ÉXODO 17:11 - Dios Rimashca Shimicunami

¹¹ Chai macanacuipica Moisés paipaj maquita huichi chutajpica, israelcunami mishai callarirca. Moisés paipaj maquita uriyachijpica, amaleccunami mishai callarirca.

ÉXODO 17:11 Iomraidhean Croise

SALMOS 44:6

Ñuca arcopica, mana shunguta churashachu. Ñuca espadapish mana quishpichingachu.

SALMOS 56:9

Taita Diosta ñuca mañai punllapica, ñucata p'iñajcunaca huashamanmi tigrangacuna. Taita Dios ñucata ayudana cashcataca yachanitajmi.

ÉXODO 17:10

Josueca Moisés mandashca shinallatajmi amaleccunahuan macanacunaman llujshirca. Moiseshuan, Aaronhuan, Hurhuanca urcu puntamanmi huichiyarcacuna.

ÉXODO 17:12

Moisespaj maquicuna shaicujpica shuj rumita japishpa Moisesta chaipi tiyachishpami Aaronca shuj ladomanta shuj maquita, Hurca caishuj ladomanta caishuj maquita huichi charijpi Moisesca inti huashicungacama mana shaicushpa, maquicunata huichi chutashpa tiyarca.

Lucas 18:1

Taita Diosta mañanataca mana shaicushpa tucui imapipish mañacunallami nishpa yachachingapajca, cai yuyachij parlotami Jesusca,

1 Timoteo 2:8

Runacunaca jucha illaj maquicunata chutashpa, mana p'iñarishca, mana p'iñanacushca yuyaihuan maipi cashpapish, Taita Diosta mañachunmi munani.

Santiago 5:16

Chaimanta cancunapaj juchacunataca caishuj chaishuj huillanacuichij. Tucuicuna alliyachishcacuna cangapajca, caishujmanta chaishujmanta Diosta mañaichij. Cashcata ruraj tucui shunguhuan Diosta mañashcaca, imatapish rurai tucunmi.

JOSUÉ 8:26

Josueca Hai pueblopi causajcunata tucui chingachingacamami, paipaj maquihuan lanzata chai pueblo ladoman ricuchicushcataca mana anchuchirca.