ÉXODO 18:16 - Dios Rimashca Shimicunami

¹⁶ Maijancunaca p'iñanacushca cashpami, ñucapajman shamuncuna. Paicunataca caishujmanpish, chaishujmanpish ima shina cashcata ricuchishpami, Taita Dios ima shina causachun nishcacunatapish, mandashcacunatapish ricuchishpa huillani– nirca.

ÉXODO 18:16 Iomraidhean Croise

2 SAMUEL 15:3

Chaimi Absalonca: “Canca cashcata rurachun allitatajmari mañanaman shamucungui. Ashtahuanpish jatun mandajpajman chayajpimari chaita allichijca pi mana tiyan” nijmi carca.

JOB 31:13

Ñucata servij runatapish, huarmitapish p'iñarishpa rimashpa, paicuna japina cashcata mana cushca cashpaca,

ÉXODO 18:17

Shina nijpi Moisespaj suegro Jetroca: –Can ruracushca shinaca mana allichu.

ÉXODO 2:13

Cayandij punlla llujshishpaca, hebreocunapurallataj ishqui runacuna p'iñanacucushpaca shujca caishujta macajpimi, chai macacuj runataca: –¿Ima nishpataj quiquinpurallatatajca macacunguiyari?– nirca.

ÉXODO 23:7

Llullaj canamantaca anchuringui. Ima juchachina illajlla cajtapish, cashcata rurajtapish ama huañuchichingui. Millaita rurajta llaquichinataca manataj saquishachu.

ÉXODO 24:14

Moisesca cunaj yuyajcunataca: –Ñucanchij tigramungacama caipi shuyacuichij. Aaronhuan, Hurhuanmi caipi cancunahuan canga. Ima tiyajpica, paicunapajman shamunguichijlla– nircami.

LEVÍTICO 24:15

Shinallataj tucui israelcunamanca cashna nishpa huillangui: Maijanpish Taita Diospaj shutita c'amijca juchayujmi tucunga.

NÚMEROS 15:35

Chaipimi Mandaj Diosca, Moisestaca: “Chai runaca huañunatajmi can. Chaimanta carpa huasicunamanta caruman llujshichishpa tucui israelcuna rumicunahuan shitashpa huañuchichij” nirca.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

1 Corintios 6:1

Cancunapurapi maijancuna sinchi llaquicunata charishpaca chaita allichichunca maitataj manapish cashcata rurajcunapajmanca apanguichigari. Ashtahuanpish jucha illajcuna allichichun paicunapajmanmari apana canguichij.

DEUTERONOMIO 4:5

Riquichij, ñucaca chaitataj pajtachichun nishcacunata, pajtachinguitaj nishcacunata Mandaj Dios ñuca Taita Dios mandashca shinallatajmi cancunamanca yachachircani. Chaitaca cunan cancunapaj cachun japigrin llajtaman yaicushpa pajtachishpa causachunmi yachachircani.

DEUTERONOMIO 5:1

Moisesca tucui israelcunata cayashpaca: “Uyaichij Israelcuna, cunan ñuca chaitataj pajtachichun nishcacunata, pajtachinguitaj nishcacunata cancuna uyajta yachachishcataca alli alli yachashpa pajtachina yuyailla tucushpa pajtachichij.

DEUTERONOMIO 6:1

“Tucui caicunaca mandashcacunapish chaitataj pajtachichun nishcacunapish, pajtachinguitaj nishcacunapish Mandaj Dios cancunapaj Taita Diosca cancunaman ñuca yachachichun mandashcami. Chaicunataca cancuna japigricun llajtaman chayashpa chaitataj pajtachina tucushpa pajtachichunmi chashna yachachichun mandarca.

1 SAMUEL 12:23

Ñucapish Mandaj Diosta cancunamanta mañanataca mana saquishachu. Chaita saquinaca Mandaj Diosta p'iñachishpa juchallinami canga. Cancunata saquinapaj randica alli ñanpi mana pandashpa causanatami yachachisha.