ÉXODO 2:2 - Dios Rimashca Shimicunami

² Chai huarmi chichushpaca, shuj c'ari huahuatami huacharca. Chai huahuataca sumaj cajta ricushpami, quimsa quillacama pacashpa charirca.

ÉXODO 2:2 Iomraidhean Croise

2 REYES 11:3

Chai huahuaca paita huiñachij huarmindijmi Mandaj Diospaj huasipi sujta huatata pacashca carca. Chai punllacunapica Atalía huarmimi chai llajtataca mandacurca.

SALMOS 112:5

Alli runaca llaquijmi, imatapish mañachijmi. Paipaj ima ruranacunapipish cashcata rurashpami mandan.

ÉXODO 6:20

Amramca paipaj tía Jocabedtami paipaj huarmi cachun japirca. Jocabed huarmipaj huahuacunami Aaronpish, Moisespish carca. Amramca 137 huatacunatami causarca.

NÚMEROS 26:59

Amrampaj huarmica Leví runapaj ushushi Jocabedmi carca. Leví runaca Egiptopi cashparajmi, Jocabed ushushitaca charirca. Jocabed huarmica Amramhuanmi Aarón, Moisés churicunatapish, María shuti ushushitapish charirca.

Hechos 7:20

Chai punllacunapimi Moisesca huacharirca. Paica, Taita Dios munashcami carca. Quimsa quillatami paipaj yaya mamaca paitaca huasipi charircacuna.

DEUTERONOMIO 33:16

tucui cai pachapi imalla tiyaj allicunata cushcacunahuan, Zarza cashapi ricurij Taita Diospaj mana c'uyaipajta c'uyaihuan allicunata cushca cachun. Tucui chaicunaca huauquindijcunamanta mandaj cachun churashca Josepaj uma jahuaman shamushca cachun.

Hebreos 11:23

Crishcamantami Moisespaj yaya mamapish pai huacharijpica, quimsa quillacama pacashpa charirca. Paicunaca sumaj huahua cashcata ricushpami, chai llajtata jatun mandaj huañuchichun mandashcatapish mana mancharca.

1 SAMUEL 16:12

Chaimi Isaí paipaj churita pushanaman cachashpaca, Samuelpajman yaicuchirca. Paica puca ajcha, sumaj ñahuicunayuj, sumaj huambrami carca. Chaipimi Mandaj Diosca Samueltaca: –Paitami jatun mandaj cachun agllarcani. Jatarishpa, aceitehuan churai– nirca.