ÉXODO 17:13 - Dios Rimashca Shimicunami

¹³ Chaimantami Josueca amaleccunataca, espadahuan huañuchishpa macanacuita misharca.

ÉXODO 17:13 Iomraidhean Croise

ÉXODO 17:12

Moisespaj maquicuna shaicujpica shuj rumita japishpa Moisesta chaipi tiyachishpami Aaronca shuj ladomanta shuj maquita, Hurca caishuj ladomanta caishuj maquita huichi charijpi Moisesca inti huashicungacama mana shaicushpa, maquicunata huichi chutashpa tiyarca.

ÉXODO 17:14

Mandaj Diosca Moisestaca: –Caicunataca yuyarinapaj cachun shuj libropi quillcai. Cai amaleccunamantaca ima yuyarina ama tiyachun tucuimi cai pachamanta chingachigrini ninmi Mandaj Diosca nishpa Josueman huillai– nircami.

Lucas 21:24

Maijancunataca espadahuanmi huañuchingacuna, shujtajcunataca tucui llajtacunamanmi prezu apangacuna. Jerusalenca mana israelcuna sarushcami canga. Paicuna sarushca cana punlla pajtangacamami, mana israelcuna mandanga.

JOSUÉ 10:28

Josueca chai punllallatajmi, Maceda pueblota japishpa, tucui chaipi causajcunatapish espadacunahuan huañuchishpa paicunapaj jatun mandajtapish huañuchirca. Chaipi caj causaiyujcunataca shujllatapish mana saquishpami tucuita chingachirca. Maceda pueblota jatun mandajtapish Jericota jatun mandajta shinallatajmi rurarca.

JOSUÉ 10:32

Mandaj Diosca Laquis pueblopi causajcunatapish, israelcunapaj maquipi churajpimi, chai cayandij punllaca chai pueblota japishpa chaipi caj tucui causaiyujcunataca espadacunahuan huañuchircacuna. Paicunatapish Libna pueblopi causajcunata shinallatajmi rurarcacuna.

JOSUÉ 10:37

Chai pueblota japishpaca, chai pueblota jatun mandajtapish, pai mandacushca caishuj pueblocunapi causaiyujcunatapish shujllatapish mana saquishpami tucuicunata espadacunahuan huañuchircacuna. Chaicunapi causajcunatapish Eglón pueblopi causajcunata shinallatajmi causaiyujcunataca tucuita chingachircacuna.

JOSUÉ 10:42

Chai pueblocunapi causajcunata jatun mandajcunataca, shuj cutin macanacuipimi tucuita huañuchishpa, paicunapaj llajtacunatapish tucuita japircacuna. Israelcunata Mandaj Dios paicunamanta macanacujpimi, chashna misharcacuna.

JOSUÉ 11:12

Hazor pueblota jatun mandajhuan tandanacushca jatun mandajcunapaj llajtacunatapish pai japishpami mandajcunatapish tucuicunata espadacunahuan huañuchirca. Taita Diospajta ruraj Moisés paicunata mandashca shinallatajmi tucuicunata chingachirca.

JOSUÉ 8:26

Josueca Hai pueblopi causajcunata tucui chingachingacamami, paipaj maquihuan lanzata chai pueblo ladoman ricuchicushcataca mana anchuchirca.