ÉXODO 17:12 - Dios Rimashca Shimicunami

¹² Moisespaj maquicuna shaicujpica shuj rumita japishpa Moisesta chaipi tiyachishpami Aaronca shuj ladomanta shuj maquita, Hurca caishuj ladomanta caishuj maquita huichi charijpi Moisesca inti huashicungacama mana shaicushpa, maquicunata huichi chutashpa tiyarca.

ÉXODO 17:12 Iomraidhean Croise

SALMOS 35:3

Lanzata llujshichi. Ñucata llaquisha nicujcunataca jarcashpa shayariyari. Ñuca almamanca: “Ñucami canta quishpichij cani” niyari.

ÉXODO 17:11

Chai macanacuipica Moisés paipaj maquita huichi chutajpica, israelcunami mishai callarirca. Moisés paipaj maquita uriyachijpica, amaleccunami mishai callarirca.

ÉXODO 17:13

Chaimantami Josueca amaleccunataca, espadahuan huañuchishpa macanacuita misharca.

ÉXODO 24:14

Moisesca cunaj yuyajcunataca: –Ñucanchij tigramungacama caipi shuyacuichij. Aaronhuan, Hurhuanmi caipi cancunahuan canga. Ima tiyajpica, paicunapajman shamunguichijlla– nircami.

ISAÍAS 35:3

¡Shaicushca maquicunata sinchiyachichij. Chujchucuj sanpicunata sinchiyachichij!

2 Corintios 1:11

Cunanpish ñucanchijmanta Diosta mañapanguichij ninchijmi. Achcacuna mañashcamanta, Dios ñucanchijman rurai tucunata cushcamantaca, achcacunallatajmi Diostaca pagui ningacuna.

Efesios 6:18

Chaipajca, punllanta Diosta mañaichij. Espíritu yuyachishca shina tucuimanta mañashpa rogaichij. Chai yuyai chaparaichij. Jucha illajcunamantapish tucuicunamanta mañaichij.

Filipenses 1:19

Cancuna Diosta mañashcamanta, Jesucristopaj Espíritu ayudashcamanta alli cana cashcataca yachanimi.

Colosenses 4:2

Diosta mañanataca ama cungarishpa, chai yuyailla pagui nicuichijlla.

1 Tesalonicenses 5:25

Huauquicuna, ñucanchijmanta Taita Diosta mañanguichij.

Hebreos 12:12

Chaimanta irquiyashca maquicunata, mana cuyuri tucuj cunguricunata jatarichichij.

Santiago 1:6

Ashtahuanpish ama caita chaita yuyashpa cunataj cashcata yuyashpa mañaichij. Maijanpish caita chaita yuyashpa mañajca, huaira caiman chaiman apajpi huajtaricuj mama cucha shinami.

JOSUÉ 8:26

Josueca Hai pueblopi causajcunata tucui chingachingacamami, paipaj maquihuan lanzata chai pueblo ladoman ricuchicushcataca mana anchuchirca.