ÉXODO 16:8 - Dios Rimashca Shimicunami

⁸ Moisesca cashnapishmi nirca: –Mandaj Diosca chishicunataca, aichatami cancuna micuchun cugrin. Tutamantacunataca, mana nijta micuchunmi tandata cugrin. Mandaj Diosca cancuna paita juchachishpa rimashcatami uyashca. Cancunaca mana ñucanchijtachu juchachishpa rimashcanguichij. Ashtahuanpish Mandaj Diostamari juchachishpa rimashcanguichij. Shina cajpica ñucanchijca ¿imapish mana canchijchu?– nircami.

ÉXODO 16:8 Iomraidhean Croise

ÉXODO 16:12

–Israelcuna ñucata juchachishpa rimacujtami uyani. Cunanca paicunamanca: Chishicunaca aichatami micunguichij. Tutamantacunaca mana nijtami cancunaca tandata micunguichij. Chaimi cancunaca ñucataca, Mandaj Dios cancunapaj Dios cashcata yachanguichij ninmi ni– nircami.

ÉXODO 16:9

Chai q'uipami Moisesca, Aarontaca: –Tandanacushca tucui israelcunataca: Mandaj Diosca cancuna paita juchachishpa rimashcatami uyashca. Chaimanta tucui israelcuna Mandaj Diospaj ñaupajman c'uchuyamuichij ni– nirca.

ÉXODO 17:2

Chaipimi israelcunaca Moisestaca: –Ubyanapaj yacuta cui– nishpa rimarcacuna. Chaimi Moisesca: –¿Ima nishpataj ñucahuan p'iñaringuichij? ¿Ima nishpataj Mandaj Dios tucuita rurai tucuj cashcata ricushun ninguichij?– nirca.

ISAÍAS 32:6

Millai runaca millaillatami riman. Paipaj shungupica millaita ruranallatami yuyarin. Mandaj Diosta yanganchishpa c'amingapajmi chashna millai yuyailla tucun. Yaricaihuan cajmanpish ama cungapaj, yacunaihuan cajmanpish yacuta ama cungapajmi chashna tucun.

ISAÍAS 37:29

Ñucata p'iñashpa yallitajmi p'iñaringui. Chashna can jatun tucushcaca ñuca rinrinmanmi huichiyashca. Cunanca cambaj singapica fierro ipitami churachigrini. Cambaj shimipica frenotami amullichigrini. Chashna rurashpami, can maitami shamurcangui chai ñanllatataj tigrachishpa cachagrini” ninmi.

NÚMEROS 11:18

Israelcunataca cashna ningui: Cayapajca tucuicuna chuyayaichij. Aichata micunguichijmi. Cancunaca Mandaj Dios uyajtami cashna nishpa huacashcanguichij. ¿Pitaj ñucanchijmanca aichata carangari? Egiptopirajmari alli carca nishcanguichijmi. Mandaj Diosmi cancunamanca aichata cunga. Chaitami micunguichij.

NÚMEROS 14:27

–Yallitaj millaita rurana yuyailla caj cai tucui achcacuna ñucata juchachishpa rimashcataca ¿maicamataj uyacushalla? Cai israelcuna ñucata juchachishpa rimashcataca ñami cai tucuita uyashcani.

NÚMEROS 21:7

Chaimi israelcunaca Moisespajman rishpa cashna nircacuna: –Ñucanchijca Mandaj Diostapish, cantapish juchachishpa rimashpaca, juchallishcanchijmari. Cunanca chai culebracunata ñucanchij c'uchumanta anchuchichun Mandaj Diosta mañapai– nijpimi israelcunamanta Moisés mañajpica,

Mateo 10:40

Maijanpish cancunata chasquishpaca, ñucatami chasquin. Ñucata chasquijca, ñucata cachajtami chasquin.

Mateo 9:4

Jesusca paicuna ima shina yuyacushcata yachashpami: –¿Ima nishpataj cancunapaj shungupica, millaita yuyacunguichij?

Lucas 10:16

Cancunata uyajca ñucatami uyan, cancunata p'iñajca ñucatami p'iñan. Ñucata p'iñajca, ñucata cachajtapishmi p'iñan” nircami.

Juan 13:20

Pipish ñuca cachashcata chasquijca, ñucatami chasquin. Pipish ñucata chasquijca, ñucata cachajtami chasquin. Chaica chashnatajmi– nircami.

Romanos 13:2

Chaimanta maijanpish mana cazujca, Dios churashca mandajtami c'ariyan. Chai mana cazujcunaca, paicunapaj llaquipajllatajmi chashna ruran.

1 Corintios 10:10

Paicunamanta maijancuna shina ama huashalla rimajcuna caichijchu. Chashnacunataca tucuchijpaj maquimi huañuchirca.

1 Tesalonicenses 4:8

Maijanpish cai yachachishcata mana uyasha nijca, mana runallatachu mana uyasha nin. Ashtahuanpish jucha illaj Espirituta cuj Taita Diostamari mana uyasha nin.

1 SAMUEL 8:7

Chaimi Mandaj Diosca Samueltaca: “Tucui paicuna ima nishcataca uyailla. Mana cantachu yanganchin. Ashtahuanpish ñuca paicunata ama mandachunmari ñucata yanganchin.