ÉXODO 16:15 - Dios Rimashca Shimicunami

¹⁵ Chaita israelcuna ricushpaca, ima cashcata mana yachashcamantami caishuj chaishuj: “¿Caica imashi?” ninacucujpi Moisesca: –Cancuna micuchun Mandaj Dios cushca tandami.

ÉXODO 16:15 Iomraidhean Croise

NEHEMÍAS 9:15

Yaricaihuan cajpipish, jahua pachamanta micunatami cararcangui. Yacunaihuan cajpipish, peña urcumanta yacuta llujshichishpami curcangui. Ñuca cusha nishca allpaman yaicushpami chai allpataca quiquinpajta ruranguichij nishcanguimi. Chai llajtataca cancunamanmi cusha nishpaca pajtachishatajmi nishcanguimi.

NEHEMÍAS 9:20

Yachachingapajpish quiquinpaj alli Espiritutami cacharcangui. Maná shuti micunatapish mana quichurcanguichu. Yacunachijpipish yacuta curcanguimi.

SALMOS 105:40

Aichata mañajpica codornizcunatami cacharca. Jahua pacha tandatami mana nijta cararca.

SALMOS 78:24

Maná shuti granotami paicuna micuchunca tamyachirca. Jahua pacha trigotami paicunamanca curca.

ÉXODO 16:31

Israelcunaca chai tandataca Maná shutitami shutichircacuna. Chaica culantro muyu shina yurajlla, sacha chuspipaj mishquihuan caj tortilla shina mishquijllami carca.

ÉXODO 16:33

Moisesca Aarontaca: –Cancunapaj huahua huahuacuna ricunapaj cachun shuj mangata japishpa chaipica shuj gomer maná shuti tandata churashpa, Mandaj Diospaj ñaupajpi huaquichi– nircami.

ÉXODO 16:4

Chaipimi Mandaj Diosca Moisestaca: –Ñucaca jahua pacha tandatami tamyachigrini. Chai micunataca tucuicuna quiquin micuna pajtallata punllanta tandanaman llujshichuncuna. Ñuca imallata rurachun mandashcata cazujta, mana cazujtami ricusha nini.

PROVERBIOS 9:5

Cancunapaj ñuca allichishca micunata micuj shamuichij. Ñuca sumajta chagrushca vinota ubyaj shamuichij.

NÚMEROS 21:5

Taita Diostapish, Moisestapish juchachishpa cashna rimarcacuna: –Egiptomantaca ¿imapajtaj huichiyachimurcangui? Cai shitashca pambapi huañuchunllamari llujshichimushcangui. Caipica micunapish, yacupish mana tiyanchu. Cai yanga micunallataca, ña aminchijmi– nircacuna.

Lucas 12:30

Taita Diosta mana rijsijcunallami tucui chaicuna yuyailla causan. Ashtahuanpish cancunapaj Yayaca, cancunapaj imalla illashcataca ñamari yachan.

Juan 6:49

Cancunapaj ñaupa yayacunaca, shitashca pambapica maná shuti tandatami micurcacuna. Chaita micushpapish huañurcallacunami.

Juan 6:58

Cai tandaca jahua pachamanta shamushcami. Cancunapaj ñaupa yayacuna micushca maná shuti tanda shinallaca mana canchu. Paicunaca chaita micushpapish huañurcallacunami. Cai tandata micujca, huiñaitami causanga– nircami.

1 Corintios 10:3

Tucuicunami Dios cachashca micunallatataj micurcacuna.

DEUTERONOMIO 8:16

cancunapaj ñaupa yayacuna mana rijsishca maná shuti micunata carashpa pushamuj Taita Diosta ñataj cungaringuichijman. Paimi cancunataca llaquichishpa, cancuna ima shina cashcata ricushpa q'uipa punllacunapi allicunata cungapaj pushamurca.

DEUTERONOMIO 8:3

Yaricaihuanmi llaquichirca. Q'uipataca cancunapish cancunapaj ñaupa yayacunapish mana rijsishca maná tandatami cararca. Chaitaca runaca mana tandallahuan causana cashcata, ashtahuanpish Mandaj Diospaj shimimanta llujshishca shimicunahuan causana cashcata yachachingapajmi chashna rurarca.

Hebreos 9:4

Chaipica incensiota rupachina curi altarpish, ari nishcata ricuchij tucuita curihuan llihuishca arcapishmi tiyarca. Chai arca ucupica, maná tandata huaquichina curi manga, Aaronpaj verdijlla tucuj vara, ari nishcata quillcashca tablajlla rumicunapishmi carca.

JOSUÉ 5:12

Allpapi punta p'ucushca granota micui callari cayandij punllamantami maná shuti micunaca ña mana tiyarca. Chaimanta pachami israelcunaca maná shuti micunataca, ña mana charircacuna. Chai huatamantami Canaanpi p'ucushca granocunata micushpa causarcacuna.

Apocalipsis 2:17

Rinrinta charijca, tandanacushca crijcunaman Diospaj Espíritu huillashcata uyachun. Millaita mishajmanca, pacashca tiyacuj maná shuti micuitami carasha. Shinallataj shuj uchilla yuraj rumitami cusha, chaipica shuj mushuj shutita quillcashcami, chai shutitaca pi mana yachanchu, maijanpish chasquijllami yachanga nishpa quillcai” nircami.