ÉXODO 19:1 - Dios Rimashca Shimicunami

¹ Israelcunaca Egiptomanta llujshishcamanta quimsa quilla callari punllami Sinaí shuti shitashca urcuman chayarcacuna.

ÉXODO 19:1 Iomraidhean Croise

ÉXODO 12:2

“Cai quillaca cancunapajca huatapaj callari quilla, tucui quillacunamanta yalli alli quillami canga.

ÉXODO 12:51

Mandaj Diosca chai punllallatajmi pai agllashca israelcunataca, soldadocunata shina mirga mirgapi ch'icanchishcata Egiptomanta llujshichirca.

ÉXODO 12:6

Chai animaltaca, cai quillapaj chunga chuscu punllacama alli cuidashpa chai chishi zuyuyacuita huañuchinguichij. Tucui tandanacushca israelcunami chai horasllataj huañuchina canguichij.

ÉXODO 16:1

Tandanacushca tucui israelcuna Elim pambamanta llujshishpaca, chai Elim llajtahuan, Sinaí urcuhuan chaupipi caj Sin nishca shitashca pambamanmi chayarcacuna. Paicunaca Egipto llajtamanta llujshishca punllamantaca, cati quillapaj chunga pichca punllapimi chaimanca chayarcacuna.

ÉXODO 3:12

Taita Diosca: –Ñucamari canhuan casha. Ñuca quiquintaj canhuan cashcata ricuchijca caimi canga: Egiptomanta israelcunata ña llujshichimushpaca, cai urcu jahuapimi Taita Diosta adoracunguichij– nircami.

ÉXODO 40:2

“Mandaj Dioshuan tupanacuna chai carpa huasitaca huata callari punta quillapaj punta punllami shayachina cangui.

EZEQUIEL 20:10

Paicunata Egipto llajtamanta llujshichishpaca, shitashca pambamanmi pusharcani.

NÚMEROS 1:1

Mandaj Diosca Sinaí urcupi caj shitashca pambapimi, Dioshuan tupanacuna carpa huasipi Moiseshuan rimarca. Egiptomanta israelcuna llujshimushca ña ishqui huata, ishqui quilla, chai quillapaj punta punllapimi Moisestaca cashna nirca:

NÚMEROS 10:12

Chaimi israelcunaca, Sinaí shuti shitashca pambamantaca ima shina rina cashcata mandashca shinallataj huashan huashan p'uyuta catishpa rircacuna. Chai p'uyuca, Parán shuti shitashca pambapimi shayarirca.

NÚMEROS 3:14

Mandaj Diosca Sinaí shuti shitashca pambapi Moisesta mandashpaca cashnami nirca:

NÚMEROS 33:15

Refidimmanta rishpaca, Sinaí shuti shitashca pambaman chayashpami, carpa huasicunata shayachishpa tiyarircacuna.

DEUTERONOMIO 1:6

“Mandaj Dios ñucanchij Taita Diosca Horeb urcupimi ñucanchijmanca cashna nirca: Cancunaca cai urcupica ñami unita canguichij.

DEUTERONOMIO 4:10

Cancunata Mandaj Dios Horeb urcu c'uchupi cajpi, cancuna paipaj ñaupajpi cashca punllata chaipi ima nishcata yuyarichigari. Chaipica ñucataca: Tucui cai pachapi causashca punllacunacama ñucata manchanata yachachun ñucataj rimashpa yachachingapaj tucuicunata tandachi. Chaitaca paicunapaj huahuacunamanpish yachachichuncuna nircami.

DEUTERONOMIO 4:15

Mandaj Dios nina chaupimanta cancunahuan rimai punllaca, rimashcata uyashpapish pai ima shina cashcataca mana ricurcanguichijchu. Chaimanta cancunaca alli yuyaihuan canguichij.

DEUTERONOMIO 5:2

Horeb urcupimi Mandaj Dios ñucanchij Taita Dioshuan ñucanchijhuanca imallata ruranata ari ninacurcanchij.