ÉXODO 18:26 - Dios Rimashca Shimicunami

²⁶ Paicunami israelcuna llaquicunata charijpica maijanpajlla ima shinalla cashcata ricuchijcuna carca. Uchilla llaquicunataca paicunallatajmi ima shina cashcata ricuchijcuna carca. Sinchi llaquicunahuan cajllapimi Moisespajman pushamujcuna carca.

ÉXODO 18:26 Iomraidhean Croise

1 REYES 10:1

Sabá llajtata jatun mandaj huarmica, Salomonca Mandaj Dios paiman yachaita cujpi yallitaj yachaisapa cashcata yachashpami, mana cutichi tucuipaj tapunacunata tapunaman shamurca.

JOB 29:16

Imata mana charijcunamanca, yaya shinami cararcani. Imata mana allichipaj shina cajpipish, alli ricushpami yachaj chayaj carcani.

ÉXODO 18:22

Israelcuna ima shinalla cashcataca paicunami punllanta paicunapaj llaquicunata ricuchinga. Yallitaj llaquicunallata canmanca huillaj shamuchun. Uchillalla llaquicunataca paicunallataj ima shina cashcata ricuchichun. Ima shinalla apanata paicuna chashna ayudajpimi, cambaj sinchi trabajomantaca samaringui.

LEVÍTICO 24:11

Chaipimi Israel huarmipaj churica, Mandaj Diosta c'amishpa paipaj shutita yanganchishpa rimarca. Chaimantami paitaca Moisespajman pusharcacuna. Chai runapaj mamaca, Danpaj aillumanta caj Dibri runapaj ushushi Selomitmi carca.

DEUTERONOMIO 1:17

Ima shina cashcata ricuchicushpaca, ama ñahuita ricushpalla llaquichinguichij. Jatun nishcacuna yangallacuna huillajpipish ishquindijtataj chai shinallataj alli uyanguichij. Cancunaca maijanta ama manchanguichijchu. Taita Dios mandashcata ruracushcamantaca chai rurashcaca Taita Diospajmi. Imapish cancuna mana allichi tucuipaj cajllata ñucapajmanca apamunguichij. Chaitaca ñucami uyasha nircanimi.

DEUTERONOMIO 17:8

Yallitaj cai shina llaquicuna mana allichipaj ricuringachari. Huañuchishcamanta, p'iñacuimanta, chugrichishcamanta mana cashpaca cancunapaj pueblopi imata rurangapaj ari ninacushcata mana pajtachinacushpa juchachinacushcamanta cambajman shamujpica, Mandaj Dios cambaj Taita Dios agllashca puebloman apashpa ringuichij.