ÉXODO 16:34 - Dios Rimashca Shimicunami

³⁴ Aaronca Mandaj Dios, Moisesta mandashca shinallatajmi shuj mangapi chai tandata churashpa, Mandaj Dioshuan shuj yuyailla tucushcata ricuchij quillcata huaquichina arca ñaupajpi churashpa huaquichirca.

ÉXODO 16:34 Iomraidhean Croise

1 REYES 8:9

Chai arca ucupica, ima shujtajca mana tiyarcachu. Horeb urcupi cashpa Moisés churashca ishqui tablajlla rumicunallami tiyarca. Chaipica Mandaj Dios israelcunata Egiptomanta llujshichimushpa ari ninacushca quillcami carca.

ÉXODO 25:16

Ñucahuan ari ninacushcata ricuchij quillcata canman cushcataca chai arcapi huaquichingui.

ÉXODO 25:21

Chai propiciatoriotaca arcapaj jahuapi churangui. Arca ucupica ñucahuan ari ninacushcata ricuchij ñuca cushca mandashcata churangui.

ÉXODO 27:21

Mandaj Dioshuan cancunahuan shujlla yuyai tucushcata ricuchij quillcata huaquichishca arcata jarcachishca cortina ñaupajpi caj lamparacunaca Mandaj Diospaj ñaupajpi chishimantaca pacaringacama japichishca cachun. Chaicunataca Aarón paipaj churicunandijmi cuidangacuna. Chaicunataca tucui israelcuna huahua huahua ruracuchunmi chashna mandani.

ÉXODO 30:36

Chaicunata chapushcamanta ashataca ñutujllata cutashpa, Dioshuan tupanacuna carpa huasipi caj cancunahuan ari ninacushcata ricuchij quillcata huaquichina arca ñaupajpi churangui. Chai arcapimi ñucaca canman ricurisha. Chaicunaca cancunapajca Diospajlla ch'icanchishcata yuyanami canga.

ÉXODO 30:6

Chai q'uipaca chai altartaca ñuca cancunahuan ari ninacushcata ricuchij quillcata huaquichina arca tiyacun ucuta jarcachishca linso ñaupajllapi churangui. Chai arcapaj propiciatorio jahuapimi ñucaca canhuan tupasha.

ÉXODO 31:18

Sinaí urcupi chaicunata Moiseshuan ña tucui rimashpaca, Moisesmanca Dios ima shina cashca shina causachun mandashcata ishqui tablajlla rumicunapi Taita Dios paipaj quiquin dedohuan quillcashcatami curca.

ÉXODO 38:21

Diospaj carpa huasitapish, Dioshuan ari ninacushca quillcata huaquichina carpa huasitapish imallahuan rurashcata yupashcami. Chaitaca Aarón curapaj churi Itamarta Moisés mandajpimi, Itamarca levitacunata mandajpi paicunaca imalla yaicushcata yuparcacuna.

ÉXODO 40:20

Dioshuan ari ninacushca quillcataca arca ucupimi churarca. Chai arcata apana suni caspicunatapishmi arca argollacunapi churachirca. Arca jahuapica propiciatoriotami churarca.

NÚMEROS 1:50

Ashtahuanpish levitacunataca Dioshuan ari ninacushca quillcata huaquichina carpa huasita, chaipi Diospajta ruranapaj imalla charinacunata, chai carpa huasipi tucui imalla tiyajcunatapish ricuchun churangui. Diospaj carpa huasita, chaipi tucui imalla tiyajcunatapish paicunami apajcuna canga. Tucui chaicunata rurashpami Diospajta rurangacuna. Paicunaca Diospaj carpa huasi muyundijpi paicunapaj carpa huasicunata shayachishpa causachuncuna.

NÚMEROS 1:53

Levitacunaca Dioshuan ari ninacushca quillcata huaquichina carpa huasi muyundijpi, paicunapaj carpa huasicunata shayachishpa tiyarichun. Tandanacushca israelcunapaj jahuaman Mandaj Dios p'iñarishca ama shamuchunmi paicunaca chaipi cuidangacuna”.

NÚMEROS 17:10

Mandaj Diosca, Moisestaca cashnami nirca: “Aaronpaj tauna caspitaca Dioshuan ari ninacushca quillcata huaquichina arca ñaupajllapitaj cachun churai. Diosta c'ariyajcunaca chai tauna caspita ricushpa Diostaca mana c'ariyanalla cashcata yuyarinapajmi canga. Chashna rurashpami, ñuca ñaupajpi juchachishpa cancunata rimacujcunataca upallachingui. Chaimi paicunaca mana huañungacuna” nircami.

DEUTERONOMIO 10:5

Chai urcumanta tigrashpa uriyashpaca tablajlla rumicunataca chai rurashca arcapimi churarcani. Chai rumicunaca Mandaj Dios ñucata mandashca shinallatajmi cunancama chai arcapi tiyacun.