ÉXODO 18:8 - Dios Rimashca Shimicunami

⁸ Moisesca paipaj suegromanca, Mandaj Diosca israelcunata c'uyashcamantaca faraontapish, egipciocunatapish imallata rurashcata, israelcunahuan ñanpi cashpa imalla llaquicunata apashcata Mandaj Dios ima shinalla paicunata quishpichishcatapishmi parlarca.

ÉXODO 18:8 Iomraidhean Croise

GÉNESIS 44:34

Ñucaca ñuca yayapajmanca Benjamín illajllaca maitataj tigrashari. Ñuca huauqui illajlla tigrajpi ñuca yaya llaquinayaj tucujtaca mana ricugrisha ninica– nircami.

NEHEMÍAS 9:32

Ñucanchij Taita Dioslla, jatun Dioslla, tucuita rurai tucuj, manchana Diosmi cangui. Quiquin cusha nishcataca chaitataj pajtachij llaquij Diosmi cangui. Ñucanchij jatun mandajcunapish, llajtata mandajcunapish, curacunapish, profetacunapish ñucanchij ñaupa yayacunapish, can agllashca tucuicunapish Asiria llajtata jatun mandajcuna mandacushca punllamanta cunan punllacama tucui laya llaquita apacujtaca ama mana llaquita apacuj shinata ruraichu.

SALMOS 106:10

Chashnami p'iñajcunapaj maquimanta quishpichirca. P'iñajcunapaj maquimantami cacharichirca.

SALMOS 106:8

Shina cajpipish paica paipaj shutita c'uyashcamantami paicunataca quishpichirca. Pai tucuita rurai tucuj cashcata tucuicunaman ricuchingapajmi quishpichirca.

SALMOS 107:2

Mandaj Dios quishpichishcacuna, p'iñajcunapaj maquimanta pai llujshichishcacuna,

SALMOS 66:16

¡Taita Diosta manchajcuna tucuicuna shamuichij, uyaichij. Ñuca causaipi Taita Dios imallata rurashcatami parlasha!

SALMOS 81:7

Jatun llaquipi cashpami caparircangui. Chaita uyashpami quishpichircani. C'ulun nicuj chaupi pacallamantami cutichircani. Cancuna alli crij cashcata mana chashna cashcataca Meriba yacu c'uchupimi ricurcani. Selah

ÉXODO 15:16

Paicunapaj jahuapica chujchuipish, manchaipish urmachun. Tucuita rurai tucuj cambaj rigrata ricushpaca, rumi shina upa cashca cachun. Mandaj Dioslla can agllashcacuna pasangacama chashna cachun. Can quishpichishca cai gentecuna pasangacama chashna cachun.

ÉXODO 15:6

Mandaj Dioslla, cambaj alli maquica tucuita rurai tucujmari. Mandaj Dioslla cambaj alli maquica p'iñajcunataca chingachishcamari.

ÉXODO 16:3

Paicunaca: –Ñucanchijca Egipto llajtallapitaj Mandaj Diospaj maquipi huañushca cashparajchari alli canchijman carca. Chaipica manga aichata ñaupajpi churashpami micuj carcanchij. Tandatapish mana nijtami micuj carcanchij. Cai tucuicunataca cai shitashca pambapi yaricaihuan huañuchingapajmi pushamushcanguichij– nircacunami.

ÉXODO 18:1

Madián llajta cura Moisespaj suegro Jetroca, Taita Dios Moiseshuan imallata rurashcata, israelcunatapish imallata rurashcata, Egiptomanta israelcunata Mandaj Dios ima shina llujshichimushcatami uyarca.

ÉXODO 2:25

Israelcuna llaquita apacujta Taita Dios ricushpaca yallitajmari llaquita apacun nishpami llaquirirca.

ÉXODO 23:23

Ñuca ángel cancunata ñaupashpa rishpami, cancunataca amorreocunapaj, heteocunapaj, ferezeocunapaj, cananeocunapaj, heveocunapaj, jebuseocunapaj llajtaman pushanga. Chaipi causajcunataca ñucami chingachichisha.

ÉXODO 4:23

Ña nishca shinaca ñucapajta rurachun ñuca churi richun saqui ninmi. Ashtahuanpish paicuna richun mana saquijpica ñucaca cambaj punta churitami huañuchisha ninmi ningui– nircami.

ÉXODO 7:4

Chaipipish faraonca cancunataca mana uyangachu. Ashtahuanpish Egipto llajta jahuapi ñuca maquita churashpa yallitaj llaquichishpami, ñuca agllashca israelcunataca soldadocunata shina cada mirgapi churashpa Egiptomantaca llujshichimusha.

ÉXODO 7:5

Egipto llajta jahuapi ñuca maquita chutashpa paicunapaj chaupimanta israelcunata llujshichijpimi, egipciocunaca ñucataca Mandaj Dios cashcata yachangacuna– nircami.

NÚMEROS 20:14

Moisesca Cades pueblopi cashpami, Edom llajtata jatun mandajhuan paipaj randi parlanacuchun huillajcunata cashna nichun cacharca: “Cambaj huauqui Israelca cashnami nin: Ñucanchij imalla llaquicunata apacushcataca canllataj yachanguimi.