ÉXODO 17:6 - Dios Rimashca Shimicunami

⁶ Ñucaca Horeb peña urcu jahuaman ñaupashpa rishpami, chaipi canta shuyacusha. Chai peña urcupi can huajtajpica, tucui paicuna ubyachun yacu llujshingallami– nircami. Moisesca israelcunata cunaj yuyajcunapaj ñaupajpimi chashna rurarca.

ÉXODO 17:6 Iomraidhean Croise

NEHEMÍAS 9:15

Yaricaihuan cajpipish, jahua pachamanta micunatami cararcangui. Yacunaihuan cajpipish, peña urcumanta yacuta llujshichishpami curcangui. Ñuca cusha nishca allpaman yaicushpami chai allpataca quiquinpajta ruranguichij nishcanguimi. Chai llajtataca cancunamanmi cusha nishpaca pajtachishatajmi nishcanguimi.

SALMOS 105:41

Peña urcutami chaupirca, yacucunami llujshirca. Chaquishca pambacunatapish, jatun yacumi callparca.

SALMOS 114:8

Paimi rumi urcutaca yacu tanqueta rurarca. Paimi rumi c'aca quinripica yacuta pajchachirca.

SALMOS 46:4

Taita Diospaj pueblotaca jatun yacumanta ricuj yacucunami cushichin. Chai puebloca jahua pachamanta Dios causana huasimi.

SALMOS 74:15

Pugyucunatapish, purij yacucunatapish quiquinmari llujshichircangui. Mana chaquiripaj jatun yacutapish chaquichircanguimari.

SALMOS 78:18

Diostaca paicuna munashcata rurachun nishpami p'iñachircacuna. Paicuna munashca micunatami mañarcacuna.

SALMOS 78:20

Taita Diosca peña urcumanta yacuta llujshichishpa callpacuj jatun yacuta rurarcatajmari. Paipajlla cajcunamanca tandatapish ¿carai tucungachu imashi? ¿Aichatapish maimanta cui tucungachu imashi?” nishpami rimarcacuna.

SALMOS 81:7

Jatun llaquipi cashpami caparircangui. Chaita uyashpami quishpichircani. C'ulun nicuj chaupi pacallamantami cutichircani. Cancuna alli crij cashcata mana chashna cashcataca Meriba yacu c'uchupimi ricurcani. Selah

ÉXODO 14:16

Israelcuna cucha chaupita chaquishca allpata ch'imbachun, canca cambaj caspita alzashpa, cambaj maquita cucha ladoman chutashpa yacuta ishquindij ladoman chaupi.

ÉXODO 16:10

Tandanacushca tucui israelcunaman Aarón chaita huillacujpica israelcunaca shitashca pamba ladoman tigrarishpa ricushpaca, Mandaj Diosca p'uyupi jatun achij nicuj ricurijtami ricurcacuna.

ISAÍAS 48:21

Shitashca pambata pushamucushpapish, yacunaihuantaca mana pushamurcachu. Jatun rumimantami yacuta llujshichirca. Jatun rumita chaupijpica jatun yacumi pajcharca.

NÚMEROS 20:8

“Cambaj tauna caspita japi. Cambaj huauqui Aaronhuan ishqui tucushpa tucui israelcunata tandachishpa paicunapaj ñaupajpi peña urcuta rimai. Peña urcuta rimajpica yacuca llujshingallami. Chai yacutaca israelcunapish, paicunapaj animalcunapish ubyachunllacuna” nircami.

Juan 4:10

Chaimi Jesusca: –Taita Dios canman cusha nishcata yachashpaca: “Yacuta ñucaman cuhuai” nicujca pi cashcata yachashpaca, canmari paitaca yacuta cuhuai ninguiman. Paica causaita cuj yacutami canmanca cunman– nijpimi,

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

1 Corintios 10:4

Tucuicunami Dios cachashca ubyanallatataj ubyarcacuna. Dios cachashca paicunahuan puricuj rumimantami ubyarcacuna. Chai rumica Cristomi carca.

DEUTERONOMIO 1:2

Horeb urcumanta, Seir urcuta rishpa Cades-barneamanca chunga shuj punlla purimi carca.

DEUTERONOMIO 8:15

Yallitaj jatun shitashca pambata, culebracunapish, escorpioncunapish yallitaj tiyan pambata pushamujta, yacupish mana tiyan chaquishca pambapi yacuta llujshichishpa cancunaman cujta,

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.