ÉXODO 16:7 - Dios Rimashca Shimicunami

⁷ Mandaj Diosca cancuna paita juchachishpa rimacushcatami uyashca. Cunan pacarijpica Mandaj Dios tucuita rurai tucuj cashcatami ricunguichij. Shina cajpica ñucanchijca ¿imataj canchigari cancuna juchachishpa rimachunca?– nircami.

ÉXODO 16:7 Iomraidhean Croise

ÉXODO 16:10

Tandanacushca tucui israelcunaman Aarón chaita huillacujpica israelcunaca shitashca pamba ladoman tigrarishpa ricushpaca, Mandaj Diosca p'uyupi jatun achij nicuj ricurijtami ricurcacuna.

ÉXODO 16:12

–Israelcuna ñucata juchachishpa rimacujtami uyani. Cunanca paicunamanca: Chishicunaca aichatami micunguichij. Tutamantacunaca mana nijtami cancunaca tandata micunguichij. Chaimi cancunaca ñucataca, Mandaj Dios cancunapaj Dios cashcata yachanguichij ninmi ni– nircami.

ÉXODO 16:8

Moisesca cashnapishmi nirca: –Mandaj Diosca chishicunataca, aichatami cancuna micuchun cugrin. Tutamantacunataca, mana nijta micuchunmi tandata cugrin. Mandaj Diosca cancuna paita juchachishpa rimashcatami uyashca. Cancunaca mana ñucanchijtachu juchachishpa rimashcanguichij. Ashtahuanpish Mandaj Diostamari juchachishpa rimashcanguichij. Shina cajpica ñucanchijca ¿imapish mana canchijchu?– nircami.

ÉXODO 24:10

israelcunapaj Taita Diosta ricurcacuna. Paipaj chaqui ucu pambaca zafiro rumihuan churashca shina, cielo shina achij nicujmi carca.

ÉXODO 24:16

Mandaj Dios sumaj jatun cashca Sinaí urcu jahuapi cajpimi, sujta punllacunata chai urcuta p'uyu tapashca carca. Canchis punllapica Mandaj Diosca p'uyu chaupimantami Moisesta cayarca.

ÉXODO 40:34

Dioshuan tupanacuna carpa huasitaca p'uyumi taparca. Diospaj carpa huasipica, Mandaj Diospaj achij nicujmi jundarca.

ISAÍAS 35:2

Pamba jundatami sisanga. Cushicungami, jatunta cushicushpami cantanga. Líbano urcu sumaj canatami paipi churanga. Carmelo urcu, Sarón urcu sumaj canatami paipi churanga. Paicunaca Mandaj Dios jatun cashcatami ricungacuna. Ñucanchij Taita Dios achij nicuj cashcatami ricungacuna.

ISAÍAS 40:5

Chaipimi Mandaj Dios sumaj achij nicuj cashcaca ricuringa. Chaitaca tucui gentecunami tandanacushpa ricungacuna”. Mandaj Diosca, paipaj shimihuantajmi chashna nishca.

LEVÍTICO 9:6

Chaipimi Moisesca: “Tucui caicunaca Mandaj Dios mandashcami. Chaitataj ruraichij. Chaipimi Mandaj Diospaj sumaj achij nicuj cashcaca cancunapaj ñaupajpi ricuringa” nircami.

NÚMEROS 14:10

Shina nijpipish, chai tucui israelcunami rumicunahuan shitashun nircacuna. Ashtahuanpish Dioshuan tupanacuna carpa huasipica, Mandaj Diosca paipaj sumaj cashcahuanmi tucui israelcunaman ricurirca.

NÚMEROS 14:27

–Yallitaj millaita rurana yuyailla caj cai tucui achcacuna ñucata juchachishpa rimashcataca ¿maicamataj uyacushalla? Cai israelcuna ñucata juchachishpa rimashcataca ñami cai tucuita uyashcani.

NÚMEROS 16:11

Aaronca ¿pi cajpitaj juchachishpa rimanguichigari? Ashtahuanpish canpish, canhuan tucushpa jatarijcunapish Mandaj Diostamari p'iñashpa rimanguichij– nircami.

NÚMEROS 16:42

Moisestapish, Aarontapish tucui israelcuna muyundijta shayarishpa rimacujpimi, paicunaca Mandaj Dioshuan tupanacuna carpa huasita ricushpaca p'uyu tapashcata, Mandaj Diosca paipaj sumaj cashcahuan chaipi cajta ricurcacuna.

NÚMEROS 17:5

Chaipica maijantami ñucapajta rurachun agllani chaipaj tauna caspipimi sisa huiñanga. Chashna rurashpami, ñuca ñaupajpi israelcuna cancunata p'iñashpa juchachishpa rimajcunataca upallachisha” nircami.

Juan 11:4

Chaita Jesús uyashpaca: –Chai ungüica mana huañunapajchu. Ashtahuanpish Taita Dios tucuita rurai tucuj cashcata ricuchinapajmi. Taita Diospaj Churipish chai ungüimantami jatunyachishca canga– nircami.

Juan 11:40

Jesusca: –Can crishpaca Taita Diosca tucuita rurai tucuj cashcata ricunguimi nishpa ¿manachu nircani?– nircami.