ÉXODO 19:18 - Dios Rimashca Shimicunami

¹⁸ Mandaj Dios chai urcu jahuaman nina chaupipi uriyamujpimi tucui chai Sinaí urcu cushnirca. Hornomanta cushni llujshicuj shinami cushni llujshirca. Tucui chai urcuca yallitajmi chujchurca.

ÉXODO 19:18 Iomraidhean Croise

GÉNESIS 11:5

Mandaj Diosca cai pachapi causajcunaca jahua pachaman chayaj torreyuj pueblota shayachicujpimi, chaita ricungapaj jahuamanta uriyamurca.

GÉNESIS 15:17

Ña tutayashpa ashtahuan amsayajpica, Abramca shuj hornomanta cushni llujshicujta, aichacunata chaupishpa ishqui ladoman churashca chaupitaca, nina sindi pasarijtami ricurca.

GÉNESIS 19:28

Sodoma, Gomorra pueblocunata, tucui chai pambacunata asomashpa ricunapajca, chai pambamantaca hornomanta llujshicuj cushni shina achca cushni llujshicujtami ricurca.

NEHEMÍAS 9:13

Sinaí urcuman uriyamushpami, paicunahuanca jahua pachamanta rimarcangui. Cashcata rurashpa mandachunmi mandashcata curcangui. Maijanman mana tucushpa mandachunmi mandanata curcangui. Chaitataj pajtachichun nishcata pajtachinacunatapish, mandashcacunatapish allicunatami curcangui.

SALMOS 104:32

Mandaj Dios allpata ricujpica chujchunmi. Urcucunapi tuparijpica cushninmi.

SALMOS 114:4

Urcucunapish carnerocuna shinami saltarcacuna. Lomacunapish malta ovejacuna shinami saltarcacuna.

SALMOS 114:7

Mandaj Diospaj ñaupajpica, allpaca chujchunmari. Jacobpaj Taita Diospaj ñaupajpimari chujchun.

SALMOS 144:5

Mandaj Dioslla, quiquinpaj jahua pachata pascashpa uriyamuiyari. Urcucunapi tuparishpa cushnichiyari.

SALMOS 18:9

Jahua pachata pascashpami uriyamurca. Sangu amsa p'uyupi sarushcami uriyamurca.

SALMOS 68:9

Taita Dios, achcatami tamyachircangui. Chaquishca quiquinpaj allpatapish nuyuchircanguimi.

SALMOS 77:18

Quiquinpaj rimashcaca jatun acapanapimi c'ulun nishca uyarirca. Quiquinpaj relampacunapish tucui cai pachatami achijyachirca. Allpapish chujchushpami cuyurirca.

SALMOS 77:19

Mama cucha chaupitami quiquinpaj ñanta surcurcangui. Jatun yacu chaupitami quiquin purinata rurarcangui. Chaimi quiquinpaj chaqui sarushcatapish pi mana ricui tucurca.

ÉXODO 19:13

Maijan runa cashpa, animal cashpa urcuman huichiyajpica ama maquihuan huañuchichuncuna. Ashtahuanpish rumicunahuan shitashpa, mana cashpaca puntajlla caspita shitashpalla huañuchichuncuna. Urcuman c'uchuyajtaca runa cachunpish, animal cachunpish huañuchishcataj cachun. Cai urcumanca cornetacunapi sinchita tocashca uyarijllapi huichiyachuncuna– nircami.

ÉXODO 19:17

Taita Diosta tupanaman ringapaj Moisés israelcunata carpa huasicunamanta llujshichishpa pushajpimi, paicunaca urcu chaquillapi shayarircacuna.

ÉXODO 20:18

Tucui israelcunami culun nicujtapish, achij nicujtapish, bocinapi tocashcatapish, chai urcu cushnicujtapish imalla tucujta alli ricuracurcacuna. Chaita ricushpa manchaihuan cashpami israelcunaca carullamanta chaparacurcacuna.

ÉXODO 24:17

Mandaj Dios sumaj jatun cashcaca israelcunapaj ñahuipica imatapish rupachishpa tucuchij jatun nina shinami urcu puntapi ricurirca.

ÉXODO 3:2

Chaipica zarza yura chaupipi nina lunyacunpimi, Mandaj Diospaj ángel ricurirca. Chai zarza yurapi nina lunyashpa rupajpipish zarza yuraca mana ima tucujtami Moisesca ricurca.

ÉXODO 34:2

Caya tutamantapaj allichirishpa, caya tutamantaca utca Sinaí urcuman huichiyashpa chai urcu puntapi ñuca ñaupajpi ricuringui.

ISAÍAS 6:4

Chashna nishca uyarijpica, Diospaj huasi pungu quisyucunaca chujchurcami, chai tucui huasi ucupica cushnimi jundarca.

ISAÍAS 64:1

¡Jahua pachata lliquishpa uriyamushpachari alli canguiman. Quiquinpaj ñaupajpica, urcucunapish chujchunmanmi.

JEREMÍAS 4:24

Urcucunata ricujpipish chujchucurcami. Tucui lomacunapish, chushajllami saquirishca carca.

HABACUC 3:6

Paica jatarishcahuanmi cai pachataca medirca. Ricushpallami runacunatapish chujchuchirca. Ñaupamanta tiyaj urcucunaca mirga mirgami tucurca. Ñaupamanta tiyaj lomacunaca tucuimi chingarirca. Paipaj ñancunaca huiñaimanta huiñaicama mana tucurij ñancunami.

ZACARÍAS 14:5

Cancunaca, chai urcucuna chaupi pugru pambapimi miticugringuichij. Chai pugru pambaca, Azal llajtacamami canga. Judá llajtata jatun mandaj Uzías mandacui punllacunapi, allpa chujchui tiyajpi manchashpa miticugricuj shinami miticugringuichij. Ñucata Mandaj Diosca, paipajlla causajcunandijmi shamunga.

Mateo 24:7

Mama llajtaca caishuj mama llajtahuan macanacungacunami, shinallataj jatun mandajcunapurapish macanacungacunami. Huañuchij millai ungüicuna, yaricaicuna, ch'ican ch'ican llajtacunapi pamba chujchushpa allpa t'imburicunapishmi tiyanga.

DEUTERONOMIO 33:2

cashna nirca: “Mandaj Diosca Sinaimantami shamurca. Seir urcumantami achijyachirca. Parán urcumantami achij nicuj ricurirca. Huaranga huaranga paipaj jucha illajcunapaj chaupipimi shamurca. Paipaj alli lado maquipica, nina lunyacuj mandashcata apashcami shamurca.

DEUTERONOMIO 4:36

Taita Diosca cancunata yachachingapajmi jahua pachamanta pai rimashcata uyachirca. Cai pachapica paipaj jatun ninatami ricuchirca. Nina chaupimanta rimashcatami uyarcanguichij.

DEUTERONOMIO 5:22

Cai mandashcacunataca Mandaj Diosmi tucui cancuna urcupi tandanacushca cajpi, nina rupacuj chaupimanta amsa p'uyu ucumanta mancharinata rimarca. Chai q'uipaca ña mana imata ashtahuan nishpami, tablajlla ishqui rumicunapi quillcashpa ñucaman curca.

DEUTERONOMIO 5:4

Mandaj Diosca chai urcupimi, cancunahuanca nina rupacuj chaupimanta ñahui ñahui rimarca.

2 Tesalonicenses 1:7

Ashtahuanpish llaquita apacuj cancunataca, Mandaj Jesús jahua pachamanta paipaj poderta charij angelcunandij ricuri punllamantami ñucanchijhuan tandalla samachinga.

2 Tesalonicenses 1:8

Paica lunyacuj ninapi shamushpami, Taita Diosta mana rijsijcunata, ñucanchijta Mandaj Jesucristomanta alli huillaita mana cazujcunatapish llaquichinga.

Hebreos 12:18

Israelcunaca nina rupacuj, amsa, yallitaj amsa p'uyu, huairandij tamya, tuparipajlla urcullamanpish mana chayarcacunachu. Cancunacarin mana tuparipaj urcumanmi chayashcanguichij.

Hebreos 12:26

Chai punllacunapi Dios rimashpaca, pambapish chujchujtami rimarca. Cunancarin Diosca: “Shuj cutinhuan rimashpaca, mana cai pachallatachu chujchuchisha, ashtahuanpish jahua pachandijmi chujchuchisha” nircami.

2 Pedro 3:10

Shina cajpipish Mandaj Jesús shamunaca mana yuyashcapimi, tutapi shuhua shamuj shina ñapish shamunga. Chaipica imalla tiyajcunapish jahua pachapish manchanayajta c'ulun nishpa cuyurishpa tucui imalla tiyajcunapish rupashpa chingaringami. Cai pachapish tucui ima tiyajcunandij rupachishcami canga.

Apocalipsis 15:8

Diosca tucuita rurai tucuj sumaj cashcamantaca, Diospaj huasipica cushnimi jundarca. Canchis angelcuna, canchis llaquicunata tucuchingacamami, Diospaj huasimanca pi mana yaicui tucurcacuna.

Apocalipsis 9:2

Chai ucujta jutcupaj punguta pascajpica, jatun hornomanta cushni llujshicuj shinami cushni llujshirca. Chai jutcumanta cushni llujshishpaca, intitapish huairatapishmi amsayachirca.

JUECES 5:5

Mandaj Diospaj ñaupajpica urcucunapish chujchurcamari. Israelcunata Mandaj Diospaj ñaupajpica, Sinaí urcupish chujchurcamari.