ÉXODO 2:25 - Dios Rimashca Shimicunami

²⁵ Israelcuna llaquita apacujta Taita Dios ricushpaca yallitajmari llaquita apacun nishpami llaquirirca.

ÉXODO 2:25 Iomraidhean Croise

2 SAMUEL 16:12

Pai llaqui tucushca canman nicujpipish, ñuca llaquita apacujta Mandaj Dios ricushpa pai llaquishpa, llaqui tucushca canman nishcataca alliman tigrachingapishchari– nircami.

JOB 33:27

Taita Diosca runacunataca ricuracunmi. Shuj runa: Ñucaca juchatami rurashcani, allita ruranapaj randica, mana allitami rurashcani. Shina cashpapish, ima allita mana japishcanichu nijpica,

SALMOS 1:6

Cashcata rurajcunapaj causaitaca Mandaj Diosca rijsinmi. Ashtahuanpish millaicunapaj causaica chingaringallami.

SALMOS 10:14

Mana allita rurajtaca, canllataj ricunguimi. Paitapish cambaj maquihuan chai shinallataj llaquichingapajmi ricuracungui. Mana mitsari tucujcunaca cantami mashcan. Yaya mama illajcunamantaca Canmi shayaringui.

SALMOS 31:8

P'iñajpaj maquipica mana churarcanguichu. Ñucataca ancho pambapimi shayachircangui.

SALMOS 55:22

Cambaj llaquitaca, Mandaj Diosman apachi. Paica canta charirangami. Cashcata rurajtaca, llaquita apacuchunllaca mana saquingachu.

ÉXODO 1:8

Chai punllacunami Egiptopica, Joseta mana rijsij shuj mushuj jatun mandaj yaicurca. Paimi pai mandacun gentecunataca:

ÉXODO 18:8

Moisesca paipaj suegromanca, Mandaj Diosca israelcunata c'uyashcamantaca faraontapish, egipciocunatapish imallata rurashcata, israelcunahuan ñanpi cashpa imalla llaquicunata apashcata Mandaj Dios ima shinalla paicunata quishpichishcatapishmi parlarca.

ÉXODO 3:9

Israelcuna caparishpa mañashcaca ñuca ñaupajmanmi chayan. Egipciocuna ima shina jatunta llaquichijtaca ñuca ñahuihuantajmi ricuni.

ÉXODO 4:31

Chaita ricushpami, israelcunaca Mandaj Diosca paicuna llaquita apacujpi ricunaman shamushcata uyashpa, crishpa Mandaj Diosta cumurishpa adorarcacuna.

Mateo 7:23

Shina nijpica paicunataca: “Cancunataca nunca mana rijsircanichu. ¡Ñucamanta anchuichij, millaita rurajcuna!” nishami.

Lucas 1:25

Chaipimi: “Mana huachaj nishpa pipish ama rimachun, Jatun Diosmari ñucataca chashna rurashca” nishpa yuyacurca.

Hechos 7:34

Ñuca agllashcacunaca Egiptopica yallitaj llaquitami apacun. Paicuna aij nicujtapish uyanimi. Chaimantami paicunata llujshichingapaj uriyamurcani. Shamui ñucami cantaca Egiptoman cachagrini” nircami.

DEUTERONOMIO 26:7

Chaimantami Mandaj Dios ñucanchij ñaupa yayacunapaj Taita Diostaca, c'uyailla tucushpa llaquihuai nishpa mañarcanchij. Mandaj Diosca ñucanchij mañashcata uyarcami. Ñucanchij llaquita apacujta, ñucanchijta llaquichishpa sinchita trabajachicujtaca paica ricurcami.

1 SAMUEL 1:11

Ana huarmica: “Tucuita Mandaj Dios, cambajta ruraj ñuca llaquihuan cajta ricuhuayari. Cambajta ruraj ñucataca amataj cungarichu. Ashtahuanpish cambajta rurajmanca shuj c'ari huahuata cuhuai. Ñucaca paitaca paipaj tucui causaipi can Mandaj Diospaj cachunmi canman cusha. Paipaj ajchatapish manataj p'itichishcami canga” nishpami mañarca.