ÉXODO 2:23 - Dios Rimashca Shimicunami

²³ Ña tauca huatacuna q'uipaca Egiptota jatun mandajca huañurcami. Israelcunaca yallitaj sinchi trabajocunapi cashpami, aij nishpa caparircacuna. Paicuna yallitaj sinchi trabajopi cashpa caparishcaca Taita Diospajmanmi chayarca.

ÉXODO 2:23 Iomraidhean Croise

GÉNESIS 16:11

Mandaj Diospaj angelca cashnapish nircarajmi: Canca chichumi cangui. Shuj c'ari huahuatami huachangui. Can llaquihuan cashpa mañashcataca Mandaj Diosca uyarcami. Chaimanta cambaj huijsapi caj huahuataca Ismaelta shutichingui.

GÉNESIS 4:10

Mandaj Diosca, Caintaca: –¿Imatataj rurarcanguiyari? Cambaj huauquipaj yahuarmi ñucataca allpamanta caparicun.

NEHEMÍAS 9:9

Ñucanchij ñaupa yayacunataca Egiptopi llaquita apacujtami ricurcangui. Puca cuchapi paicuna caparishpa mañashcata uyarcanguimi.

JOB 35:9

Runacunallataj manchanayajta llaquichijpimi caparirincuna. Jatuncuna tucui laya llaquichijpimi, caparirishpa huacacuncuna.

SALMOS 102:1

Mandaj Dioslla, ñuca mañashcata uyahuayari. Ñuca llaquinayajta mingarishcaca quiquinpajman chayachun.

SALMOS 102:2

Ñuca llaquihuan cai punllapica, quiquinpaj ñahuitaca amataj ñucamanta anchuchipaichu. Quiquinpaj rinrinta mañachishpa uyahuayari. Ñuca mañashca punllapitaj cutichihuayari.

SALMOS 12:5

Mandaj Diosca cashnami nin: “Huajchacunataca llaquichicuncunami, ima illajcunaca aij, nishpami mañacuncuna. Paicunamantaca ñucami shayarigrini. Llaquimanta llujshichihuai nishpa shungu llujshishpa mañashcamantaca quishpichishami” ninmi.

SALMOS 18:6

Chashna llaquihuan cashpami, Mandaj Diosta mañarcani. Ñuca Diosta caparircani. Paica ñuca caparishcataca paipaj huasimantami uyahuarca. Ñuca caparishcaca paipaj rinrinmanmi uyarirca.

ÉXODO 1:14

Paicunataca lodota rurachishpa ladrillocunata rurachishpa, allpapi sinchita trabajachishpa, shujtaj imata ruranacunapipish yallitaj llaquichishpa trabajachishpami mana maita causaipajta rurarcacuna.

ÉXODO 4:19

Mandaj Diosca Moisestaca Madianpica: –Egiptoman tigrailla. Canta huañuchisha nicujcunaca ñami tucuicuna huañun– nircami.

ÉXODO 6:5

Cunanca israelcunataca cai Egiptopi causajcuna huatashcata shina paicunapajta trabajachicujpi paicuna aij nishcata uyashpami ñuca rurasha nishcataca cunan rurasha nini.

ÉXODO 6:9

Moisesca Dios ima shina nishca shinallatajmi israelcunamanca tucuita huillarca. Ashtahuanpish israelcunaca yallitaj sinchi trabajohuan cashpa, yallitaj llaquihuan cashcamantaca imata mana uyashun nircacunachu.

ÉXODO 7:7

Faraonhuan rimacui punllacunapica, Moisesca pusaj chunga huatata, Aaronca pusaj chunga quimsa huatatami charirca.

ISAÍAS 19:20

Chaicunami tucuita Mandaj Diostaca, Egiptopi causajcuna paipaj tucushcata ricuchij canga. Paicunaca paicunata llaquichicujpica Mandaj Diostami mañangacuna. Mandaj Diosca quishpichishpa llujshichichunmi shuj quishpichijta cachanga.

ISAÍAS 5:7

Tucuita Mandaj Diospaj uva chagraca, israelcunami. Chaica chashnatajmi. Judaca Mandaj Dios munashpa tarpushca sumaj uvacunami. Allita rurajcuna cachunmi munarca, ashtahuanpish mapa q'uihuacunami tucurca. Cashcata rurajcuna cachunmi munarca, ashtahuanpish caparishca huacaicunallami tiyan.

NÚMEROS 20:16

llaquihuan cashpa Mandaj Diosta ñucanchij caparishpa mañajpi, pai uyashpa paipaj angelta cachashpa ñucanchijta Egiptomanta llujshichishcatapish allimi yachangui. Cunanca ñucanchijca cambaj llajta lindecuna c'uchullapi caj Cades pueblopimi canchij.

Hechos 7:30

Chuscu chunga huatata causashca q'uipami, Sinaí urcu c'uchu shitashca pambapi cashpa shuj zarza yura rupacujta ricurca. Chai nina rupacun chaupipica shuj angelmi ricurirca.

DEUTERONOMIO 24:15

Pai trabajashcamantaca amaraj inti huashicujpi chai punllallataj paganguichij. Huajcha cashcamanta paica chai ganashcallahuan causajmi. Cancuna chashna cajpica paica mana caparishpa canta juchachishpa Mandaj Diosta mañangachu. Cancunaca ña mana chaimanta juchayujchu canguichij.

Santiago 5:4

Cancunapaj allpacunamanta granocunata tandashpa trabajajcunamanca, umashpamari mana pagashcanguichij. Chaimantami paicunaca caparicuncuna. Tandajcunapaj caparishcacunaca, tucuita Mandaj Jatun Diospajmanmi uyarishca.

JUECES 4:3

Jabín shuti mandajca, 900 fierro carrocunatami charirca. Paica israelcunataca, ishqui chunga huatacunatami jatunta llaquichishpa causarca. Chaimi israelcunaca Mandaj Diostaca caparishpa mañarcacuna.

1 SAMUEL 12:8

Egiptoman Jacob yaicujpi cancunapaj ñaupa yayacunata llaquichijpi paicuna Mandaj Diosta caparishpa mañajpimi, Mandaj Diosca Moisesta, Aaronta cachashpa, cancunapaj ñaupa yayacunataca Egiptomanta llujshichishpa cai llajtapi churarca.

1 SAMUEL 9:16

“Caya cai horas shinallatajmi, ñucaca Benjaminpaj llajtamanta shuj runata cambajman cachasha. Paitaca ñucapaj caj israelcunata mandaj cachun aceitehuan churangui. Paimi ñucapaj cajcunataca filisteocunapaj maquimanta quishpichinga. Ñucapaj cajcuna llaquita apacujtaca ricunimi. Paicuna caparishpa mañashcapish ñucapajmanmi chayan” nirca.