ÉXODO 18:21 - Dios Rimashca Shimicunami

²¹ Chashna yachachishpaca tucui israelcunapurallamantataj mandai tucuipajcunata, Taita Diosta manchajcunata, imatapish cashcata rurajcunata, quiquinpajlla charij canata mana munajcunata agllashpa, shujcunataca huaranga runacunata, shujcunataca patsaj runacunata, shujcunataca pichca chunga runacunata, shujcunataca chunga runacunata mandajcuna cachun churai.

ÉXODO 18:21 Iomraidhean Croise

GÉNESIS 22:12

Chaimi angelca: –Cambaj churita llaquichingapajca ama maquita chutaichu. Imata ama ruraichu. Mandaj Diosta manchajtaj cashcataca ñami yachani. Chashna cashpami cambaj churica shujlla cajpipish mana mitsashpa chaitataj ñucaman cushcangui– nirca.

GÉNESIS 42:18

Quimsa punlla tucujpimi Joseca: –Ñucaca Taita Diosta manchajmi cani. Cancuna ama huañungapajca caita ruraichij:

GÉNESIS 47:6

Tucui Egipto llajtami cambaj ñaupajpi. Cambaj yayatapish, cambaj huauquicunatapish tucuimanta yalli alli caj Gosenpi causachun mandai. Paicunapurapi q'uipu caipaj cajcunata ricui. Tiyajpica ñuca animalcunata michijcunata mandaj cachun churai– nircami.

2 SAMUEL 18:1

Davidca tucui paihuan caj runacunata yupashpa ricushpaca, 1.000 runacunata, 100 runacunata pushachunmi churarca.

2 SAMUEL 23:3

Israelcunapaj Taita Diosmari rimashca. Israelcunapaj pacatucuna Rumimi ñucaman cashna riman: Runacunapaj chaupipica, cashcata rurashpa mandajmi tiyanga. Taita Diosta manchashpami mandanga.

1 REYES 18:12

Ashtahuanpish ñuca caimanta rishpa Acabman huillashpa tigranapajca, Mandaj Diospaj Espiritumi cantaca ñuca mana yachai tucuipaj mai shujtajman apanga. Chaipica canta mana japishpaca ñucatamari huañuchinga. Cambajta ruraj ñucaca, huambramantapachamari Mandaj Diosta tucui shunguhuan manchashpa causani.

1 REYES 18:3

Acabca, paipaj mayordomo Abdiastami cayarca. Abdiasca, Mandaj Diosta tucui shunguhuan manchajmi carca.

ESDRAS 7:25

Esdras canca, jatun yacu chaininijman tucui causajcunata mandachunca juezcunata, mandajcunata cambaj Dios canman yachaita cushca shinallataj churangui. Cambaj Diospaj mandashcacunata alli yachajcunata chashna churangui. Manaraj yachajcunataca yachachingui.

NEHEMÍAS 5:9

Cashnapishmi nircani: “Quiquinpurallataj chashna ruranaca mana allichu. Ñucanchijta p'iñaj llajtacuna yanganchishpa asicunalla ama cangapajca ñucanchij Taita Diosta manchashpami causana canguichij.

NEHEMÍAS 7:2

Ñuca huauqui Hananitaca Jerusalenpi mandaj cachunmi churarcani. Hananiastaca Jerusalén muyundij pircacunapi cuidajcunata mandaj cachunmi churarcani. Paica shujtajcunata yalli Taita Diosta manchaj, imatapish chaitataj nij cajpimi, chaipi churarcani.

JOB 1:1

Uz llajtapimi Job shuti runa causarca. Paica, ima pandata mana ruraj, allita ruraj, Diostapish manchaj, millaita ruranatapish p'iñajmi carca.

JOB 29:16

Imata mana charijcunamanca, yaya shinami cararcani. Imata mana allichipaj shina cajpipish, alli ricushpami yachaj chayaj carcani.

JOB 31:13

Ñucata servij runatapish, huarmitapish p'iñarishpa rimashpa, paicuna japina cashcata mana cushca cashpaca,

SALMOS 15:1

Mandaj Dioslla, cambaj carpa huasipica ¿maijantaj causagringari? Cambajlla urcupica ¿pitaj causagringari?

SALMOS 15:5

cullquita mañachishpapish, mana huahua cullqui jahua mañachij, ima mana allita mana rurashca cajpipish paita llaquichingaraiculla camarita mana japijmi chaipica causagringa. Maijanpish tucui chaicunata manataj rurajca mana lluchcaringachu.

ÉXODO 17:9

Chaipimi Moisesca, Josuetaca: –Israelcunapuramanta maijan runacunata agllashpa, amaleccunahuan macanacunaman llujshi. Ñucaca cayaca Diospaj caspita ñuca maquipi apashcami, urcu puntapi casha– nirca.

ÉXODO 18:25

Moisesca israelcunapurapi mandai tucuipaj cajcunata agllashpami, huaranga runacunata, patsaj runacunata, pichca chunga runacunata, chunga runacunata mandajcuna cachun churarca.

PROVERBIOS 28:2

Llajtapi causajcuna mana cazushcamantami, mandajcunaca huasha huasha yaicuncuna. Ashtahuanpish yuyaisapa, yachaisapa mandajtaca pi mana cuyuchinchu.

ECLESIASTÉS 12:13

Cai tucuita yachachishca q'uipa, ña tucuchingapajca caitami nini: Diostaca manchashpa cazungui, pai mandashcacunatapish pajtachingui. Cai pachapi causajcunapajca, tucuimanta yalli allica chaimi.

ISAÍAS 16:5

Mandashpa tiyanapica llaquij canatami churanga. Chaipica pi mana cuyuchipaj mandajmi tiyaringa. Chaica David rurashca carpa huasipimi canga. Paica cashcata ruraj canata munaj mandajmi canga. Paica imatapish chaitataj ruranaihuan huañucujmi canga.

ISAÍAS 33:15

Cashcata rurana ñanpi purij, ima pandata mana rimaj, quichushpa charijyanata p'iñaj, huashalla imapaj camarisha nijpi mana japishpa maquita chaspij, pita huañuchigringapaj inquitajcunata rinrinta taparishpa mana uyaj, millaita ama ricungapaj ñahuita taparijmi,

ISAÍAS 59:4

Cashcata ruranamantaca pi mana caparinchu. Pi mana cashcata ricushpa mandanchu. Yangallapimi shunguta churancuna. Yangallatami rimancuna. Millaillatami chichun. Millaitami huachan.

JEREMÍAS 5:1

“Shuj runallapish cashcata ruraj, ima millaita ruranata mana munaj tiyangapishchari. Tucui Jerusalén pueblo callecunapi, tandanacuna pambacunapi callarishpa mashcashpa ricuichigari. Shuj runallapish chashna tiyajpica, Jerusalentaca mana llaquichishachu.

EZEQUIEL 18:8

Cullquita mañachishpapish huahua cullquita mana cobranchu, cullquita alquilachishpapish huahua cullquitaca mana japinchu. Millaita ruranamantapish anchurijmi, runacuna p'iñanacucujpipish ch'imbapurashpa allichijmi.

EZEQUIEL 22:12

Huañuchingapajpish achca cullquitami chasquircacuna. Cullquita mañachishpapish, huahua cullqui jahuami curcacuna. Huahua cullquitapish yallitajmi cobrarcacuna. Shujtajcunatapish shuhuashpami yallitaj llaquichircacuna, ñucatapish cungarircacunami. Mandaj Jatun Diostajmi chashna nini.

ZACARÍAS 7:9

“Tucuita Mandaj Diosca cashnami nin: Mana umashpalla cashcata ruraichij. Caishujhuan chaishujhuan c'uyanacushpa, llaquinacushpa causaichij.

ZACARÍAS 8:16

Ashtahuanpish cancunaca, caicunatami rurana canguichij: Ama caishuj chaishuj llullanacunguichijchu. Sumaj causai tiyachunca, tandanacuna pungucunapica, cashcata rurashpa allichinami canguichij.

NÚMEROS 1:16

Chaicunaca tucui tandanacushca ñaupa yaya aillucunamanta mirarishcacunata pushajcunami carca. Paicunallatajmi huaranga huaranga israelcunata pushajcuna carca.

NÚMEROS 1:4

Cancunahuanca cada aillumanta shuj pushaj cachun. Chaicunaca cada yayacunapaj huasi ucupuracunata pushaj cachun.

NÚMEROS 10:4

Shuj trompetallapi tocajpica, huaranga huaranga israelcunata mandajcunami cambaj ñaupajman tandanacungacuna.

Lucas 18:2

cashna nishpa parlarca: “Shuj pueblopimi Taita Diostapish, runacunatapish mana manchaj juez causarca.

Lucas 18:4

Juezca pai huillashcataca mana uyasha nircachu. Punllanta puricujllapimi, cashna yuyarirca: Taita Diostapish, runatapish mana manchanichu,

Hechos 20:33

Ñucaca cullquitapish, curitapish, churanatapish maijanpajta mana munashcanichu.

Hechos 6:3

Chaimanta huauquicuna cancunapuramanta alli causaj, jucha illaj Espirituhuan junda, alli yachaj, canchis runacunata mashcaichij. Paicunaman cai trabajotaca mingangapaj.

DEUTERONOMIO 22:18

Chaita ricushpaca chai pueblopi caj cunaj yuyajcunaca chai runata japishpa llaquichichuncuna.

1 Timoteo 3:3

mana machaj, macanacuita mana munaj, cullquita munashcamanta ima mana allita mana ruraj, ashtahuanpish c'uyaj, mana p'iñarij, mana mitsa,

JOSUÉ 22:14

chunga mandajcunandij cacharcacuna. Paicunaca cada aillupaj huaranga huaranga israelcunata punta mandajcunami carca.

1 SAMUEL 8:12

Maijancunataca, huaranga soldadocunata mandajcuna cachun, pichca chunga soldadocunata mandajcuna cachun, paipaj allpacunapi yapujcuna cachun, paipaj chagrapi cozichajcuna cachunmi churanga. Maijancunataca macanacunacunata rurajcuna cachun, macanacunapaj carropaj imalla minishtirishcacunata rurajcuna cachunmi churanga.

1 SAMUEL 8:3

Samuelpaj churicunaca, paicunapaj yaya purishca ñancunapica mana purircacunachu. Ashtahuanpish quiquinpajlla charij canata munashcamantami camaricunata japishpa, cashcata ruraj canata saquircacuna.