ÉXODO 18:23 - Dios Rimashca Shimicunami

²³ Ñuca nishcata can rurajpi Taita Dios allimi nijpica, chaita rurailla. Chashna rurashpami, ashtahuan ñaupajman apai tucungui. Israelcunapish cushicushpami paicunapaj huasicunaman ringacuna– nircami.

ÉXODO 18:23 Iomraidhean Croise

GÉNESIS 18:33

Mandaj Diosca Abrahamman ña tucui huillashca q'uipaca rircallami. Abrahampish, paipaj carpa huasiman tigrarcallami.

GÉNESIS 30:25

Joseta Raquel huachajpimi, Jacobca Labantaca: –Ñuca llajtamanmi rigrini.

2 SAMUEL 18:3

Chaimi paicunaca: –Jatun mandajlla. Canca mana rinachu cangui. Canta p'iñajcunaca ñucanchij miticushpa rijpipish, ñucanchijllataca mana catingacunachu. Chaupi yalli ñucanchij huañujpipish paicunapajca mana ima cangachu. Canta huañuchijpica ñucanchijpura 10.000 runacunata huañuchishcata yallimari canga. Canca ñucanchijtaca cai pueblollamanta ayudai– nircacuna.

2 SAMUEL 19:39

Tucuicunami Jordán yacuta ch'imbarcacuna. Jatun mandajpish ch'imbarcami. Chaipimi Barzilaitaca jatun mandajca muchashpa Dios allicunata cuchun nijpi, Barzilaica paipaj huasiman tigrarca.

2 SAMUEL 21:17

Sarviapaj churi Abisai Davidta ayudangapaj chayashpa chai filisteotaca chugrichishpa huañuchirca. Chaimi Davidtaca paipaj runacunaca: “Can huañujpica Israelpaj lámpara huañushca shina ama cachunca cunanmantapacha canca macanacuimanca ñucanchijhuanca manataj llujshinachu cangui” nishpa ari nichircacuna.

ÉXODO 16:29

Riquichij, Mandaj Diosca canchis punllapica samarina punllatami curca. Chaimi sujta punllapica, samana punllapandij tandata japichun curca. Canchis punllapica, maiman mana llujshishpa cancuna maipi cashcallapitajmi saquirina canguichij ninmi Mandaj Diosca– nircami.

ÉXODO 18:18

Canpish, canhuan caipi caj gentecunapish shaicunguichijmi. Cai ruranacunaca cambajca yallitaj sinchimari. Canllaca mana rurai tucunguichu.

ÉXODO 18:22

Israelcuna ima shinalla cashcataca paicunami punllanta paicunapaj llaquicunata ricuchinga. Yallitaj llaquicunallata canmanca huillaj shamuchun. Uchillalla llaquicunataca paicunallataj ima shina cashcata ricuchichun. Ima shinalla apanata paicuna chashna ayudajpimi, cambaj sinchi trabajomantaca samaringui.

ÉXODO 18:24

Moisesca paipaj suegro yuyaita cushcata cazushpami, tucuita chashnataj rurarca.

Hechos 15:2

Chaimi Pabloca Bernabendij chai yachachijcunahuan rimanacushpa, jatunta p'iñarinacurcacuna. Mana allichipaj cajpimi, apostolcunahuan, cunaj yuyajcunahuan parlanacushpa allichichun Pablotapish Bernabetapish caishuj crijcunandij Jerusalenman cachanata yuyarircacuna.

Gálatas 2:2

Chaimanca, Dios ricuchijpimi huichiyarcani. Ñuca huillashca ama yanga cachunmi, mana judiocunaman huillacushcataca, alli nishcacunallaman huillarcani.

1 SAMUEL 8:22

Mandaj Diosca Samueltaca: –Paicuna mañashcata uyashpa, paicunata mandaj cachun shuj jatun mandajta churailla– nijpi, Samuelca tucui israelcunataca: –Cancuna causacun pueblocunallamantaj tigraichijlla– nirca.