ÉXODO 19:5 - Dios Rimashca Shimicunami

⁵ Ñuca imalla nishcata uyashpa ñucahuan ari ninacushcata pajtachishpaca, tucui cai pachapi causajcunamanta yalli sumaj huaquichishcacunami canguichij. Tucui cai pachaca ñucapajmi.

ÉXODO 19:5 Iomraidhean Croise

GÉNESIS 17:9

Abrahamtaca Taita Diosca cutinmi cashna nirca: –Ñuca canhuan ari ninacushcataca canpish, cambaj huahua huahuacunapish, paicunapaj huahua huahuacunapish pajtachicuchunlla.

1 REYES 8:53

Mandaj Jatun Dioslla tucui cai pachapi cajcunapuramantami ñucanchijtaca cambajlla cachun ch'icanchircangui. Ñucanchij ñaupa yayacunata Egiptomanta llujshichimucushpa cambajta ruraj Moisesman nishca shinallatajmi rurarcangui” nircami.

1 CRÓNICAS 17:22

Cambaj israelcunataca canllataj agllashpamari huiñaipaj cambaj cachun churarcangui. Mandaj Dioslla canca paicunapaj Diosmari tucushcangui.

JOB 41:11

¿Pitaj q'uipata cuchun nishpa, ñucamanca ñaupaman imata cushca canga? Cai pachapi imalla tiyajcunaca ñucapajmari.

JOB 41:3

¿Ama llaquichihuaichu nishpachu, cantaca mañanga? ¿Cantaca mishqui shimicunahuanchu rimanman?

SALMOS 135:4

Mandaj Diosmari Jacobtaca, paipaj cachun agllarca. Israelcunataca paipajlla cachunmari agllarca.

SALMOS 24:1

Cai pacha allpaca Mandaj Diospajmi. Chaipi imalla tiyajcunapish paipajmi. Cai pachapi tucui imalla causajcunapish paipajmi.

SALMOS 25:10

Mandaj Dioshuan ari ninacushcata huaquichijcunapaj, pai ima shina cashcata ricuchishpa causajcunapajca, Mandaj Diospaj ñancunaca llaquij canahuan, mana llullahuan jundami.

ÉXODO 15:26

Chaipica cashnami nirca: “Cancunaca Mandaj Dios ima nishcata alli uyashpa, paipaj ñaupajpi ima pandata mana rurashpa, pai mandashcacunata alli uyashpa, chaitataj pajtachichun nishcacunata pajtachijpica, egipciocunaman cachashca ungüicunataca shujllatapish cancunapaj jahuaman mana apamushachu. Ñucaca Mandaj Diosmi cani. Cancunata alliyachijmi cani” nircami.

ÉXODO 23:22

Ashtahuanpish pai tucui imalla nishcata tucui shunguhuan uyashpa tucui ñuca nishcata pajtachijpica, canta p'iñajcunataca ñucami p'iñasha. Canta llaquichijcunataca ñucami llaquichisha.

ÉXODO 24:7

Chai q'uipami Moisesca, Dioshuan ari ninacushca librota japishpa israelcuna uyajta rezajpi paicunaca: –Mandaj Dios tucui imalla nishcacunataca cazugrinchijmi, ruragrinchijmi– nircacuna.

ÉXODO 34:9

cashna nirca: –Jatun Dioslla, quiquinpaj ñaupajpi ñuca allitaj ricurishca cajpica cunanca Jatun Dioslla ñucanchijhuan jacupai. Cai israelcunaca rumi shungucunami. Shina cajpipish ñucanchij millaita rurashcacunata, ñucanchij juchacunata perdonashpa cambaj huahuacunata rurahuai– nircami.

ÉXODO 6:7

Cancunaca ñuca agllashcacuna cachunmi llujshichisha. Ñucaca cancunapaj Diosmi casha. Chashna rurajpimi, Egiptopi yallitaj sinchi trabajocunapi trabajacunmanta llujshichimuj ñucaca Mandaj Diostaj cashcata, cancunapaj Taita Dios cashcata yachanguichij.

ÉXODO 8:22

Chai punllacunapica ñuca agllashcacuna causacun Gosén llajtataca ñucapajllami ch'icanchisha. Chaimanta chai llajtapica nima laya chuspicuna mana yaicungachu. Mandaj Dios ñucataj israelcuna causacunpi cashcata yachachunmi chashna rurasha.

ÉXODO 9:29

Shina nijpi Moisesca: –Cunantaj cai pueblomanta llujshishpa Mandaj Diospajman ñuca maquita chutajpica, culun nicuica pararingallami. Rundupish ña mana ashtahuan urmangachu. Cai pachayujca Mandaj Dios cashcata can yachachunmi chashna ruranga.

CANTARES 8:12

Ñuca uva chagrataca, ñucallatajmi cuidacuni. Salomonlla, huaranga cullquica cambajmi. Ishqui patsaj cullquica, uvata cuidajcunapajmi.

ISAÍAS 1:19

Ñuca nishcacunata cazunata munashcamanta cazushpaca, allpapi p'ucushcacunamantaca tucuimanta yalli alli p'ucushcatani micunguichij.

ISAÍAS 41:8

“Israelcunalla cancunaca ñucapajta rurajcunamari canguichij. Jacob cantaca ñucahuan alli apanacuj Abrahampaj huahua huahuapuramantamari agllarcani.

ISAÍAS 43:1

Jacob, canta callarichij Diosca Israel, canta ruraj Mandaj Diosca cunanca cashnami nin: “Ama manchaichu, ñucami cantaca quishpichircani. Ñucami cantaca shutipi cayarcani, canca ñucapajmi cangui.

ISAÍAS 56:4

Mandaj Diosca cashnami nin: “Samana punllacunapi huaquichirij, ñuca munashcacunata agllaj, ñucahuan ari ninacushcata ugllarij shina pajtachij eunucocunamanca,

JEREMÍAS 10:16

Ashtahuanpish Jacobpaj Diosca manamari chashnachu. Paica tucui ima tiyajta rurajmari. Paimari israelcunataca, paipajlla cachun agllarca. Pai Diosca “Tucuita Mandaj” shutimari.

JEREMÍAS 13:11

Ñucaca tucui israelcunatapish, tucui Judá runacunatapish ñucapajlla causachun, ñuca jatun cashcata ricuchijcuna cachun, shujtajcunapish paicunamanta ñucata alli nishpa jatunyachichunmi chumbihuan chumbillishca shina ñuca muyundijpi charicurcani. Shina cajpipish, paicunaca ñucataca mana cazurcacunachu ninmi Mandaj Diosca ningui.

JEREMÍAS 7:23

Ashtahuanpish cashna nishpami mandarcani: Cancunaca ñuca rimashcata cazunguichij. Cancuna cazujpica, cancunapaj Dios cashami. Cancunapish ñuca agllashca runacunami canguichij. Ñuca imalla mandashcata chaitataj rurashpaca, allimi causanguichij nircanimi.

EZEQUIEL 16:8

Cutinllataj cambaj c'uchuta pasashpami, ña casaranalla soltera tucushcata ricurcani. Chaimantaca can lluchullataj cajta ricushpami, ñuca churanahuan c'atachircani. Chashnami canhuanca ari ninacurcani. Chaimantamari ñucapajlla tucurcangui. Mandaj Jatun Diostajmi chashna nini.

LEVÍTICO 20:24

Ashtahuanpish cancunataca cashnami nircani: Cancunami paicunapaj llajtataca japinguichij. Cancunamanca ñucami lechepish sacha chuspipaj mishquipish yacu llujshicuj shina tiyan chai llajtata cancunapaj cachun cusha. Mandaj Dios cancunapaj Dios ñucami cancunataca shujtaj llajtacunamanta ñucapajlla cachun ch'icanyachircani.

AMÓS 3:2

“Tucui cai pachapi causajcunapuramantaca, cancunallatami ñucapajlla causachun agllarcani. Chashna agllashca jahua yallitaj millaita rurashcamantami, cancunataca llaquichishataj” ninmi.

AMÓS 6:1

Sión pueblopi cushicushpa causajcunapish, Samaria urcupi causajcunapish urcucunapi imata mana manchashpa causajcunami canguichij. ¡Aij imachari tucunguichij! Cancunaca llajtacunapipish alli nishca mandajcunami canguichij. Chaimantami tucui israelcuna cancunapajllaman shamuncuna.

MALAQUÍAS 3:17

Tucuita Mandaj Diosca cashnami nin: “Ñuca tucuita ricunaman shamui punllami ñucapajllata rurasha. Paicunaca ñucapajca achca valij charinacuna shinami cangacuna. Shuj yayaca, paita servij huahuataca perdonanmi, chashnallatajmi ñucapish paicunataca perdonasha.

1 Corintios 10:26

Cai pachapish, chaipi tucui ima tiyajcunapish Jatun Diospajmi.

1 Corintios 10:28

Ashtahuanpish cancunaman maijan: “Caica rurashcalla dioscunaman rupachinapaj cushcami carca” nijpica, ama micunguichijchu. Huillajmantapish, yuyai mapayanamantapish ama micunguichijchu. Cai pachapish, chaipi tucui imalla tiyajcunapish Jatun Diospajmi.

DEUTERONOMIO 10:14

Jahua pachapish, jahua pachamanta ashtahuan jahuaman caj jahua pachapish, cai pachapish chaipi tucui imalla tiyajcunapish Mandaj Dios cancunapaj Taita Diospajmi.

DEUTERONOMIO 11:27

Cunan ñuca quillcashpa cushca Mandaj Dios cancunapaj Taita Dios mandashcacunata cazushpaca allicunata chasquinguichijmi.

DEUTERONOMIO 14:2

Cancunaca Mandaj Dios cancunapaj Taita Diospaj jucha illajcunami canguichij. Paica tucui cai pachapi causajcunamantaca cancunalla Mandaj Diospajlla agllashcacuna cachunmi cancunataca agllarca.

DEUTERONOMIO 14:21

Huañushca animaltaca ima animal aicha cajpipish ama micunguichijchu. Chaitaca shujtaj llajtamanta shamushca cancunapaj llajtapi causacujcunaman cunguichij, paicunaca micui tucunmi. Mana cashpaca shujtaj llajtamanta shamujcunaman c'atunguichij. Ashtahuanpish cancunaca Mandaj Dios cancunapaj Taita Diospajlla ch'icanchishca cashcamantami mana micuna canguichij. Chivo aichataca mamapaj lechellapitajca ama yanunguichijchu.

DEUTERONOMIO 26:18

Mandaj Diosca pai nishca shinallatataj pajtachishpami cancunataca cunanca ñuca agllashcacunami canguichij nishpa cancunataca chaipi causai callarichun nirca. Tucui pai mandashcacunata huaquichichunmi chashna nirca.

DEUTERONOMIO 26:19

Tucui pai rurashca llajtacunamantaca cancuna jatun llajta nishca, c'ari c'aricuna alli nishcacuna cachunmi chashna nirca. Mandaj Dios cancunapaj Taita Diosca pai nishca shina paipajlla ch'icanchishcacuna cachunmi chashna nirca” nircami.

DEUTERONOMIO 28:1

Cunan ñuca cancunaman quillcashpa mandashcacunata chai yuyailla tucushpa pajtachingapaj Mandaj Dios cancunapaj Taita Dios rimashcata alli uyajpica, Mandaj Dios cancunapaj Taita Diosca cancunataca tucui cai pacha llajtacunapaj jahuapimi jatun canapi churanga.

DEUTERONOMIO 28:9

Mandaj Dios cancunapaj Taita Dios mandashcacunata pajtachishpa, paipaj ñanllapi catijpica, Mandaj Diosca pai nishca shinallatajmi jucha illaj paipajlla sinchicuna cachun churanga.

DEUTERONOMIO 4:20

Egiptomantaca fierrota yacuyachina hornomanta shina japishpami Mandaj Diosca cancunataca llujshichimurca. Cunan punlla ima shinami paipajlla canguichij, chai shinallataj cachunmi cancunataca llujshichimurca.

DEUTERONOMIO 5:2

Horeb urcupimi Mandaj Dios ñucanchij Taita Dioshuan ñucanchijhuanca imallata ruranata ari ninacurcanchij.

DEUTERONOMIO 7:6

Cancunaca Mandaj Dios cancunapaj Taita Diospaj jucha illaj llajtami canguichij. Mandaj Dios cancunapaj Taita Diosmi cai pachapi tiyaj pueblocunamanta yalli ashtahuan alli pueblo cachun cancunataca agllarca.

DEUTERONOMIO 9:29

Paicunaca cambajmari. Cambaj cashcamantami can tucuita rurai tucuj cashcahuan, cambaj rigrata chutashpa llujshichimurcangui nishpami mañarcani.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

Hebreos 11:8

Crishcamantami Abrahampish Dios cayajpica, cazushpa paiman cuna cashca llajtata japinamanca, maiman ricushcata mana yachashpapish, paipaj llajtamanta llujshishpa rircalla.

Hebreos 8:9

Mana cancunapaj ñaupa yayacunata maquimanta aisashpa Egiptomanta llujshichi punllapi ari ninacushca shinachu rurasha. Ñucahuan ari ninacushcata pajtachinapi mana catijpimi paicunataca shitashcata saquircani. (Ninmi Jatun Diosca)

JOSUÉ 24:24

Shina nijpi israelcunaca Josuetaca: –Ñucanchijca Mandaj Diospajtami rurashun, pai ima nishcatami cazushun– nircacunami.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.

1 SAMUEL 15:22

Chaimi Samuelca: –Mandaj Diosca paiman cushpa tucui rupachijpipish, sacrificiocunata cujpipish ¿pai nishcacunata cazushcamanta shinachu cushicunga? Sacrificiota cunapaj randi, carneropaj huirata cushpa rupachicunapajlla randica, pai nishcata uyashpa cazunami ashtahuan alli.