ÉXODO 18:4 - Dios Rimashca Shimicunami

⁴ Caishuj churica Eliezer shutimi carca. Paitaca: “Faraonpaj espadamantaca ñuca yayapaj Taita Diosmi quishpichishpa ayudahuarca” nishpami, chashna shutichirca.

ÉXODO 18:4 Iomraidhean Croise

GÉNESIS 49:25

Cambaj yayapaj Taita Diosmantami chashna cangui. Paimi cantaca ayudanga. Pailla Tucuita Rurai Tucuj Taita Diosmantami chashna cangui. Paimi cantaca alli cashca cachun ninga. Jahuaman tiyajcunahuanmi alli cashca cachun ninga. Ucuman cajcunahuanmi alli cashca cachun ninga. Huijsamanta, chuchumantami alli cashca cachun ninga.

1 CRÓNICAS 23:15

Moisespaj churicunaca Gersón, Eliezer shuticunami carca.

1 CRÓNICAS 23:17

Eliezerca, Rehabías shuti churitami charirca. Rehabiasca mandajmi carca. Eliezerca shujtaj churicunataca mana charircachu. Ashtahuanpish Rehabiasca achca churicunatami charirca.

SALMOS 18:1

Mandaj Dioslla, cantaca c'uyanimi, canca ñucaman fuerzata cujmi cangui.

SALMOS 18:48

Paica ñucata p'iñajcunapaj maquimanta quishpichijmi. Ñucata llaquichingapaj huaicashpa jataricujpipish ñucata paicunapaj jahuapi churajmi. Huañuchij runapaj maquimantami quishpichihuarcangui.

SALMOS 34:4

Mandaj Diostami mashcarcani, paica ñucata uyahuarcami. Tucui ñuca manchaimantami ñucataca quishpichirca.

SALMOS 46:1

Taita Diosca ñucanchijpaj randi shayarij, ñucanchijpaj muyundij pircami. Llaquicunapi ñucanchij cajpipish utca ayudajmi.

ÉXODO 10:28

faraonca Moisestaca: –Ñuca ñaupajmanta anchui. Ñuca ñahuita ricunamanca amataj shamungui. Ñuca ñahuita ricunaman shamushpaca chai punllallatajmi huañungui– nirca.

ÉXODO 2:15

Chashna rurashcata faraón yachaj chayashpaca, Moisestaca ima shinapish huañuchinatami yuyarca. Ashtahuanpish Moisesca faraonta miticushpami Madián llajtaman rirca.

ÉXODO 2:22

Séfora huarmica shuj c'ari huahuatami huacharca. Chai huahuataca Gersontami shutichirca. Moisesca: “Cai ajeno llajtapica catishpa causajllami cani” nishpami chashna shutichirca.

ÉXODO 4:20

Chaimi Moisesca paipaj huarmita, paipaj huahuacunatapish burropi tiyachishpa Egiptoman tigrarca. Moisesca Taita Diospaj caspitapish aisashcami rirca.

DANIEL 6:22

Ñucataca Taita Diosca ima millaita mana ruraj cashcatami ricushca. Cambaj ñaupajpipish ima millaita mana rurashcanichu. Chaimantami ñuca Taita Diosca leoncuna ñucata ama micuchun paipaj angelta cachashpa leoncunapaj shimitaca huichcarca– nircami.

Hechos 12:11

Chaimi Pedro yuyaita japishpaca: “Herodespaj maquimantapish, ñucata huañuchichun chapacuj judiocunamantapish quishpichichunca, Jatun Diosmi paipaj angelta cachashca. Chaitaca cunanmari allitaj entendini” nirca.

Hechos 7:29

uyashpaca Moisesca, Madián llajtamanmi miticushpa rirca. Chaipimi caru llajtamanta causacushpapish ishqui churiyuj tucurca.

2 Timoteo 4:17

Paicuna chashnajpipish, Mandaj Jesusca ñucahuanmi carca. Pai ñucaman fuerzata cujpimi, tucui mana judiocuna uyachun huillana cashca alli huillaitaca huillarcani. Paimi ñucataca leonpaj shimimanta quishpichirca.

Hebreos 11:34

Yallitaj lunyacuj ninatapish, huañuchircacunami. Espadahuan huañuchishca canamantapish quishpirircacunami. Fuerza illajcuna cashpapish, fuerzayujmi tucurcacuna. Jatun macanacuipipish c'ari c'ari shayarishpami, shujtaj llajtamanta macanacungapaj shamuj soldadocunatapish mishashpa callpachircacuna.

Hebreos 13:6

Chashna cajpimi, imata mana manchashpa: “Jatun Diosca ñucata ayudajmi. Pipish ñucata imata ruranataca, mana manchanichu” ninchij.