ÉXODO 16:3 - Dios Rimashca Shimicunami

³ Paicunaca: –Ñucanchijca Egipto llajtallapitaj Mandaj Diospaj maquipi huañushca cashparajchari alli canchijman carca. Chaipica manga aichata ñaupajpi churashpami micuj carcanchij. Tandatapish mana nijtami micuj carcanchij. Cai tucuicunataca cai shitashca pambapi yaricaihuan huañuchingapajmi pushamushcanguichij– nircacunami.

ÉXODO 16:3 Iomraidhean Croise

2 SAMUEL 18:33

Chashna nishcata uyashpami, jatun mandajca musparijta llaquirishpa puebloman yaicuna pungu jahuapi caj huasi ucuman huichiyashpa, achcata huacarca. Pai ña huichiyacushpaca: “Ñuca huahua Absalonlla, ñuca huahualla ñuca huahua Absalonlla, cambaj randica ñucata huañuchishca cashparajchari alli canman carca. Ñuca huahua Absalonlla, ñuca huahua Absalonlla” nishpami huacarca.

JOB 3:1

Chai q'uipami Jobca, pai huacharishca punllataca mana alli nishpa rimarca.

JOB 3:10

Chai punllapi mana huacharishca cashpaca, cai tucui llaquicunataca mana ricuimanchu carcani.

JOB 3:20

Llaquihuan huañucujmanca ¿imapajtaj achij punllataca ricuchircari? Shungu p'aquirishcacunamanca ¿imapajtaj causaitaca curcari?

SALMOS 107:5

Paicunaca yaricaihuan, yacunaihuan huañucujmi carcacuna. Causana cashcataca mana yuyashpami puricurcacuna.

SALMOS 78:19

Taita Diostaca cashnami rimarcacuna: “¿Diosca cai shitashca pambapica, imata carai tucungachu imashi?

SALMOS 78:25

Runacunaca angelcuna micunatami micurcacuna. Paicuna mana nijta micuchunmi Taita Diosca micunata cacharca.

ÉXODO 14:11

Israelcunaca Moisestaca: –¿Egiptopica pambana jutcucuna mana tiyajpichu cai shitashca pambapi huañuchun ñucanchijtaca llujshichimurcangui? Egiptomanta ñucanchijta llujshichimushpaca mana ruranatamari rurangui.

ÉXODO 17:3

Israelcunaca yallitaj yacunaihuan cashcamantami, Moisestaca juchachishpa: –¿Imapajtaj ñucanchijtaca Egiptomantaca llujshichimurcangui? ¿Ñucanchij huahuacunandij, animalcunandij yacunaihuan huañuchingapajchu pushamurcangui?– nircacuna.

ÉXODO 2:23

Ña tauca huatacuna q'uipaca Egiptota jatun mandajca huañurcami. Israelcunaca yallitaj sinchi trabajocunapi cashpami, aij nishpa caparircacuna. Paicuna yallitaj sinchi trabajopi cashpa caparishcaca Taita Diospajmanmi chayarca.

ÉXODO 5:21

paicunataca: –Faraonpaj ñaupajpi, paipajta rurajcunapaj ñaupajpi ñucanchijta p'iñaipi churashcataca Mandaj Dios ima shina cashcata alli ricushpa imatapish nichun. Cancuna ñucanchijta chashna rurashpaca cancunallatajmari paicunapaj maquipi espadata churaj shina ñucanchijtaca huañuchichigringuichij– nircacunami.

JEREMÍAS 2:6

Paicunaca ña mana ñucata mashcanata yuyarircacunachu. Ñucanchijta Egipto llajtamanta llujshichishpa, shitashca, chaquishca pambacunata pushamuj, ñanllapish mana tiyaj, pi mana purishca, pi mana causashca huañunalla llajtata pushamuj Mandaj Diosca ¿maipitagari? ninataca mana yuyarircacunachu.

JEREMÍAS 42:14

cashna ninguichijchari: Egipto llajtaman rishuntaj ninchijmi. Chaipica jatun macanacuitapish mana ashtahuan ricushunchu, macanacuiman llujshichun trompetapi tocashcatapish mana uyashunchu, yaricaipish mana tiyangachu. Chaipimi sumajta causashun ninguichijchari.

JEREMÍAS 44:17

Ashtahuanpish ñucanchij shimihuan imatami rimanchij, chaitatajmi rurashpa causashun. Ñucanchij ñaupa yayacunapish, ñucanchijta jatun mandajcunapish, ñucanchijta mandajcunapish Judá llajta pueblocunapi, Jerusalén plaza pambacunapica, jahua pachata jatun mandaj huarmi dioshuanmi inciensota cushpa rupachij carcanchij. Vinotapish cushpami, tallij carcanchij. Chai shinallatajmi rurashpa catishun. Chashna rurashpami ñucanchijca achca granocunayuj causarcanchij. Ima llaquita mana apashpa, cushicushpami causarcanchij.

LAMENTACIONES 4:9

Allpapi p'ucuj ima grano illashcamantami, yaricaihuan allimanta chaquishpa huañurcacuna. Espadapi huañujcunarajmi, mana paicuna shina llaquita aparcacuna.

NÚMEROS 11:15

Quiquin ñucata chashna ruracunalla cashpaca, ñucamanca huañuita cuhuailla. Quiquinpaj ñahuipi ñuca alli ricurishca cajpi, cai laya llaquita ñuca ama ricuchunmi chashna rurana cangui– nircami.

NÚMEROS 11:20

Ashtahuanpish shuj quilla jundacama, cancunapaj singacunaman llujshingacama, mana micunachishpa millanachingacamami micugringuichij. Cancunapaj chaupipi caj Mandaj Diosta yanganchishpa paipaj ñaupajpi huacashpa: Egiptomantaca imapajchari caimanca llujshimurcanchij nishcamantami chashna micugringuichij ningui– nircami.

NÚMEROS 14:2

Tucui israelcunami Moisestapish, Aarontapish juchachishpa tucuicuna cashna nircacuna: “¡Egiptopi huañushca cashparajchari alli canchijman carca! ¡Cai shitashca pambapi huañushparajchari alli canchijman!

NÚMEROS 14:3

¿Ima nishpataj Mandaj Diosca cai llajtapi causajcunapaj espadapi huañuchunca pushamunchu imatagari? Ñucanchij huarmicunapish, ñucanchij huahuacunapish macanacuipi mishashpa japishcacuna cachunllamari pushamun. Chaipaj randica ¿manachu Egiptoman tigrana alli canman?” nishpami

NÚMEROS 16:13

Lechepish, sacha chuspipaj mishquipish yacu shina llujshicuj llajtamanta ñucanchijta llujshichishpa, cai shitashca pambapi huañuchun pushamushpaca ¿ima mana cashcatachu yuyangui? Chai jahuachu jatun tucushpa ñucanchijta mandasha ningui.

NÚMEROS 16:41

Chai cayandij punllaca, tucui israelcunami Moiseshuanpish, Aaronhuanpish p'iñarishpa paicunataca: –Cancunaca Mandaj Diospajlla cajcunatamari huañuchishcanguichij– nishpa rimarcacuna.

NÚMEROS 21:5

Taita Diostapish, Moisestapish juchachishpa cashna rimarcacuna: –Egiptomantaca ¿imapajtaj huichiyachimurcangui? Cai shitashca pambapi huañuchunllamari llujshichimushcangui. Caipica micunapish, yacupish mana tiyanchu. Cai yanga micunallataca, ña aminchijmi– nircacuna.

Hechos 26:29

Pabloca: –¡Ashallamanta cashpa, achcamanta cashpapish, Taita Dios munajpica mana canlla, ashtahuanpish cunan caipi ñucata tucui uyajcunapish ñuca shina crij cachunmi munani! ¡Cadenahuan ñuca shina huatashca cachunllami mana munani!– nirca.

1 Corintios 4:8

Ña mana nijta micushcacuna shina, ña achcata charijcuna shina, ñucanchij illajlla mandacushcata yuyacujcunami canguichij. ¡Ima shinamanta mandanguichijpishchari, ñucanchijpish cancunahuan tandalla mandangapaj!

2 Corintios 11:1

¡Loco shina ñuca rimarishcata uyai tucunguichijpishchari! Ima shinapish uyapaichigari.

DEUTERONOMIO 28:67

Chai tucui llaquicunata ricucushpa shungu llaquilla cashpaca tutamantapish utca chishiyanman yuyanguichijmi, chishipish utca pacarinman yuyanguichijmi

DEUTERONOMIO 8:3

Yaricaihuanmi llaquichirca. Q'uipataca cancunapish cancunapaj ñaupa yayacunapish mana rijsishca maná tandatami cararca. Chaitaca runaca mana tandallahuan causana cashcata, ashtahuanpish Mandaj Diospaj shimimanta llujshishca shimicunahuan causana cashcata yachachingapajmi chashna rurarca.

JOSUÉ 7:7

Chaipimi Josueca: –¡Aij, Mandaj Jatun Dioslla! ¿Imapajtaj Jordán yacutaca ch'imbachircanguiyari? Amorreocuna ñucanchijta chingachichun, paicunapaj maquipi churangapajllamari ch'imbachishcangui. Jordán yacuta mana ch'imbashca cashpachari alli canchijman carca.