ÉXODO 16:32 - Dios Rimashca Shimicunami

³² Chai q'uipami Moisesca israelcunataca: –Mandaj Diosca cashnami nin: Maná shuti tandataca shuj gomerta japishpa huaquichichij. Egipto llajtamanta cancunata llujshichishpa cai shitashca pambapi cancunaman cai tandata carashcata cancunapaj huahua huahuacuna ricuchun ninmi– nircami.

ÉXODO 16:32 Iomraidhean Croise

SALMOS 105:5

Mancharinacunata pai rurashcata yuyarichigari. Pi mana rurai tucuipajta rurashcatapish yuyarichigari. Pai mandashca shimicunatapish yuyarichigari.

ÉXODO 16:16

Caita ima shina japichunca Mandaj Diosca cashnami mandan: Chaitaca cada huasi familia mashnapura cashcapaj micuna pajtallata japichun. Cada shujpaj shuj gomerta apachun ninmi– nircami.

ÉXODO 16:31

Israelcunaca chai tandataca Maná shutitami shutichircacuna. Chaica culantro muyu shina yurajlla, sacha chuspipaj mishquihuan caj tortilla shina mishquijllami carca.

ÉXODO 16:33

Moisesca Aarontaca: –Cancunapaj huahua huahuacuna ricunapaj cachun shuj mangata japishpa chaipica shuj gomer maná shuti tandata churashpa, Mandaj Diospaj ñaupajpi huaquichi– nircami.

JEREMÍAS 7:23

Ashtahuanpish cashna nishpami mandarcani: Cancunaca ñuca rimashcata cazunguichij. Cancuna cazujpica, cancunapaj Dios cashami. Cancunapish ñuca agllashca runacunami canguichij. Ñuca imalla mandashcata chaitataj rurashpaca, allimi causanguichij nircanimi.

OSEAS 11:4

Ñucaca paicunataca c'uyaihuanmi huascahuan huataj shina pushamurcani. Ñucaca paicunapaj cungamanta yugota anchuchijmi cani. Micunatapish paicunapaj ñaupajpimi churarcani.

Lucas 22:19

Tandata japishpapish Taita Diosta pagui nishpa, chaupishpa yachacujcunaman cushpaca: –Caica, cancunamanta llaquichishca cana ñuca cuerpomi. Chaimanta caitaca, ñucata yuyarishpa ruracunguichijlla– nircami.

Hebreos 2:1

Chaimanta ñanta chingachij shina ama pandaringapaj ñucanchij imata uyashcataca ashtahuan chai yuyailla catirashunchij.

Hebreos 9:4

Chaipica incensiota rupachina curi altarpish, ari nishcata ricuchij tucuita curihuan llihuishca arcapishmi tiyarca. Chai arca ucupica, maná tandata huaquichina curi manga, Aaronpaj verdijlla tucuj vara, ari nishcata quillcashca tablajlla rumicunapishmi carca.