashcatami p'aquishcangui.

Santiago 4:4

¡Cai pachahuan huainayajcuna! ¿Manachu cai pachahuan apanacunaca, Diosta p'iñachij cashcataca yachanguichij? Maijanpish cai pachapaj amigo tucushpaca, Diosta p'iñajmi tucun.

Apocalipsis 21:8

Shina cajpipish manchajcunaca, mana crijcunaca, millashcacunaca, huañuchijcunaca, apanacushpalla causajcunaca, brujocunaca, rurashcalla dioscunata adorajcunaca, tucui llullajcunapish paicuna japina cashcataca azufrehuan rupacuj nina cuchatami japingacuna. Chaica q'uipa huañuimi” nircami.