ÉXODO 17:9 - Dios Rimashca Shimicunami

⁹ Chaipimi Moisesca, Josuetaca: –Israelcunapuramanta maijan runacunata agllashpa, amaleccunahuan macanacunaman llujshi. Ñucaca cayaca Diospaj caspita ñuca maquipi apashcami, urcu puntapi casha– nirca.

ÉXODO 17:9 Iomraidhean Croise

1 CRÓNICAS 7:27

Elisamapaj churica Nunmi. Nunpaj churica Josuemi carca.

ÉXODO 17:13

Chaimantami Josueca amaleccunataca, espadahuan huañuchishpa macanacuita misharca.

ÉXODO 18:21

Chashna yachachishpaca tucui israelcunapurallamantataj mandai tucuipajcunata, Taita Diosta manchajcunata, imatapish cashcata rurajcunata, quiquinpajlla charij canata mana munajcunata agllashpa, shujcunataca huaranga runacunata, shujcunataca patsaj runacunata, shujcunataca pichca chunga runacunata, shujcunataca chunga runacunata mandajcuna cachun churai.

ÉXODO 24:13

Chaimi Moisesca paipajta ruraj Josuendij jatarishpa, Moisesca Taita Diospaj urcuman huichiyarca.

ÉXODO 33:11

Mandaj Diosca Moiseshuanca maijan paihuan alli apanacujhuan rimacuj shinami ñahui ñahui rimaj carca. Chai q'uipaca Moisesca, carpa huasicunaman tigrajllami carca. Moisespajta ruraj Nunpaj churi Josueca, Diospaj carpa huasimantaca manataj anchurijchu carca.

ÉXODO 4:17

Cai caspitaca apangui. Chaihuanmi milagrocunata rurashpa ricuchingui– nircami.

ÉXODO 4:2

Mandaj Diosca: –¿Cambaj maquipi charicunca imatagari?– nijpi Moisesca: –Shuj caspillatami charicuni– nirca.

ÉXODO 4:20

Chaimi Moisesca paipaj huarmita, paipaj huahuacunatapish burropi tiyachishpa Egiptoman tigrarca. Moisesca Taita Diospaj caspitapish aisashcami rirca.

NÚMEROS 11:28

Shina nijpimi Moisesta ayudaj mosocunapuramanta Nunpaj churi Josueca: –Ñuca amito Moisés, chashna rimacujcunataca jarcapai– nirca.

NÚMEROS 13:16

Llajtata rijsinaman Moisés cachashca runacunapaj shuticunaca chaicunami. Moisesca Nunpaj churi Oseastaca Josué shutitami shutichirca.

NÚMEROS 13:8

Efrainpaj aillumantaca, Nunpaj churi Oseas.

NÚMEROS 27:18

Chaimi Mandaj Diosca Moisestaca: –Nunpaj churi Josuemi ñucata cazuj, c'ari c'ari runa. Paipaj uma jahuapi cambaj maquita churai.

Hechos 7:45

Ñucanchij ñaupa yayacunaca chai huasitaca paicunapaj yayacunamantami maquin maquin japishpa shamurcacuna. Chai q'uipaca Josuemi paicunata pushamujpi chai shitashca pambamantaca cunan ñucanchij causacun llajtacama apashpa shamurcacuna. Ñucanchij yayacuna cai cusha nishca llajtapi causachun nishpami Taita Diosca chai mana israelcunataca cai llajtamanta llujshichishpa cacharca. Chai q'uipapish David mandaj tucungacamami chai carpa huasitaca charircacuna.

DEUTERONOMIO 32:44

Moisesca Nunpaj churi Josuendij, tucui israelcunapajman rishpami, cai cantotaca tononchishpa rezashpa uyachirca.

Hebreos 4:8

Israelcunaman chai samarinata Josué cushca cajpica, cutinca Diosca q'uipa punllapimi samarinata cusha mana ninmanchu carca.

JOSUÉ 8:18

Chaipimi Mandaj Diosca Josuetaca: “Can charicun lanzata Hai pueblo ladoman ricuchi. Paicunataca ñami cambaj maquipi churagrini” nijpimi Josueca, pai charicushca lanzata chai pueblo ladoman ricuchirca.

JOSUÉ 8:3

Chaimi Josueca Hai pueblopi causajcunahuan macanacungapaj huichiyangapajca 30.000 c'ari c'ari runacunata agllashpa, Hai puebloman tuta cachashpa,