ÉXODO 20:12 - Dios Rimashca Shimicunami

¹² Mandaj cambaj Dios canman cushca llajtapi unita causangapajca, cambaj yayata cambaj mamata alli ningui.

ÉXODO 20:12 Iomraidhean Croise

GÉNESIS 48:12

Joseca paipaj churicunata yayapaj changamanta anchuchishpaca, pambaman tupajtami cumurirca.

GÉNESIS 50:12

Paipaj churicunaca, pai mandashca shinallataj rurashpami,

1 REYES 2:19

Betsabeca Adoniasmanta jatun mandaj Salomonhuan rimangapajmi shamurca. Jatun mandajca Betsabeta chasquingapaj jatarishpami paipaj ñaupajpi cumurirca. Chai q'uipaca paipaj tiyarinapi tiyarishpami, paipaj mamata tiyachingapaj shuj tiyarinata apamuchun mandarca. Chaimi paipaj mamaca paipaj alli ladoman tiyarirca.

2 REYES 2:12

Chaita ricushpami Eliseoca: “¡Ñuca yayalla, ñuca yayalla! ¡Canca israelcunapaj macanacuna carro shina, paicunapaj caballocunapi tiyarij soldadocuna shinamari carcangui!” nishpa caparirca. Chai q'uipaca, Eliastaca cutinca ña mana ricurcachu. Eliseoca, pai churarishca churanataca lliquishpa, ishquitami rurarca.

ÉXODO 21:15

Maijanpish paipaj yayata cashpa, paipaj mamata cashpa huañuchijca paipish huañungami.

ÉXODO 21:17

Maijanpish paipaj yayata cashpa, paipaj mamata cashpa llaqui tucushca canman nijca huañunami can.

PROVERBIOS 15:5

Rumi shungu churica, yaya cunashcatapish p'iñashpa mana chasquinchu. Ashtahuanpish jarcashcata cazujca, alli yuyaiyujmi tucunga.

PROVERBIOS 17:6

Yuyajcunapajca, nietocunaca sumaj corona shinami. Shinallataj huahuacunapish, yaya mamamantami cushicuncuna.

PROVERBIOS 20:20

Quiquin yaya mamata llaqui tucushca alli canman nij runaca, mancharina amsa tuta shinapimi jatun llaquipi huañunga.

PROVERBIOS 28:24

Yaya mamapajta imatapish shuhuashca jahua, ima millaita mana ruracunichu nijca, huañuchijpurallatajmi.

PROVERBIOS 3:16

Paipaj alli maquipica, uni causaitami charicun. Lluqui maquipica, tucui laya allicunatapish, alli nishca canatapishmi charicun.

PROVERBIOS 30:11

Quiquin yayallatataj ima llaqui japishpa, alli canman nijcuna tiyanmi. Chaicunaca mamatapish ima allita mana nincunachu.

PROVERBIOS 30:17

Yayata mana cazushpa yurajman ricuj churica, mama yachachishcatapish p'iñanmi. Chai ñahuicunataca, angacuna surcushca cachun. Paicunatapish cuervocuna micushca cachun.

JEREMÍAS 35:18

Jeremiasca, Recabpaj huahuacunataca cashnami nirca: “Tucuita Mandaj, israelcunapaj Diosca cashnami nin: Cancunaca cancunapaj yaya Jonadab mandashcataca, tucuitami cazushcanguichij. Tucui imallata mandashcataca, chashnataj rurashpami causashcanguichij.

JEREMÍAS 35:7

Cancuna causanapaj huasicunatapish ama shayachinguichijchu, ima chagracunatapish ama ruranguichijchu, uva chagracunatapish ama ruranguichijchu, chaitaca ama charinguichijllapishchu. Ashtahuanpish tucui cancunaca carpa huasicunallapi causanguichij. Chashnami cancuna causacun cai llajtapica, uni huatacunata causanguichij nishcami.

EZEQUIEL 22:7

Paicunaca yayatapish, mamatapish p'iñarcacunami. Caru llajtamanta shamujcunatapish llaquichircacunami. Yaya mama illajtapish, viudatapish imalla charishcatapish quichurcacunami.

LEVÍTICO 19:3

Tucuicuna quiquin yayata quiquin mamata manchachun. Ñucapaj samana punllata huaquichinguichij. Ñucami Mandaj Dios cancunapaj Taita Dios cani.

LEVÍTICO 19:32

Puzujlla uma yuyajcunataca paicunapaj ñaupajpi shayarishpa alli ninguichij. Cambaj Taita Diosta manchanguichij. Ñucami Mandaj Dios cani.

MALAQUÍAS 1:6

Curacuna, tucuita Mandaj Diosca cashnami nin: “Huahuaca, paipaj yayataca cazunmi. Servij runapish, paipaj amo ima mandashcata ruranmi. Ñuca cancunapaj yaya cajpica, ¿ima nishpataj mana cazunguichigari? Ñuca cancunapaj amo cajpica, ¿ima nishpataj ñuca mandashcataca mana ruranguichigari? Cancunaca ñuca shutita yangapi churashca jahuamari: ¿Ima shinataj cambaj shutitaca yangapi churarcanchigari? ninguichij.

Mateo 19:19

Cambaj yaya mamata alli ningui. Shujtajcunatapish can quiquinta shinallataj c'uyangui ninmi– nircami.

Marcos 10:19

Mandashcacunataca yachanguillatajmi: “Ama huainayangui, ama huañuchingui, ama shuhuangui, ama llullashpa huillangui, pita ama umangui, cambaj yaya mamatapish alli ningui” ninmi– nircami.

Marcos 7:10

Moisesca: “Cambaj yaya mamata alli ningui. Yaya mamata maijanpish llaqui tucushca canman nijtaca, huañuchishcataj cachun” nishcami.

Lucas 18:20

Mandashcacunataca yachanguillatajmi: “Ama huainayangui, ama huañuchingui, ama shuhuangui, ama llullashpa huillangui, cambaj yaya mamatapish alli ningui” ninmi– nircami.

Efesios 5:21

Diosta manchashcamanta, caishuj chaishuj cazunacuichij.

DEUTERONOMIO 11:8

Cunan cancunapaj cachun japigricun llajtaman yaicungapaj c'ari c'ari ch'imbashpa chai llajtata japingapajca, cunan ñuca quillcashpa cancunaman mandashpa cushca mandashcacunata tucuita pajtachinguichij.

DEUTERONOMIO 11:9

Chaimi cancunapaj ñaupa yayacunamanpish, paicunapaj huahua huahua cancunamanpish Mandaj Dios cancunapaj Taita Dios cushatajmi nishca llajtapica uni huatacunata causanguichij. Chai llajtaca lechepish, sacha chuspipaj mishquipish yacu shina llujshicuj llajtami.

DEUTERONOMIO 21:18

Maijanca shuj churita charingachari. Yallitaj mana cazuj, yayapish, mamapish rimashcata mana uyaj, llaquichijpipish manataj cazuj cangachari.

DEUTERONOMIO 25:15

Ashtahuanpish imata pezanataca mana pi juchachipajta, allita pezajta charinguichij. Imata medina efatapish cashcatataj allitataj charinguichij. Chashna rurashpami Mandaj Dios cancunapaj Taita Dios cancunaman cushca llajtapica unita causanguichij.

DEUTERONOMIO 27:16

Maijanpish paipaj yayata paipaj mamata yanganchishpa p'iñajcunaca llaqui tucushca cachun nijpica, tucuicuna: Chashnataj cashca cachun ninguichij.

DEUTERONOMIO 32:47

Cai mandashcacunaca mana yangachu. Ashtahuanpish cancunaman causaita cujmi. Jordán yacuta ch'imbashpa cancuna japigricun llajtaman chayashpaca cai mandashcacunata pajtachishpami unita causanguichij” nircami.

DEUTERONOMIO 4:26

Cancuna chashna rurajpi ima tucuna cashcataca jahua pachapish, cai pachapish ricucunpimi cashna nini: Jordán yacuta ch'imbashpa cancunapaj cachun japishca allpamantaca utcami chingaringuichij. Cancuna mana cazushcamantami chai llajtapica mana uni punllacunata causanguichij.

DEUTERONOMIO 4:40

Pai chaitataj pajtachichun nishcacunata, pai mandashcacunataca cancuna pajtachichuntajmi mandashpa cuni. Chaimanta huiñaicama Mandaj Dios cancunapaj Taita Dios cancunaman cushca llajtapi cashpa canpish cambaj huahua huahuacunapish alli cangapaj, uni huatacunata chai llajtapi causangapajmi chai mandashcacunataca pajtachina canguichij” nircami.

DEUTERONOMIO 5:16

Mandaj Dios cambaj Taita Dios mandashca shinallataj cambaj yayata cambaj mamata alli ningui. Chashna rurashpami Mandaj Dios cambaj Taita Dios canman cushca llajtapi unita causangui. Tucui imapipish ñaupajman ringui.

DEUTERONOMIO 5:33

Mandaj Dios cancunapaj Taita Dios mandashca ñanllapi puringuichij. Chashna rurashpami cancuna japina cashca llajtata japishpa chai llajtapica unita causanguichij, tucui imapipish ñaupajman ringuichij.

DEUTERONOMIO 6:2

Tucui chaitataj pajtachichun nishcacunata, ñuca mandashcacunata pajtachishpami Mandaj Dios cancunapaj Taita Diosta manchashpa causanguichij. Canpish cambaj huahuacunapish cambaj huahuacunapaj huahuacunapish tucui chaicunata pajtachishpami unita causanguichij ninmi” nircami.

Colosenses 3:20

Huahuacuna, cancunapaj yaya mamacunata tucuipi cazuichij. Mandaj Jesusca chaitami munan.

RUT 3:6

Booz runapaj era patioman rishpa paipaj suegra ima shinalla mandashcata chashnataj rurarca.

1 SAMUEL 22:3

Chaimantaca Davidca, Moabpi caj Mizpaman rishpami Moab llajtata jatun mandajtaca: –Dios ñucata imata ruranata yachangacama ñuca yaya mamata mingui tucupai– nishpami,