ÉXODO 17:15 - Dios Rimashca Shimicunami

¹⁵ Moisesca shuj altarta rurashpa, chai altartaca: Jehová– nisi shutita shutichishpami,

ÉXODO 17:15 Iomraidhean Croise

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 12:8

Chaimanta rishpaca Bet-elmanta inti llujshin ladoman caj shuj urcuman rishpami, paipaj carpa huasita chaipi shayachishpa tiyarirca. Pai tiyacunmantaca Bet-elca inti huashicun ladomanmi carca. Hai puebloca inti llujshin ladomanmi carca. Chaipipish Mandaj Diospaj shuj altarta rurashpami, Mandaj Diospaj shutipi mañarca.

GÉNESIS 22:14

Chaimi Abrahamca chaitaca: “Ima illashcata Mandaj Dios cuna urcu” shutita shutichirca. Chaimi cunancama: “Ima illashcataca Mandaj Diospaj urcupimi cunga” nincuna.

GÉNESIS 33:20

Shuj altarta chaipi rurashpaca, “El-Elohe-Israeltami” shutichirca.

SALMOS 60:4

Quiquinta manchajcunamanca banderatami curcangui. Mana llullamanta shayarichunmi curcangui. Selah

ÉXODO 24:4

Chaipimi Moisesca, Mandaj Dios nishca shimicunata tucuita quillcarca. Cayandij tutamanta utca jatarishpaca, chai urcu chaquipimi shuj altarta shayachirca. Israelcunapaj chunga ishqui aillucuna cashca shinallatajmi chunga ishqui rumicunata cada aillupaj shuj rumita shayachirca.

ÉXODO 27:1

Acacia caspihuan shuj altartapish rurangui. Chaica sunimanca ishqui metro ishqui chunga pichca centímetro, anchomanca ishqui metro ishqui chunga pichca centimetrollataj cachun. Chai altarca chuscundij lado chai medidallataj cachun. Altomanca shuj metro quimsa chunga pichca centímetro cachun.

ÉXODO 32:5

Paicuna caparinacujta ricushpami Aaronca, curi bizipaj ñaupajpi shuj altarta rurashpaca: –Cayaca Mandaj Diospaj fiestami canga– nishpa caparirca.

JUECES 6:24

Chaipica Gedeonca, Mandaj Diospaj shuj altarta shayachishpami: “Mandaj Diosca sumaj causaita cujmi” nishcata shutichirca. Abiezeritacuna causacun Ofra pueblopi shayachishca altarca cunancamami shayacunraj.