ÉXODO 17:2 - Dios Rimashca Shimicunami

² Chaipimi israelcunaca Moisestaca: –Ubyanapaj yacuta cui– nishpa rimarcacuna. Chaimi Moisesca: –¿Ima nishpataj ñucahuan p'iñaringuichij? ¿Ima nishpataj Mandaj Dios tucuita rurai tucuj cashcata ricushun ninguichij?– nirca.

ÉXODO 17:2 Iomraidhean Croise

SALMOS 106:13

Chashna cashpapish pai imalla rurashcacunataca utcami cungarircacuna. Paipaj munaitaca mana shuyasha nircacunachu.

SALMOS 106:14

Shitashca pambapica, quiquin munaillata rurasha nij cacharishcacunami tucurcacuna. Shitashca pambapica Dios imata rurajta ricungapajmi, caita chaita rurachun nircacuna.

SALMOS 78:18

Diostaca paicuna munashcata rurachun nishpami p'iñachircacuna. Paicuna munashca micunatami mañarcacuna.

SALMOS 78:41

Cutin, cutinmi Taita Diostaca caita chaita rurachun nircacuna. Chashnami israelcunapaj Jucha illaj Diostaca p'iñachircacuna.

SALMOS 78:56

Ashtahuanpish israelcunaca jahua pacha Taita Diostaca caita chaita rurai nishpami yallitaj p'iñachircacuna. Ima shina causachun pai yachachishcatapish mana huaquichircacunachu.

SALMOS 95:8

“Meribapi shina ama rumi shungu tucunguichijchu. Masah shuti shitashca pambapi rurashca shinapish, ama rumi shungu tucunguichijchu.

SALMOS 95:9

Chaipimi cancunapaj ñaupa yayacunaca, caita chaita rurai nircacuna. Ñuca imallata rurashcata ricushca jahuallatajmi caita chaita rurai nircacuna.

ÉXODO 15:24

Chaipimi israelcunaca Moisestaca: “¿Imatataj ubyashunri?” nishpa juchachishpa rimai callarircacuna.

ÉXODO 16:8

Moisesca cashnapishmi nirca: –Mandaj Diosca chishicunataca, aichatami cancuna micuchun cugrin. Tutamantacunataca, mana nijta micuchunmi tandata cugrin. Mandaj Diosca cancuna paita juchachishpa rimashcatami uyashca. Cancunaca mana ñucanchijtachu juchachishpa rimashcanguichij. Ashtahuanpish Mandaj Diostamari juchachishpa rimashcanguichij. Shina cajpica ñucanchijca ¿imapish mana canchijchu?– nircami.

ÉXODO 17:7

¿Mandaj Diosca ñucanchijhuanchu, manachu ñucanchijhuan? nishpa israelcuna Mandaj Diosta p'iñachishcamantami chai pambataca Masah shutita, Meriba shutita shutichirca.

ÉXODO 5:21

paicunataca: –Faraonpaj ñaupajpi, paipajta rurajcunapaj ñaupajpi ñucanchijta p'iñaipi churashcataca Mandaj Dios ima shina cashcata alli ricushpa imatapish nichun. Cancuna ñucanchijta chashna rurashpaca cancunallatajmari paicunapaj maquipi espadata churaj shina ñucanchijtaca huañuchichigringuichij– nircacunami.

ISAÍAS 7:12

Shina nijpimi Acazca: “Mana mañashachu. Tucuita rurai tucuj Mandaj Diostaca imapajtaj shuj ricuchinata ricuchichun nishpaca mañashari” nirca.

MALAQUÍAS 3:15

Chaimanta cunanca ñucanchijca cashnami ninchij: Jatun tucushpa causajcunarajmi cushijlla causancuna, millaita rurajcunaca mana paicunallataj imayuj tucuncunachu. Ashtahuanpish Diosta umashpami, ima llaquimantapish quishpirincuna ninguichijmi” ninmi.

NÚMEROS 14:2

Tucui israelcunami Moisestapish, Aarontapish juchachishpa tucuicuna cashna nircacuna: “¡Egiptopi huañushca cashparajchari alli canchijman carca! ¡Cai shitashca pambapi huañushparajchari alli canchijman!

NÚMEROS 14:22

Chaimanta Egiptopipish, shitashca pambapipish, ñuca tucuita rurai tucuj cashcata, tucui laya señalcunata rurashpa ricuchishca jahua ñuca rimashcata mana uyashpa, ashtahuanpish ñuca rurashcacunata mana cazushpa ñucata p'iñachijcunaca,

NÚMEROS 21:5

Taita Diostapish, Moisestapish juchachishpa cashna rimarcacuna: –Egiptomantaca ¿imapajtaj huichiyachimurcangui? Cai shitashca pambapi huañuchunllamari llujshichimushcangui. Caipica micunapish, yacupish mana tiyanchu. Cai yanga micunallataca, ña aminchijmi– nircacuna.

Mateo 4:7

Chaimi Jesusca: –Quillcachishcapica cashnapish ninmi: “Mandaj cambaj Jatun Diostaca ama pandachisha ningui” ninmi– nircami.

Lucas 15:12

Chai ishquimanta q'uipa churimi yayataca: “Yaya, ñuca japina cashcata chaupishpa cuhuai” nijpimi, yayaca pai japina cashcata chaupishpa curca.

Lucas 4:12

Chaimi Jesusca: –Quillcachishcapica: “Mandaj cambaj Taita Diostaca ama pandachinata yuyangui” ninmi– nirca.

Hechos 15:10

Chaimanta cunanca ñucanchij ñaupa yayacunapish, ñucanchijpish mana pajtachi tucushcataca cunanlla crijcunatapish rurachun nishpaca, Taita Diostami p'iñachicunguichij.

Hechos 5:9

Pedroca: –¿Ima nishpataj ishquindij shuj yuyailla tucushpa, Jatun Diospaj Espirituta umashun nishpa llullarcanguichij? Riqui, ñami canlla punguta cambaj cusata pambajcunaca yaicumucun. Cantapish paicunallatajmi apangacuna– nircami.

1 Corintios 10:9

Paicunamanta maijancuna Jatun Diosta rimashca shinapish ama rimashunchij. Chashnacunaca culebracuna canishcami huañurcacuna.

DEUTERONOMIO 6:16

Mandaj Dios cancunapaj Taita Diostaca, Masah llajtapi ima shinami pai tucui rurai tucuj cashcata ricushun nircanguichij. Chai shinaca ama ruranguichij.

DEUTERONOMIO 9:22

Cancunaca Tabera, Masah, Kibrot-hataava shuti pueblocunapi cashpapish Mandaj Diostaca yallitajmi p'iñachircanguichij.

Hebreos 3:9

Shitashca pambapica cancunapaj ñaupa yayacunaca, chuscu chunga huatacunata ñuca ima shina rurashcacunata ricushpapish, ñucataca caita chaita rurai nishpami p'iñachircacuna.

1 SAMUEL 8:6

Ñucanchijta mandachun jatun mandajta churai nishcaca Samuelpica mana alli cajpimi Mandaj Diosta mañarca.