ÉXODO 18:7 - Dios Rimashca Shimicunami

⁷ Moisés paipaj suegrota tupanaman llujshishpaca, paipaj ñaupajpi cumurishpa muchashpami, caishuj chaishuj allillachu cangui ninacushpaca, carpa huasiman yaicurcacuna.

ÉXODO 18:7 Iomraidhean Croise

GÉNESIS 14:17

Quedorlaomertapish, paihuan caj jatun mandajcunatapish Abram mishashpa tigracujpica, Sodomata jatun mandajmi Save pugru pambapi tupanaman llujshirca. Chai pamballatatajmi, Jatun Mandajpaj Pugru Pamba nincuna.

GÉNESIS 18:2

Abrahamca paipaj chaininijllapi quimsa runacuna cajta ricushpami, paipaj carpa huasi pungumanta callpashpa tupanaman rishpa paicunapaj ñaupajpi pambaman tupajta cumurishpaca,

GÉNESIS 19:1

Chai ishqui angelcunaca ña tutayacuitami, Sodomaman chayarca. Lotca Sodomaman yaicuna pungullapimi tiyacurca. Paicunata ricushpami Lotca jatarishcahuan tupanaman rishpa paicunapaj ñaupajpi pambaman tupajta cumurishpaca,

GÉNESIS 29:13

Labanca paipaj pani Rebecapaj churi Jacob shamushcata uyashpami, tupanaman callpashpa rishpaca, allillachu cangui nishpa ugllarishpa muchashpa, paipaj huasiman pusharca. Chaipimi Jacobca pai imalla tucushcata Labanmanca tucuita parlarca.

GÉNESIS 31:28

Ñuca nietocunata, ñuca ushushicunata muchashpa caya minchacama nichunllapish mana saquishcanguichu. Cai cutinca canca loco shinamari utca shamushcangui.

GÉNESIS 43:26

Huasiman José ña yaicujpica, paicunaca paicuna apamushca convidanacunata cunaman c'uchuyashpami, Josepaj ñaupajpica pambaman tupajta cumurircacuna.

GÉNESIS 45:15

Joseca paipaj tucui caishuj huauquicunatapish ugllarishpa muchashpami huacarca. Chai q'uipami Josepaj huauquicunaca paihuan parlarca.

GÉNESIS 46:29

Joseca paipaj carropi rishpami, paipaj yaya Israeltaca Gosenpi tupagrirca. Yayata ricushpaca, cungapi ugllarishpami unicama huacarca.

2 SAMUEL 11:7

Urías paipajman ña chayajpica Davidca: Joab ima shina cashcata, soldadocunapish ima shina cashcata, macanacuipish ña imapi cashcatami tapurca.

1 REYES 2:19

Betsabeca Adoniasmanta jatun mandaj Salomonhuan rimangapajmi shamurca. Jatun mandajca Betsabeta chasquingapaj jatarishpami paipaj ñaupajpi cumurirca. Chai q'uipaca paipaj tiyarinapi tiyarishpami, paipaj mamata tiyachingapaj shuj tiyarinata apamuchun mandarca. Chaimi paipaj mamaca paipaj alli ladoman tiyarirca.

SALMOS 2:12

Pai p'iñarishpa cancunapaj causaita ama chingachichun paipaj churita alli nichij. Pai p'iñarishpaca mana saquingachu. Paipi shunguta churajcunaca cushichishcami canga.

ÉXODO 18:6

Moisestaca: –Ñuca, cambaj suegro Jetromi cambaj huarmitapish, cambaj ishqui churicunatapish pushashpa cambajman shamuni– nirca.

ÉXODO 33:7

Moisesca Diospaj carpa huasita apashpami, israelcunapaj carpa huasicunamanta caruman shayachishpa, chaitaca Dioshuan tupanacuna nishpa shutichirca. Mandaj Diosta maijanpish mashcajca Dioshuan tupanacuna carpa huasimanmi, israelcunapaj carpa huasicunamanta llujshishpa rijcuna carca.

ÉXODO 4:27

Mandaj Diosca Aarontaca: “Shitashca pambapi Moiseshuan tupanaman ri” nijpi Aarón rishpaca, Taita Diospaj urcupi Moiseshuan tupashpami paita mucharca.

NÚMEROS 22:36

Balacca Balaam shamucun nijta uyashpami, Moab pueblopi tupanaman rirca. Chai puebloca Moab llajta linde, Arnón jatun yacu c'uchullapimi carca.

Lucas 7:45

Canca ñucataca allillachu cangui nishpaca mana mucharcanguichu. Ashtahuanpish cai huarmica yaicumuimanta pachami, ñuca chaquitaca muchacunlla.

Hechos 20:37

Chaimantaca tucuicunami Pablotaca minchacama nishpa achcata huacashpa ugllarishpa mucharcacuna.

Hechos 28:15

Romapi causaj crijcunaca ñucanchij shamucushcataca ñami yachashca carca. Chaimi ñucanchijtaca huaquincunaca Apio pueblocama tupanaman shamushcacuna carca. Maijancunaca Tres Tabernas pueblollapimi tupangapaj shuyacushcacuna carca. Paicunata Pablo ricushpaca, Taita Diosta pagui nishpami achcata cushicurca.

JUECES 11:34

Macanacuita mishashpa, Mizpa pueblopi caj paipaj huasiman Jefté tigramujpica, paipaj ushushimi panderocunapi tocaihuan tushushpa tupanaman llujshirca. Jefteca shuj ushushillatami charirca. Churitapish ushushitapish shujtajtaca mana charircachu.

1 SAMUEL 17:18

Cai chunga quezocunataca huaranga soldadocunata mandajpaj apai. Cambaj huauquicuna allilla cashcata alli ricushpa paicuna ima shina cashcata ñuca yachangapaj, paicunapajta imallatapish apamungui– nircami.

1 SAMUEL 17:22

Davidca pai imalla apashcacunataca macanacunatapish, ima shujtajcunatapish huaquichijpaj maquipi saquishpami, soldadocunapajman callpashpa rirca. Ña chayashpaca paipaj huauquicunatami ¿allillachu canguichij? nishpa tapurca.