ÉXODO 18:12 - Dios Rimashca Shimicunami

¹² Moisespaj suegro Jetroca Diosman cushpa tucuita rupachinata, shujtaj sacrificiocunatapishmi Taita Diosman curca. Aaronpish, israelcunata cunaj yuyajcunapish Moisespaj suegrohuan Taita Diospaj ñaupajpi micunamanmi rircacuna.

ÉXODO 18:12 Iomraidhean Croise

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 26:25

Isaacca chaipipish shuj altarta rurashpami, Mandaj Diosta mañarca. Paipajpish carpa huasita shayachircami. Isaacpajta rurajcunapish shuj pugyutami chaipi allarcacuna.

GÉNESIS 26:30

Chaipimi Isaacca sumaj micuita rurashpa paicunahuan micurca ubyarca.

GÉNESIS 31:54

Chai q'uipami Jacobca, chai urcupi Taita Diosman animalcunata cushpa huañuchishpa rupachirca. Jacobca tucui paipaj familiacunatami micuchun cayarca. Paicunaca chaipi micushpaca chai tutaca chaillapitajmi dormircacuna.

GÉNESIS 4:4

Abelpish punta huacharishca alli huira ovejatami Mandaj Diosman cungapaj apamurca. Mandaj Diosca Abeltapish, pai cushcatapish cushicushpami chasquirca.

GÉNESIS 43:25

Paicunaca José paicunahuan chaupi punllapi chaipi micuna cashcatami uyarcacuna. Chaimi José shamunapajca, paiman convidanacunata allichishpa shuyacurcacuna.

GÉNESIS 8:20

Chai q'uipaca Noeca, Mandaj Diospaj shuj altarta rurashpami, chuya animalcunataca alasyuj tucui chuya animalcunatapish, tucui caishuj chuya animalcunatapish Taita Diosman cushpa altar jahuapi tucuita rupachirca.

2 SAMUEL 9:7

Chaimi Davidca: –Ama manchaichu, ñucaca cambaj yaya Jonatanpaj c'uyaimantaca, cambaj allicunataca ruranatajmi cani. Cambaj abuelo Saúl charishca allpacunatapish tucuimi canman tigrachigrini. Canca cambaj tucui causaipimi ñucahuan micushpa causangui– nirca.

2 CRÓNICAS 30:22

Ezequiasca, Mandaj Diospajta rurangapaj alli yuyaiyuj tucui levitacunatami sumaj shimicunahuan rimashpa alli nirca. Canchis punllatami Pascua punllacunapi micuna aichataca micurcacuna. Shinallataj Dioshuan alli cangapajpish animalcunata cushpa huañuchircacunami. Chashnami paicunapaj ñaupa yayacunata Mandaj Diostaca, pagui nishpa alabarcacuna.

JOB 1:5

Chai jatun micui punllacuna tucurishca q'uipami Jobca paipaj tucui huahuacunapaj juchacunata anchuchichun utcata jatarishpa, Diosman animalcunata cushpa huañuchishpa tucuita rupachij carca. Jobca, ñuca huahuacunaca imapi juchallircallapishchari, Diostapish p'iñashpa paicunapaj shungupi c'amircacunallapishchari yuyashpami, fiesta tucurishca q'uipaca chashna ruraj carca.

JOB 42:11

Chaita ricushpami, paipaj huauquicunapish, panicunapish, tucui ñaupa rijsishcacunapish, paipaj huasiman shamushpa paihuan micurcacuna. Mandaj Dios paiman llaquicunata cachashcamanta, llaquirishcata ricuchishpa cushichingapajmi shamurcacuna. Paicunaca tucuicunami shuj cullquitapish, shuj curi sortijastapish cungapaj apamurcacuna.

JOB 42:8

Chashna mana allita rurashcamanta, cunanca canchis c'ari bizicunata, canchis carnerocunata apashpa, cancunamanta ñucaman cushpa tucui rupachichun ñucata servij Jobman cugrichij. Ñucata servij Jobmi cancunamantaca ñucata mañanga. Pai mañashcatami ñucaca uyasha. Pai mañajllapimi cancunataca mana ñucamanta ima allicunata huillashca cajpipish, mana jatunta llaquichisha. Cancunaca manamari ñucata servij Job shina carcanguichijchu” nircami.

ÉXODO 18:13

Chai cayandij punllaca, Moisesca israelcunapaj llaquicunata allichingapajmi tiyarirca. Israelcunaca tutamantamanta chishicamami, Moisespaj ñaupajpi achcacuna shayacurcallacuna.

ÉXODO 2:16

Chaiman rishpaca pugyu c'uchullapimi tiyarirca. Madián llajtapi causaj curaca, canchis ushushicunatami charirca. Paicunaca chai punllaca, pugyumanta yacuta llujshichishpa rumicunapi jundachishpa paicunapaj yayapaj ovejacunaman ubyachingapajmi shamurcacuna.

ÉXODO 2:20

Shina nijpimi Reuelca paipaj ushushicunataca: –¿Chai runaca maipitaj? ¿Ima nishpataj saquimurcanguichigari? Micunata carangapaj cayamugrichij– nirca.

ÉXODO 20:24

Cancunaca ñucapaj allpa altarta rurashpa ñucaman cushpa tucui rupachinatapish, ñucahuan alli cangapaj cunatapish cancunapaj ovejacunata, cancunapaj vacacunata chai altar jahuapi cunguichij. Maipimi ñuca shutita yuyaringuichij nishpa mandani chaipitaj ñuca shutita yuyaricujpica ñucaca cancunapajman shamushpami alli cashca cachun nisha.

ÉXODO 24:11

Taita Diosca israelcunata mandajcunata llaquichingapaj paipaj maquita mana chutarcachu. Paicunaca Taita Diosta ricushpapish mana huañurcacunachu. Micurcacunami ubyarcacunami.

ÉXODO 24:5

Chai q'uipaca Moisesca, israelcunapuramanta maijan q'uipa huiñaicunata cachajpimi paicunaca Mandaj Diosman cushpa tucui rupachirca. Mandaj Dioshuan alli cangapajpish huagracunata cushpami rupachirca.

ÉXODO 3:1

Moisesca Madián llajtapaj cura caj paipaj suegro Jetropaj ovejacunata michishpami chai llajtapi causarca. Moisesca shitashca pambata ovejacunata michinaman rishpaca, Horeb shuti Taita Diospaj urcucamami chayarca.

ÉXODO 33:7

Moisesca Diospaj carpa huasita apashpami, israelcunapaj carpa huasicunamanta caruman shayachishpa, chaitaca Dioshuan tupanacuna nishpa shutichirca. Mandaj Diosta maijanpish mashcajca Dioshuan tupanacuna carpa huasimanmi, israelcunapaj carpa huasicunamanta llujshishpa rijcuna carca.

DANIEL 10:3

Ima sumaj micunatapish mana micurcanichu. Aichatapish, vinotapish shimillapipish mana churarcanichu. Quimsa semanacama, mishquijllata ashnacujhuanpish mana churarircanichu.

NÚMEROS 10:29

Moisesca Madianmanta caj paipaj suegro Ragüelpaj churi Hobabtami cashna nirca: –Ñucanchijca Mandaj Dios richun nishcamanmi ricunchij. “Mandaj Diosmi ñucanchijmanca ñucami cancunamanca shuj llajtata cusha” nirca. Mandaj Diosca israelcunapajca allicunata ruranatami ari nishca. Chaimanta ñucanchijhuan jaculla. Ñucanchijpish canhuanca alli cashunllami– nircami.

Lucas 14:1

Jesusca samana punllapimi, fariseocunata pushaj fariseopaj huasipi micugrirca. Chaipi micucujpica, shujtaj fariseocunaca Jesusta imapi juchachingapaj nishpami chaparacurcacuna.

Lucas 14:15

Chaita uyashpaca, Jesushuan micushpa tiyacujcunamanta shujca: –¡Taita Dios mandacujpi jatun micuipi micujca, cushichishcami canga!– nijpi,

1 Corintios 10:18

Israelcuna ima shina ruraj cashcata ricuichij: Diosman cushpa rupachinapaj cushcacunata micujcunaca ¿manachu altarmanta japijcunahuan shujlla?

1 Corintios 10:21

Mandaj Jesuspaj copamantapish, supaicunapaj copamantapish mana ubyai tucunguichijchu. Mandaj Jesuspaj mezamantapish, supaicunapaj mezamantapish mana micui tucunguichijchu.

1 Corintios 10:31

Micushpapish, ubyashpapish, tucui imata rurashpapish, Diosta jatunyachingapaj ruraichij.

DEUTERONOMIO 12:7

Chaipimi Mandaj Dios cancunapaj Taita Diospaj ñaupajpi micushpa, cancunapaj maquihuan tucui imalla rurashcapi, Mandaj Dios cancunapaj Taita Dios allicunata cushcamantaca cancunapish, cancunapaj familiapish cushicuna canguichij.

DEUTERONOMIO 27:7

Sumaj causaimanta cunapajpish animalta huañuchishpa Taita Diosman cunguichij. Chai aichataca Mandaj Dios cancunapaj Taita Diospaj ñaupajpi micushpa cushicunguichij.