ÉXODO 17:1 - Dios Rimashca Shimicunami

¹ Tandanacushca tucui israelcuna Sin nishca shitashca pambamanta rishpaca, Mandaj Dios mandashca shina asha ashata causashpa rishpaca, Refidimman chayashpami chaipi carpa huasicunata shayachishpa tiyarircacuna. Chaipica yacu mana tiyajpimi imata mana ubyai tucurcacuna.

ÉXODO 17:1 Iomraidhean Croise

ÉXODO 15:22

Moisesca israelcunata Puca Cuchamanta pushashpa rishpaca, Shur nishca shitashca pambatami quimsa punllacunata ima yacuta mana japishpa rircallacuna.

ÉXODO 16:1

Tandanacushca tucui israelcuna Elim pambamanta llujshishpaca, chai Elim llajtahuan, Sinaí urcuhuan chaupipi caj Sin nishca shitashca pambamanmi chayarcacuna. Paicunaca Egipto llajtamanta llujshishca punllamantaca, cati quillapaj chunga pichca punllapimi chaimanca chayarcacuna.

ÉXODO 17:8

Amaleccunaca israelcunahuan macanacungapaj shamushpami Refidimpi macanacurcacuna.

ÉXODO 19:2

Refidim nishca pambamanta rishpa, chai Sinaí shitashca urcu chaquiman chayashpaca, Sinaí urcu ch'imbapurallapimi carpa huasicunata shayachishpa israelcunaca tiyarircacuna.

NÚMEROS 20:2

Chaipica yacu mana tiyajpimi, tandanacushca israelcunaca Moisestapish, Aarontapish juchachishpa rimangapaj tandanacurcacuna.

NÚMEROS 9:17

Diospaj carpa huasi jahuamanta p'uyu rijpica, israelcunapish rijllacunami carca. Chai p'uyu maipi shayarijpica, israelcunapish chaipimi paicunapaj carpa huasicunata shayachishpa tiyarijcuna carca.

NÚMEROS 9:23

Mandaj Dios maipi tiyarichun mandajpica, chaipimi carpa huasicunata shayachishpa tiyarijcuna carca. Mandaj Dios shujtajman richij nishpa mandajpica, rijcunallami carca. Chashnami israelcunaca Mandaj Dios mandashcata pajtachijcuna carca. Mandaj Dios Moisesta ima shina mandachun nishca shinallatajmi rurarcacuna.