ÉXODO 19:21 - Dios Rimashca Shimicunami

²¹ Chaipimi Mandaj Diosca Moisestaca: –Caimanta uriyashpa, israelcunataca cashna ni: Mandaj Diosta ricungapaj cai ñuca ricuchishcata ñataj pasanguichijman. Chaita pasajcunaca achcacunami huañunga.

ÉXODO 19:21 Iomraidhean Croise

ÉXODO 3:3

Chaimi Moisesca: “Nunca mana ricushcatamari ricuni. Ima nishpashi zarza yuraca mana rupan” nishpami ricunaman rirca.

ÉXODO 3:5

Chaimi Taita Diosca: –Caimanca ama c'uchuyamuichu. Can shayacun cai allpaca ñucapajlla cashcamanta cambaj chaquimanta pargateta llujshichi– nirca.

ÉXODO 33:20

Ashtahuanpish ñuca ñahuitatajca, manataj ricui tucunguichu. Ñuca ñahuita ricushpaca, pi mana causai tucungachu– nircapishmi.

ECLESIASTÉS 5:1

Diospaj huasiman rishpaca, alli yuyarishpa ringui. Ch'ahuancunaca, Diosman animalta cushpa huañuchingapajllami chaimanca rincuna. Chaillata rurashpaca, mana allita rurashcataca mana yuyarincunachu. Chashna ruranapaj randica, chaipi yachachishcata cazuna yuyaihuan ringui.

NÚMEROS 4:15

Israelcuna shujtajman rina tucujpica Diospajlla ch'icanchishca huasita, chai ucupi tucui imalla charinacunata Aarón, paipaj churicunandij ña tucui pilluchijpica, Coatpaj huahua huahuacuna chaicunata apanaman c'uchuyachun. Ashtahuanpish Diospajlla cajtaca imata ama tuparichun. Diospajlla cajta tuparishpaca huañungami. Dioshuan tupanacuna carpa huasipi imalla cajcunata Coatpaj huahua huahuacuna apanaca chaicunami.

NÚMEROS 4:18

“Coatpaj aillu familiacunataca, levitacunapuramanta chingarichun ñataj saquinguichijman.

NÚMEROS 4:19

Diospajlla cajcunaman paicuna c'uchuyashpa ama huañuchunca caita ruranguichij: Aarón, cambaj churicunahuan tucushpa levitacunata pushashpa cada quiquin imallata rurana cashcapi, imallata apana cashcapi churanguichij.

NÚMEROS 4:20

Paicunaca Diospajlla cajcunata pilluchicujpi ricunaman ama yaicuchun. Chaiman yaicushpaca huañungacunami” nircami.

DEUTERONOMIO 5:5

Chai nina rupacujta manchashpa, cancuna chai urcuman mana huichiyajpimi, ñucaca cancunaman Mandaj Dios imalla nishcata huillangapaj Mandaj Dioshuan, cancunahuan chaupipi carcani. Chaipimi paica:

1 SAMUEL 6:19

Bet-semes pueblopi causajcunataca, Mandaj Diospaj arca ucuta ricushcamantami huañuchirca. Paicunaca 50.070mi huañurcacuna. Chai achcacunata Mandaj Dios huañuchijpimi, chaipi causajcunaca jatunta llaquirishpa huacarcacuna.