ÉXODO 20:1 - Dios Rimashca Shimicunami

¹ Taita Diosca tucui cai shimicunatami rimarca:

ÉXODO 20:1 Iomraidhean Croise

NEHEMÍAS 9:13

Sinaí urcuman uriyamushpami, paicunahuanca jahua pachamanta rimarcangui. Cashcata rurashpa mandachunmi mandashcata curcangui. Maijanman mana tucushpa mandachunmi mandanata curcangui. Chaitataj pajtachichun nishcata pajtachinacunatapish, mandashcacunatapish allicunatami curcangui.

ÉXODO 19:25

Moisés uriyashpaca, Mandaj Dios imalla nishcatami israelcunaman huillarca.

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

Hechos 7:38

Chai Moisesllatajmi shitashca pambapi ñucanchij ñaupa yayacuna tandanacushcapurapipish carca. Paihuanmi Sinaí urcupi ángel rimarca. Chai rimashcataca ñucanchij ñaupa yayacunamanmi Moisesca huillarca. Paillatajmi causaita cuj shimicunatapish Taita Dios cushcata chasquishpa ñucanchijmanpish cujpi charinchij.

Hechos 7:53

Cancunaca Taita Dios mandashcataca angelcuna cujpi chasquishpapish mana cazurcanguichijchu– nircami.

DEUTERONOMIO 10:4

Mandaj Diosca urcupi cashpa nina rupacuj chaupimanta ñucanchij tandanacushcapi pai imallata rimashca chunga mandashcacunallatatajmi ishqui tablajlla rumicunapica ñaupaman quillcashca shinallataj quillcarca. Chaitami Mandaj Diosca ñucaman curca.

DEUTERONOMIO 4:33

¿Shujtaj llajtapi causajcunaca nina rupacuj chaupimanta Taita Dios rimashcata cancuna shina uyashpapish mana huañujcuna tiyanchu?

DEUTERONOMIO 4:36

Taita Diosca cancunata yachachingapajmi jahua pachamanta pai rimashcata uyachirca. Cai pachapica paipaj jatun ninatami ricuchirca. Nina chaupimanta rimashcatami uyarcanguichij.

DEUTERONOMIO 5:22

Cai mandashcacunataca Mandaj Diosmi tucui cancuna urcupi tandanacushca cajpi, nina rupacuj chaupimanta amsa p'uyu ucumanta mancharinata rimarca. Chai q'uipaca ña mana imata ashtahuan nishpami, tablajlla ishqui rumicunapi quillcashpa ñucaman curca.

DEUTERONOMIO 5:4

Mandaj Diosca chai urcupimi, cancunahuanca nina rupacuj chaupimanta ñahui ñahui rimarca.

DEUTERONOMIO 5:6

Ñucaca Mandaj Dios cancunapaj Taita Diosmi cani. Ñucami cancunataca Egiptopi huatashca shina llaquinayajta causacujpi llujshichimurcani.