ÉXODO 2:15 - Dios Rimashca Shimicunami

¹⁵ Chashna rurashcata faraón yachaj chayashpaca, Moisestaca ima shinapish huañuchinatami yuyarca. Ashtahuanpish Moisesca faraonta miticushpami Madián llajtaman rirca.

ÉXODO 2:15 Iomraidhean Croise

GÉNESIS 24:11

Ña chishiyacuitami puebloman yaicunllapi caj pugyu c'uchupi, camellocunata cungurichishpa samachicurca. Chaica chai pueblopi causaj solteracuna yacuta huishinaman rina horasmi carca.

GÉNESIS 25:2

Chai huarmipica Abrahamca Zimram, Jocsán, Medán, Madián, Isbac, Súa shuti churicunatami charirca.

GÉNESIS 25:4

Madianpaj churicunaca: Efa, Efer, Hanoc, Abida, Elda shutimi carcacuna. Tucui chaicunami Ceturapaj huahua huahuacuna carca.

GÉNESIS 29:2

Chai pambapica shuj pugyuta, chai c'uchupica quimsa canlla ovejacuna siricujtami ricurca. Chai pugyumantami canlla ovejacunamanca yacuta ubyachijcuna carca. Chai pugyuca jatun rumihuan tapashcami carca.

1 REYES 11:18

Paicunaca Madianmanta jatarishpa rishpaca, Paranman shamushpami, chaipi causaj runacunata pushashpa Egiptoman chayarcacuna. Egiptota jatun mandaj faraonpajman chayajpimi, jatun mandajca paicunamanca huasitapish, micushpa causachun micunatapish, allpacunatapish curca.

ÉXODO 18:4

Caishuj churica Eliezer shutimi carca. Paitaca: “Faraonpaj espadamantaca ñuca yayapaj Taita Diosmi quishpichishpa ayudahuarca” nishpami, chashna shutichirca.

ÉXODO 4:19

Mandaj Diosca Moisestaca Madianpica: –Egiptoman tigrailla. Canta huañuchisha nicujcunaca ñami tucuicuna huañun– nircami.

PROVERBIOS 22:3

Alli yuyaiyuj runaca, ima llaqui japina cajpica anchurinmi. Ashtahuanpish yachai illaj runaca, quiquin chaquihuan llaquipi yaicunllami.

HABACUC 3:7

Cusán llajtapi tiyaj carpa huasicuna urmajtapish ricurcanimi. Madián llajtapi tiyaj carpa huasicunapish chujchurcami.

Mateo 10:23

Shuj pueblopi cancunata llaquichina yuyailla llaquichijpica, shujtaj pueblopi miticugringuichij. Israelpi tiyaj tucui pueblocunapica, Runa Aichayuj tigramungacama manaraj tucui huillanguichijchu. Chashnatajmi canga.

Juan 4:6

Chai allpapica Jacobpaj pugyumi tiyarca. Jesusca shaicuita shamushcamantami chai pugyu c'uchupi tiyarirca. Ña chaupi punlla shinami carca.

Hechos 7:29

uyashpaca Moisesca, Madián llajtamanmi miticushpa rirca. Chaipimi caru llajtamanta causacushpapish ishqui churiyuj tucurca.

Hebreos 11:27

Crishcamantami Moisesca, jatun mandaj p'iñarinatapish mana manchashpa, Egiptomantaca llujshishpa rirca. Paica mana ricuipaj Diostaca ricucuj shina cashpami, chashna sinchi carca.