ÉXODO 19:4 - Dios Rimashca Shimicunami

⁴ Egipciocunata ñuca imallata rurashcataca cancunallataj ricurcanguichijmi. Cancunataca águila alas jahuapi apamuj shinami ñucapajmanca apamurcani.

ÉXODO 19:4 Iomraidhean Croise

ISAÍAS 40:31

Ashtahuanpish Mandaj Diospi shunguta churajcunaca mushuj fuerzatami charingacuna. Aguilacuna shinami jataringacuna. Callpashpapish mana shaicungacunachu. Purishpapish mana urmaringacunachu.

ISAÍAS 63:9

Paicunapaj tucui llaquicunapica, chai llaquicunataca paimi aparca. Paipaj ñaupajpi caj angelhuanmi quishpichirca. Pai c'uyashpa, pai llaquishpami quishpichirca. Ñaupa punllacunapi apamuj cashca shinallatajmi jatarichishpa paipaj rigrapi apamurca.

OSEAS 11:1

Israelcunataca huahuaraj cajpimi c'uyarcani. Egiptomantami ñuca churitaca cayarcani.

HAGEO 2:5

Shinallataj cancuna Egiptomanta llujshimucujpi, ima shinami shuj ruranata rurasha nircani, chashnallatajmi ñuca Espirituca cancunahuan canga. Chashna cajpica ama imata manchanguichijchu” ninmi.

MALAQUÍAS 2:10

¿Manachu tucuicunallataj shujlla yayata charinchij? ¿Manachu tucuicunallataj Taita Dios rurashca canchij? Shina cajpica, ¿ima nishpataj ñucanchij ñaupa yayacunahuan ari ninacushcataca yangata rurashpa, caishuj chaishuj mana cazunacunchigari?

DEUTERONOMIO 1:30

Cancunata ñaupashpa ricuj Mandaj Dios, cancunapaj Taita Diosmi chaicunahuanca cancunapaj randi macanacunga. Egiptopi ima shinami cancunapaj ñaupajpi rurarca cunanpish chashnallatajmi ruranga.

DEUTERONOMIO 1:31

Mandaj Dios cancunapaj Taita Dios shitashca pambata ima shina cuidamujtaca ricurcanguichijmi. Cancunataca shuj yaya paipaj quiquin churita cuidaj shinami tucui ñanpi caiman chayamungacama cuidamurca.

DEUTERONOMIO 29:1

Tucui cai shimicunaca Mandaj Dios Moisesta israelcuna imallata ruranata cutinllataj Moab llajtapi ari nichishcami. Ñaupaman Horeb urcupi ari nichishca jahuapishmi chaipipish ari nichirca.

DEUTERONOMIO 29:2

Moisesca tucui israelcunata cayashpami cashna nirca: “Mandaj Diosca Egiptopi faraontapish, tucui paipajta rurajcunatapish, paipaj tucui llajtatapish cancunapaj ñaupajpi imallata rurashcataca cancunallataj ricurcanguichijmi.

DEUTERONOMIO 4:9

Chaimanta cancuna cancunapaj ñahuihuan imallata ricushcata tucui cancunapaj causaipi ama cungaringapaj, chaicunamanta ama anchuringapajca cancunapaj shungupi yuyaipi huaquichinguichij. Ashtahuanpish chaicunataca cancunapaj huahuacunaman, cancunapaj huahuacunapaj huahuacunamanpish yachachinguichij.

JOSUÉ 23:3

Cancunata Mandaj Dios cai llajtapi causajcunata cancunapaj allipaj imallata rurashcataca cancunallataj allimi ricurcanguichij. Cancunata Mandaj Diosmari cai llajtapi causajcunahuanca cancunamanta macanacurca.

Apocalipsis 12:14

Chaimantami chai huarmimanca, shitashca pambaman culebrapaj ñaupajmanta jatarishpa richun, jatun aguilapaj ishqui alasta curca. Chaipimi quimsa huata chaupicama Dios cuidashca carashca causarca.